28-Mar-2022

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ୍): ୨୦୨୨-୨୩ ବର୍ଷ ପାଇଁ ଜିଲ୍ଲା ଓକିଲ ସଂଘର ନୂତନ କର୍ମକର୍ତ୍ତା ନିର୍ବାଚନ ଶନିବାର ଶେଷ ହୋଇଛି I ଏହି ନିର୍ବାଚନରେ ବରିଷ୍ଠ ଆଇନ୍‌ଜୀବୀ ସୁରେଶ୍ଵର ମିଶ୍ର ସଭାପତି, ସରୋଜ ସାହୁ ସାଧାରଣ ସମ୍ପାଦକ, ହିମାଂଶୁ ଶେଖର ପାଣିଗ୍ରାହୀ ଯୁଗ୍ମ ସାଧାରଣ ସମ୍ପାଦକ, ମହେନ୍ଦ୍ର ବଢ଼ାଇ ସହକାରୀ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି I ସଭାପତି ପାଇଁ ମଇଦାନକୁ ଓହ୍ଲାଇଥିବା ଶ୍ରୀ ମିଶ୍ର  ୪୭୦ ଖଣ୍ଡ ଭୋଟ୍ ପାଇଥିବା ବେଳେ ତାଙ୍କ ନିକଟତମ ପ୍ରତିଦ୍ଵନ୍ଦୀ ପ୍ରସନ୍ନ ସାହୁ ୧୨୫ଟି ଭୋଟ୍ ପାଇଥିଲେ I ସାଧାରଣ ସମ୍ପାଦକ ପଦ ପାଇଁ ନିର୍ବାଚନ ଲଢ଼ିଥିବା ପ୍ରବୀଣ କୁମାର ସିଂଦେଓ ୨୯୧ ଖଣ୍ଡ ଭୋଟ୍ ପାଇଥିବା ବେଳେ ସରୋଜ ସାହୁ ୩୧୦ଟି ଭୋଟ୍ ପାଇ ବିଜୟୀ ହୋଇଥିଲେ I ଓକିଲ ସଂଘର କାର୍ଯ୍ୟକାରୀ ପରିଷଦ ସଦସ୍ୟ ଭାବେ ମାନସ ରଞ୍ଜନ ମିଶ୍ର, ଭଗତ ସିଂ, ସୁଦାମ ଚରଣ ଲୁହା, ସୁରେନ୍ଦ୍ର ନାଏକ, ରାଜେଶ ସାହୁ ଓ ଶ୍ୟାମ ସୁନ୍ଦର ଗର୍ଡିଆ ନିର୍ବାଚିତ ହୋଇଥିଲେ I ପ୍ରମୋଦ କୁମାର ଦାଶ ନିର୍ବାଚନ ଅଧିକାରୀ ଦାୟିତ୍ଵ ତୁଲାଇଥିବା ବେଳେ ଏମ୍ ଫାରୁକ୍‌, ଅନ୍ତର୍ଯ୍ୟାମୀ ପାଣିଗ୍ରାହୀ, ଚିତ୍ରସେନ ମିଶ୍ର, ବେଦବ୍ୟାସ ସୂପକାର, ବୈଶମ୍ପାୟନ ଆଚାର୍ଯ୍ୟ, ବନ୍ଦିତାରାଣୀ ମିଶ୍ର,ସିଦ୍ଧାର୍ଥ ଶେଖର ସାହୁ, ପ୍ରଶାନ୍ତ କୁମାର କର, ଅବିନାଶ ପୁରୋହିତ, ସିଦ୍ଧାର୍ଥ ଷଡ଼ଙ୍ଗୀ, ପ୍ରଦୀପ ଦୋରା, ଶଙ୍କର ଭଞ୍ଜ ପ୍ରମୁଖ ସହଯୋଗ କରିଥିଲେ I ଯୁଗ୍ମ ସାଧାରଣ ସମ୍ପାଦକ ପଦ ପାଇଁ ନିର୍ବାଚନ ଲଢ଼ିଥିବା ହିମାଂଶୁ ଶେଖର ପାଣିଗ୍ରାହୀ ୧୬୮ ଖଣ୍ଡ ଭୋଟ୍ ପାଇଁ ବିଜୟୀ ହୋଇଥିବା ବେଳେ ପ୍ରତିଦ୍ଵନ୍ଦୀ ମନୋରଞ୍ଜନ ପଣ୍ଡା ୧୬୫ଟି, ନୀଳକଣ୍ଠ ଶ୍ରୀବାସ ୧୨୭ଟି ଓ ପ୍ରତାପ ସୁନା ୧୧୪ଟି ଭୋଟ୍ ପାଇଥିଲେ। ସହକାରୀ ସମ୍ପାଦକ ପାଇଁ ଲଢ଼ିଥିବା ମହେନ୍ଦ୍ର ବଢ଼ାଇ ସର୍ବାଧିକ ୧୯୩ ଖଣ୍ଡ ଭୋଟ୍ ପାଇଥିବା ବେଳେ ରମେଶ ଚନ୍ଦ୍ର ଦାଶ ୧୬୨ଟି, ଆଶୁତୋଷ ପାତ୍ରୋ ୧୦୩ଟି, ଶ୍ରୀକାନ୍ତ ପାଣିଗ୍ରାହୀ ୧୦୧ଟି ଭୋଟ୍ ପାଇଥିଲେ I ପୂର୍ବରୁ ବସନ୍ତ ମିଶ୍ର ଉପ ସଭାପତି ଭାବେ ନିର୍ଦ୍ୱନ୍ଦରେ ନିର୍ବାଚିତ ହୋଇଛନ୍ତି I