17-Apr-2022

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ଧୁମାଭଟା ପଞ୍ଚାୟତ ର ନୂଆ ସରପଞ୍ଚ ଯୁବ ନେତା ବନମାଳୀ ନାଏକ ସବୁ ସମୟରେ ଲୋକ ଙ୍କ ସମସ୍ୟା ସମ୍ପର୍କରେ ଅବଗତ କରାଉଥିବା ରୁ ଅଞ୍ଚଳରେ ଘୋରି ଘୁରି ପ୍ରଶଂସା କରୁଥିବା ଜଣାପଡିଛି।ସେ ଯେଉଁ ଦିନ ଠାରୁ ସରପଞ୍ଚ ପଦବୀରେ ବସିଲେ ସେହି ଦିନଠାରୁ ନିଜ ଅଞ୍ଚଳର ଉନ୍ନତି ଦିଗରେ ଆଗେଇ ଆସିଛନ୍ତି। ବର୍ତ୍ତମାନ ଖରାଦିନ ହୋଇଥିବା ହେତୁ ଲୋକେ ରାସନ୍ ସାମଗ୍ରୀ ପାଇଁ ପଞ୍ଚାୟତ କୁ ଆସି ହଇରାଣ ନ ହୁଅନ୍ତୁ ବୋଲି ଗାଁ ଗାଁ କୁ ରାସନ୍ ସାମଗ୍ରୀ ପହଁଞ୍ଚାଇ ଥିବାବେଳେ ବାର୍ଦ୍ଧକ୍ୟ ଭତ୍ତା ମଧ୍ୟ ଘର ଘରକୁ ପହଞ୍ଚାଇଥିବା ଯୋଗୁଁ ଅଞ୍ଚଳର ଲୋକମାନେ ବେଶ୍ ଖୁସି ମନେ କରିଛନ୍ତି। ଗାଁ କଲ୍ୟାଣ ପାଇଁ ପ୍ରତ୍ୟେକ ସପ୍ତାହରେ ସଫାସୁତୁରା କରାଉଛନ୍ତି ଏବଂ ଖରା ଦାଉରୁ ରକ୍ଷା ପାଇବା ପାଇଁ ଅସ୍ଥାୟୀ ଚହଲା ନିର୍ମାଣ କରିଛନ୍ତି। ଦୀର୍ଘ ୧୦ ବର୍ଷ ହେବ ପଞ୍ଚାୟତ ବାସିନ୍ଦା ହରିଶ୍ଚନ୍ଦ୍ର ଯୋଜନା ରୁ ବଞ୍ଚିତ ରହୁଥିବା ବେଳେ ପୁଣି ସେହି ଯୋଜନା କୁ ନବ ନିର୍ବାଚିତ ସରପଞ୍ଚ କାର୍ଯ୍ୟକାରୀ କରିଛନ୍ତି। ଗାଁ ଗାଁ କୁ ପାଣିଛତ୍ର ଦେବା ସହ ନିଜ ଅଞ୍ଚଳ କୁ ଭିକ୍ଷୁକ ମୁକ୍ତ ଭାବେ ଘୋଷଣା କରାଇଛନ୍ତି। ସମସ୍ତ ବିଦ୍ୟାଳୟ ଓ ଅଙ୍ଗନବାଡ଼ି କେନ୍ଦ୍ର ପରିଭ୍ରମଣ କରି ସମସ୍ୟା ର

ସମାଧାନ କରିବାକୁ ପ୍ରତିଶୃତି ଦେଇଛନ୍ତି। କିନ୍ତୁ ବର୍ତ୍ତମାନ ଏକ ଆଶ୍ଚର୍ଯ୍ୟଜନକ ବିଷୟ ହେଉଛି କି ନିଜ ଜନ୍ମସ୍ଥାନ ଛାଡ଼ି ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିବା ଶ୍ରମିକ ମାନଙ୍କୁ ଭିଡିଓ କଲ୍ ମାଧ୍ୟମରେ ଯୋଗାଯୋଗ କରି ସୁଖଦୁଃଖ ବୁଝିଥିବା ରୁ ସାରା ଜିଲ୍ଲାରେ ଏକ ଉଦାହରଣ ସୃଷ୍ଟି କରିଛନ୍ତି। ଧୁମାଭଟା ପଞ୍ଚାୟତ ର ମୁଖ ରୁ ସବୁବେଳେ ଶୁଣିବାକୁ ମିଳୁଛି ଯେ ଏଭଳି ସରପଞ୍ଚ କୋଟିଏ ରେ ଗୋଟିଏ । ସରପଞ୍ଚ ଆସନ ଗ୍ରହଣ କରି ଏକ ମାସ ରେ ମଧ୍ଯରେ ବିକାଶ ଏତେ ଦୁର କୁ ଯାଇଛି ତାହେଲେ ଆଗାମି ଦିନରେ ଆଗକୁ ଆଉ କେତେ ଯେ ବିକାଶ ହେବ ତାହା ଆଶ୍ଚର୍ଯ୍ଯଜନକ ବିଷୟ ପାଲଟିଛି !