14-Mar-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ମହଗାଁ ନିକଟରେ ଗତ ୯ ତାରିଖ ବୁଧବାର ଦିନ ଟ୍ରାକ୍ଟର ଦୁର୍ଘଟଣାରେ ପ୍ରାଣ ହରାଇ ଥିବା ଟ୍ରାକ୍ଟର ଚାଳକ ଶିଶୁପାଳ ଝାଙ୍କର ଙ୍କ ପରିବାର ବର୍ଗ ଙ୍କ ପାଖରେ ପହଞ୍ଚି ସହାୟତା ରାଶି ସହ ସମବେଦନା ଜଣାଇଲା ଓଡ଼ିଶା ମୋଟର ଚାଲକସଂଘ । ଶିଶୁପାଳ ମୋଟର ଚାଲକସଂଘ ର ଜଣେ ସଦସ୍ଯ ହୋଇଥିବାରୁ ସିନ୍ଧେକେଲା ଶାଖା ତରଫରୁ ରାଜ୍ଯ ମୋଟର ଚାଲକସଂଘ କୁ ଜଣାଇଥିଲେ। ତେବେ

ରବିବାର ଓଡ଼ିଶା ମୋଟର ଚାଲକସଂଘ ରାଜ୍ଯ କଲ୍ଯାଣ ପାଣ୍ଠି ସଭାପତୀ ଦେବଦତ୍ତ ଡାକୁଆ ସିନ୍ଧେକେଲା ପହଞ୍ଚି ସିନ୍ଧେକେଲା ମୋଟର ଚାଲକସଂଘ ଶାଖାର ସଦସ୍ଯ ମାନଙ୍କ ସହ ମୃତ ଶିଶୁପାଳ ଙ୍କ ଘରକୁ ଯାଇ ପରିବାର ବର୍ଗ ଙ୍କୁ ସମବେଦନା ଜଣାଇବା ସହ ରାଜ୍ୟ ମୋଟର ଚାଲକସଂଘ କଲ୍ଯାଣ ପାଣ୍ଠିରୁ ୧୫ ହଜାର ଟଙ୍କାର ଏକ ଚେକ ପ୍ରଦାନ କରିଥିଲେ। ସେହିପରି ସିନ୍ଧେକେଲା ଶାଖାର ସମସ୍ତ ଚାଲକ ସଦସ୍ଯ ନିଜ ନିଜ ମଧ୍ଯରେ ଚାନ୍ଦା ସଂଗ୍ରହ କରି ୭ ହଜାର ୫ ଶହ ଟଙ୍କା ସିନ୍ଧେକେଲା ଶାଖାର ପରାମର୍ଶ ଦାତା ଅନିଲ କୁମାର ତ୍ରିପାଠୀ ଓ ସିନ୍ଧେକେଲା ସରପଞ୍ଚ ନରେଶ ଅଗ୍ରବାଲ ଙ୍କ ଦ୍ବାରା ପରିବାର ବର୍ଗ ଙ୍କୁ ପ୍ରଦାନ କରିଥିଲେ। ଏବଂ

ଶିଶୁପାଳ ଙ୍କ ସଦଗତି ନିମନ୍ତେ ନିରବ ପ୍ରାର୍ଥନା କରିଥିଲେ । ଏହି ଅବସରରେ ବଲାଙ୍ଗୀର ଜିଲ୍ଲା ସଭାପତି ଶ୍ୟାମ ସୁନ୍ଦର ଗହୀର, ଜିଲ୍ଲା ଉପସଭାପତୀ ଖଗେଶ୍ବର ସାହୁ, ଜିଲ୍ଲା କଲ୍ଯାଣ ପାଣ୍ଠିର ସଦସ୍ଯ ରଞ୍ଜନ ସଡଙ୍ଗୀ , ସିନ୍ଧେକେଲା ମୋଟର ଚାଲକସଂଘ ର ସଭାପତୀ ବିଧୁଭୁଷଣ ନାଏକ, ଉପସଭାପତୀ ରାମଚନ୍ଦ୍ର ତ୍ରିପାଠୀ , ସମ୍ପାଦକ ଜିତେନ ଶବର, କୋଷାଧ୍ୟକ୍ଷ ଅମନ ଥନାପତୀ, ତ୍ରିନାଥ ସାହୁ, ବାବୁଲି ପୃଷ୍ଟି , ପିଲାବାବୁ ସାହୁ , ଜଗ ଘିବେଲା , ପଦ୍ମନାଭ ବାଗ, ମାଧବ ସାହୁ , ମଣ୍ଟୁ ଦାସ, ମନ ଚିହ୍ନାରା, ଜଗ ତ୍ରିପାଠୀ, ପବନ ଝାଙ୍କର ଙ୍କ ସହ ସିନ୍ଧେକେଲା ଶାଖାର ବହୁ ସଦସ୍ଯ ଉପସ୍ଥିତ ଥିଲେ ।