15-Mar-2022

ସୁବର୍ଣ୍ଣପୁର:  - ଗାଁ ଠୁ ସହର ସବୁଠି ଏବେ ଜଙ୍ଗଲ,ଜୀବ ଜଗତ ର ସୁରକ୍ଷା ପାଈଁ  ଅଧିକ ଯତ୍ନବାନ ହେବା ସବୁ ଲୋକଙ୍କ ଦାଇତ୍ୱ ଓ କର୍ତ୍ତବ୍ୟ ହେବା ଜରୁରୀ ହୋଇ ପଡିଛି l କିନ୍ତୁ ଆଜିର ସ୍ୱାର୍ଥପର ବ୍ୟସ୍ତ  ବହୁଳ ମଣିଷ ପ୍ରକୃତି ସୁରକ୍ଷା ଲାଗି ଟିକିଏ ବି ଧ୍ୟାନ ନ ଦେଇ ଦିନ ରାତି କେବଳ ନିଜର ଜୀବନ ଜୀବିକା ଉପରେ ହିଁ ସଂଗ୍ରାମ ଜାରି ରଖୁଛି l ଆଉ ସେଥିପାଇଁ ଆଜି ତ ଆଜି ଚାଷ ର ଉପଯୋଗୀ ଵା ସଠିକ ସମୟ ରେ ଖରା ବର୍ଷା ଶୀତ ର  ଅଭାବ ପରିଲକ୍ଷିତ ହୋଇ ଛି, ଏବଂ ପୃଥିବୀ ଧରାପୃଷ୍ଠ ରେ ଦିନ କୁ ଦିନ ପ୍ରକୃତି

ନିଜ ସନ୍ତୁଳନ ହରାଇବସିଛି, ଲୋକଙ୍କୁ ଅସହ୍ୟ କରିଛି l ସହର ତଥା ସମଗ୍ର ପୃଥିବୀ ର ଏଭଳି ସଙ୍କଟ ବେଳେ କିନ୍ତୁ  ପରିବେଶ ସନ୍ତୁଳନ, ବିଶ୍ୱ ଶାନ୍ତି, ପ୍ରକୃତି ଶାନ୍ତି ଲାଗି  ଗତ କାଲି ସୁବର୍ଣ୍ଣପୁର ସହର ର କୁଷ୍ଠାପଡା ର ଅଧିବାସୀ ନିଜ  ସାହି ର ଇଷ୍ଠ ଦେବୀ ମା ଶିତଲେଇ ମନ୍ଦିରରେ ଶିତଳା ପୂଜା  ଆରାଧନା କରି ସହର ବାସୀ ଙ୍କୁ ଏଥିରେ ସାମିଲ କରିଛନ୍ତି l କୁଷ୍ଠା ସମାଜ ର ଭକ୍ତ ଶ୍ରଦ୍ଧାଳୁ, ଶହ ଶହ ମହିଳା ମାନେ ପବିତ୍ର ମହାନଦୀ ରେ ଗଙ୍ଗା ମାତା ଙ୍କୁ  ଶୀତଳେଇ ମା ଙ୍କୁ ନୀତି ନିଷ୍ଠା ର ସହିତ ପୂଜାର୍ଚନା କରିଛନ୍ତି l ଓ ମହାନଦୀ ରୁ ପବିତ୍ର ଜଳ ସଂଗ୍ରହ କରି ଏକ ବିଶାଳ ଶୋଭାଯାତ୍ରା ରେ ସହର ପରିକ୍ରମା କରି ସାହି ମନ୍ଦିର ଶିତଳା ମାଁଙ୍କ ଠାରେ ଅର୍ପଣ କରିଛନ୍ତି  l ପ୍ରକୃତି ଶାନ୍ତି ପାଈଁ ରାଜା ରାଜୁଡା ସମୟ ରୁ ଶହ ଶହ ବର୍ଷ ରୁ ଅନୁଷ୍ଠିତ ହୋଇ ଆସୁଥିବା ଏହି ସାମୁହିକ ପୂଜାରେ ବୃକ୍ଷ ଆରାଧନା, ଜଳ ଆରାଧନା ଓ  ସାମୁହିକ ପ୍ରାର୍ଥନା ର ପରଂପରା ରହିଆସିଥିବା ବିଷୟ କୁଷ୍ଠା ପଡ଼ା ର ଉଦ୍ୟୋକ୍ତl ଶେଷ ଦେବ ମେହେର, ଗୋପାଳ ମେହେର ପ୍ରକାଶ କରିଛନ୍ତି l ।ପ୍ରତିବର୍ଷ ଆଶ୍ବୀନ ଓ ଫାଲଗୁନ ମାସରେ ଦେବୀଙ୍କ ପାଖରେ ଶିତଳା ପୂଜା କରାଯାଇଥାଏ l ଏହି ପୂଜାରେ ପ୍ରଚଣ୍ଡ ରୌଦ୍ର ତାପରୁ ସମସ୍ତ ଜୀବଜଗତକୁ ଉଦ୍ଧାର  ପାଈଁ ବି  ଭକ୍ତ ମାନେ ମା ଙ୍କୁ ଗୁହାରି କରନ୍ତି ।ଏହି କାର୍ଯ୍ୟକ୍ରମ ରେ କୁଷ୍ଠା ପଡ଼ା ର ଉଦ୍ୟୋକ୍ତl ୟୁଧିଷ୍ଟିର ମେହେର, ଶେଷଦେବ ମେହେର , ଗୋପାଳ ମେହେର , ଭୁବନ ମେହେର, ନାରାୟଣ ମେହେର,  ନବୀନ ମେହେର, ଶରତ ମେହେର, ଓ  ସାହି ତଥା ସହର ଶତାଧିକ ପୁରୁଷ, ମହିଳା ଓ ବୁଦ୍ଧିଜୀବୀ ଏଥିରେ ଭାଗ ନେଇ  ମା ଙ୍କ ଦର୍ଶନ ଲାଭ କରି ଖୁବ ଆତ୍ମ ସନ୍ତୋଷ ଅନୁଭବ କରିଥିବା ଜଣା ପଡ଼ିଛି ।