14-Mar-2022

 ବିନିକା(ହିମାଂଶୁ ଶେଖର ପୁଟେଲ) ନିଜ ନିଜ ମଧ୍ୟରେ ମିତ୍ରତା,ସୁସମ୍ପର୍କ ସ୍ଥାପନ କରିବା ସହ ସମସ୍ତ କାର୍ଯ୍ୟକ୍ରମରେ ଏକଜୁଟ ହେଲେ ନିଶ୍ଚିତ ଭାବରେ ବିନିକା ଏନଏସି ଅଞ୍ଚଳର ବିକାଶ ତ୍ଵରାନିତ ହେବ ଏବଂ ବିଜୁ ଜନତା ଦଳ ହିଁ ସମସ୍ତ ସମସ୍ୟାକୁ ସମାଧାନ କରିବ ବୋଲି ଆଜି ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରା ବିନିକା ପୌର ପରିଷଦ ନିର୍ବାଚନ ପାଇଁ ବିଜେଡ଼ି  ନିର୍ବାଚନୀ କାର୍ଯ୍ୟାଳୟ ଉଦ୍ଘାଟନ ଅବସରରେ ଉପସ୍ଥିତ ବିଜୁ ପ୍ରେମୀ ମାନଙ୍କୁ ଆହ୍ୱାନ ଦେଇଥିଲେ ।ମନ୍ତ୍ରୀ ଶ୍ରୀ ବେହେରା ଆହୁରି କହିଥିଲେ ଯେ ବିଗତ ୫ବର୍ଷ ମଧ୍ୟରେ ବିନିକା ବିଜ୍ଞାପିତ ପରିଷଦରେ ଅନେକ ବିକାଶ ମୂଳକ କାର୍ଯ୍ୟ ସମ୍ପୂର୍ଣ୍ଣ ହୋଇଛି,ଆଗାମୀ ନୂତନ ପରିଷଦ ଗଠନ ପରେ ରହି ଯାଇଥିବା କାର୍ଯ୍ୟ ଗୁଡ଼ିକ ମଧ୍ୟ

ସମ୍ପୂର୍ଣ୍ଣ ହେବ । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ନିର୍ମଳ ଶାସନ ଏବଂ ତାଙ୍କ ତରଫରୁ କାର୍ଯ୍ୟକାରୀ ହେଉଥିବା ବିଭିନ୍ନ ଜନ କଲ୍ୟାଣକାରୀ ଯୋଜନା ସାଧାରଣ ଲୋକଙ୍କ ପାଇଁ ସହାୟକ ହେଉଛି ।ସହରରେ ଯାହାବି ସମସ୍ୟା ରହିଛି ବିଜୁ ଜନତା ଦଳ ସରକାର ହିଁ ସମାଧାନ କରିବ ତେଣୁ ପୌର ପରିଷଦ ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଥିବା ସମସ୍ତ ପ୍ରାର୍ଥୀ/ପ୍ରାର୍ଥୀନୀ ମାନଙ୍କୁ ବିଜୟୀ କରିବାକୁ ଉପସ୍ଥିତ ବିଜୁ କର୍ମୀଙ୍କୁ ନିବେଦନ କରିଥିଲେ । ବିନିକା ନଗର ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଅନ୍ୟ ମାନଙ୍କ ମଧ୍ୟରେ ବ୍ଳକ ସଭାପତି ଦ୍ବାରିକାନାଥ ସାହୁ,ଆଇନଜୀବୀ ସୁଧାଂଶୁ ଶେଖର ଦାଶ,ସୁବର୍ଣ୍ଣପୁର ଜିଲ୍ଲା ଜୀବନବିନ୍ଦୁ ସଂଯୋଜକ ରଞ୍ଜିତ ରଥ,ବରିଷ୍ଠ ବିଜେଡ଼ି ନେତା ରଞ୍ଜନ ମିଶ୍ର,ବିନୋଦ ବିହାରୀ ନାଏକ,ମହେନ୍ଦ୍ର ସୁନା,ରବୀନ୍ଦ୍ର କୁମାର ପାତ୍ର,କାଉନସିଲର ପ୍ରାର୍ଥୀ ବୈରାଗୀ ପ୍ରଧାନ,ପ୍ରାର୍ଥୀନୀ ପ୍ରତିମା ଦୀପ,ଅଧ୍ୟକ୍ଷ ପ୍ରାର୍ଥୀ ସୁବାସ ଭୋଇ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ ।ଅନୁଷ୍ଟିତ ଉଦଘାଟନୀ ସମାରୋହରେ ବିଜେଡ଼ି ନେତା ସନ୍ତୋଷ ପଣ୍ଡା, ହୃଷୀକେଶ ପଣ୍ଡା,ପୀତବାସ ମେହେର,ମହେଶ୍ୱର ପ୍ରଧାନ,ବିଶେଶ୍ୱର ଦଣ୍ଡସନା,ସନ୍ତୋଷ ସାହୁ,ଧବଳେଶ୍ଵର,ସୁଧୀର ଭେସ୍ରା ପ୍ରମୁଖଙ୍କ ସମେତ ବହୁ ଦଳୀୟ କର୍ମୀ ଉପସ୍ଥିତ ଥିଲେ ।