16-Apr-2022

 ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସବଷ୍ଟେସନ ପଡା ସ୍ଥିତ ଶ୍ରୀ ହନୁମାନ ମହାପ୍ରଭୁଙ୍କ ମନ୍ଦିରରେ ମହାବିଷୁବ ପଣା ସଂକ୍ରାନ୍ତି ଓ ହନୁମାନ ଜୟନ୍ତୀ ମହା ଆଡମ୍ବରରେ ପାଳିତ ହୋଇଯାଇଅଛି । ଏହି ଅବସରରେ ଗତ ବୁଧବାର ଶତାଧିକ ଲୋକ ଓ ଯୁବବର୍ଗ ଏକ ବିରାଟ ଶୋଭାଯାତ୍ରା ସହ ସିନ୍ଧେକେଲା ଅଞ୍ଚଳର ଇଷ୍ଟଦେବୀ ମାଁ ଦ୍ୱାରସେହ୍ନି ମନ୍ଦିର ନିକଟ ପବିତ୍ର ପୁଷ୍କରିଣୀ ବାଣୀବଘାର ରୁ କଳସ ଆଣି ପୂଜା ମଣ୍ଡପରେ ସ୍ଥାପନ କରିଥିଲେ । ଗୁରୁବାର ପ୍ରାତଃ ସମୟରେ ପୂଜାର୍ଚ୍ଚନା , ପୂର୍ବାହ୍ନରେ ହୋମ କର୍ମ , ସନ୍ଧ୍ୟାରେ ମହା ଆଳତି ,

ରାତ୍ରୀରେ ହନୁମାନ ଚାଲିଶା ପାଠ ଓ ସର୍ବ ସାଧାରଣ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ତପନ ଜୈନ କର୍ତ୍ତା ଦାୟିତ୍ବ ତୁଲାଇଥିବା ବେଳେ ପୂଜକ ଭାବରେ ସୁରୁ ରଥ  ଯୋଗଦେଇ ପୂଜା ଓ ହୋମ କର୍ମ ସମ୍ପାଦିତ କରିଥିଲେ । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ରେ ଭଜନ ସମାରୋହ ଓ ପ୍ରବଚନ ହୋଇଥିଲା । ଏଥିରେ ବ୍ୟାସ ପ୍ରବଚକ ଭାବରେ ତରଣୀ ସେନ ବେହେରା ମହାବୀର ଶ୍ରୀ ହନୁମାନ ଓ ପ୍ରଭୁ ଶ୍ରୀରାମ ଙ୍କ ଆଧାରିତ କଥାମୃତ ପାଠ କରିଥିବା ବେଳେ ମାୟାଧର ଖର୍ସେଲ, ହେମନ୍ତ ପୟାସିଂ , ପ୍ରଦ୍ୟୁମ୍ନ ବାଗ , ସୁଶିଲ ନାଗ, ଅମରପତି ବିଶି , ରମେଶ ସାହୁ ପ୍ରମୁଖ ସହଯୋଗ କରିଥିଲେ। ହନୁମାନ ମନ୍ଦିର ପୁଜା କମିଟି ସଭାପତି ସୁମନ୍ତ ରଣା , ସମ୍ପାଦକ ଗୋପୀନାଥ ସାହୁ , ଦୀପକ ସାହୁ , ସିଲୁ ସାହୁ , ଉଦିତ ନାରାୟଣ ପଣ୍ଡା , ଭୋଳା ସାହୁ , ଲୁଲୁ ରଣା , ନୀଳ ସିଂଦେଓ , ଶିବ ପ୍ରସାଦ ଥପା , ସମୀର ନାଏକ , ବୁଲୁ ରଣା , ଚନ୍ଦୁଲାଲ ଯାଦବ , ପିଣ୍ଟୁ ବେହେରା , ରାଧେ ଥପା , ଉମେଶ ସାହୁ , ବିଭୁ ଗହୀର , ନିର୍ମଳ ରଣା , ହୁରସି ଭାଟି , ଟୁନା ସାହୁ , ପିଣ୍ଟୁ ଜୈନ ପ୍ରମୁଖଙ୍କ ସହ ସବଷ୍ଟେସନ ପଡ଼ାବାସୀ ସହଯୋଗ କରିଥିଲେ ।