17-Apr-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ ଓ ଉପାଧକ୍ଷା ତପସ୍ୱିନୀ ମେହେର ଗତକାଲି ଭୁବନେଶ୍ୱର ସ୍ଥିତ ନବୀନ ନିବାସ ଠାରେ ୫ଟି ସଚିବ ଭି. କାର୍ତ୍ତିକେୟନ ପାଣ୍ଡିଆନଙ୍କୁ ଭେଟି ବିନିକା ଅଞ୍ଚଳର ବିକାଶ ପାଇଁ ବିଭିନ୍ନ ସମସ୍ୟାର ସମାଧାନ ଉପରେ ଆଲୋଚନା କରି ଏକ ଦାବିପତ୍ର ପ୍ରଦାନ କରିଛନ୍ତି ।ଦାବିପତ୍ରରେ ସେମାନେ ଉଲ୍ଲେଖ କରିଛନ୍ତି ଯେ ବିନିକା ସହର ଦେଇ ପ୍ରବାହିତ ଚିରସ୍ରୋତା ମହାନଦୀ କୂଳରେ ଦୀର୍ଘ ବର୍ଷ ହେଲା ଅଧୁରା ହୋଇ ପଡିରହିଥିବା ରିଂ ରୋଡ଼ କାର୍ଯ୍ୟ ସମ୍ପୂର୍ଣ୍ଣକରଣ,ବିନିକା ବିଜ୍ଞାପିତ ଅଞ୍ଚଳ ପରିଷଦ ବାସୀଙ୍କ ପାଇଁ ମେଗା ଉଠା ଜଳସେଚନ ପ୍ରକଳ୍ପ ନିର୍ମାଣ,ପର୍ଯ୍ୟଟନ ସ୍ଥଳୀ ପାପକ୍ଷୟ ଘାଟ ପରିସରରେ ଆଧୁନିକ ଧରଣର ପାର୍କ ନିର୍ମାଣ,ମୁକ୍ତିତୀର୍ଥ ପାପକ୍ଷୟ(ମହାନଦୀରେ) ଘାଟରେ ବୋଟିଂ ବ୍ୟବସ୍ଥା,ମନ୍ଦିର ଗୁଡ଼ିକର ଅତ୍ୟାଧୁନିକ କରଣ, ଇକୋ ପର୍ଯ୍ୟଟନ ସ୍ଥଳୀର ମାନ୍ୟତା, ପାନ୍ଥନିବାସର ପୁନରୁଦ୍ଧାର,ସେହିପରି ୧୨୩୦ ଖ୍ରୀଷ୍ଟାବ୍ଦରେ ନିର୍ମିତ ଯାହାକି ଓଡ଼ିଶାର ଶ୍ରୀକ୍ଷେତ୍ର ପୁରୀ ଜଗନ୍ନାଥ ମନ୍ଦିର ପ୍ରଥମ ହୋଇଥିବା ବେଳେ ବିନିକା ଗଡ଼ଭିତର ସ୍ଥିତ ଜଗନ୍ନାଥ ମନ୍ଦିର ଦ୍ଵିତୀୟ ବୋଲି କିମ୍ବଦନ୍ତୀ କୁହେ ।କିନ୍ତୁ ଦୁଃଖର ବିଷୟ ବର୍ତ୍ତମାନ ପର୍ଯ୍ୟନ୍ତ ଏହି ମନ୍ଦିର ଦେବୋତ୍ତର ବିଭାଗ ଅଧିନରେ ନାହିଁ ତେଣୁ ଏହାର ସୁରକ୍ଷା କରାଯାଉ, ବିନିକା ଅଞ୍ଚଳରେ ସବ ତ୍ରେଜେରୀ ଅଫିସ ଖୋଲାଯାଉ,ବିନିକା ଅଞ୍ଚଳ ବାସୀଙ୍କ ଦୀର୍ଘ ବର୍ଷର ଦାବି ସରକାରଙ୍କ ଠାରେ ବିଚାରାଧୀନ ଥିବା ବିନିକାକୁ ତୁରନ୍ତ ଉପଖଣ୍ଡ ମାନ୍ୟତା ଘୋଷଣା କରାଯାଉ ଆଦି ଦାବି ଉପସ୍ଥାପନ କରାଯାଇଛି ।