12-Mar-2022

 ବରଗଡ:-ବରଗଡ଼ ଜିଲ୍ଲା ବିଜେପୁର ବ୍ଲକ ଯୋଖିପାଲି ଗ୍ରାମ ପଞ୍ଚାୟତର ସରପଞ୍ଚ ଭାବେ ଦାୟିତ୍ୱ ଗ୍ରହଣ କରିଛନ୍ତି ଶ୍ରୀମତୀ ସବିତା ସାହୁ ।ଶୁକ୍ରବାର ଦିନ ଦିବା ୧୦ ଘଣ୍ଟା ରେ ସରପଞ୍ଚ ଆସନ ଅଳଙ୍କୃତ କରିବା ପୂର୍ବରୁ ଜାତିର ଜନକ ମହାତ୍ମା ଗାନ୍ଧୀ ଏବଂ ପ୍ରବାଦ ପୁରୁଷ ପୁରୁଷ ବିଜୁ ପଟ୍ଟନାୟକଙ୍କ ଫୋଟୋରେ ପୁଷ୍ପମାଲ୍ୟ ଅର୍ପଣ ଏବଂ ଦୀପ ପ୍ରଜ୍ବଳନ  କରିଥିଲେ ।ଆସନ ଗ୍ରହଣ କରିବା ପରେ ଯୋଖିପାଲି ଗ୍ରାମ ପଞ୍ଚାୟତ ବାସୀଙ୍କ ଆଶା ଏବଂ ଆକାଂକ୍ଷା ପୂର୍ଣ କରିବା ସହ ପଞ୍ଚାୟତକୁ ଉନ୍ନତି ଦିଗରେ ଅଗ୍ରସର କରିବା ନିମନ୍ତେ ଯଥାସମ୍ଭବ ପ୍ରୟତ୍ନ କରାଯିବ ବୋଲି ନବନିର୍ବାଚିତ ୱାର୍ଡ ସଭ୍ୟମାନଙ୍କ ଉଦ୍ଦେଶ୍ୟରେ ଏକ ବାର୍ତା ରଖିଛନ୍ତି ।

     ଏହି ଔପଚାରିକତା ପୂରଣ କରିବା ସଙ୍ଗେ ସଙ୍ଗେ ଶ୍ରୀମତୀ ସାହୁ ପୁରା ଆକ୍ସନ ମୋଡରେ ନଜର ଆସିଛନ୍ତି ‌।ପ୍ରଥମ ଦିନରୁ ହିଁ ସେ ପଞ୍ଚାୟତ ପାଇଁ ଆବଶ୍ୟକ ଥିବା ଦୁଇଟି ପ୍ରମୂଖ କାମ ଆରମ୍ଭ କରିଛନ୍ତି । ସେଗୁଡ଼ିକ ହେଲା ଯୋଖିପାଲିରୁ ପ୍ରଧାନମାଲ ଯିବାପାଇଁ ଉତ୍ତାଲି ନଦୀରେ ବାଳିବନ୍ଧ ନିର୍ମାଣ ପାଇଁ ପଦକ୍ଷେପ ଏବଂ ଦ୍ଵିତୀୟ ପ୍ରମୁଖ କାର୍ଯ୍ୟ ହେଲା ଅନେକ ଦିନରୁ ବିଭିନ୍ନ ପଡ଼ାରେ ବହୁଥିବା ପାନୀୟ ଜଳ ଅପଚୟ ରୋକିବା ନିମନ୍ତେ ସମସ୍ତ ମୁକୁଳା ଯାଗାରେ ଟ୍ୟାପ ସଂଯୋଗ ।ଏହି ଦୁଇକାମ ଦେଖିବା ପରେ ପଞ୍ଚାୟତବାସୀ ଶ୍ରୀମତୀ ସାହୁଙ୍କ ପ୍ରସଂସାରେ ପୋତି ଦେଉଛନ୍ତି ।

     ଏଠାରେ ସୂଚନାଯୋଗ୍ୟ ଯେ ଶ୍ରୀମତୀ ସବିତା ସାହୁ ଜଣେ ଉଚ୍ଚ ଶିକ୍ଷିତା ମହିଳା ଅଟନ୍ତି, ସେ ଓଡ଼ିଆ ବିଭାଗରେ ସ୍ନାତକୋତ୍ତର ଡିଗ୍ରି ହାସଲ କରିଛନ୍ତି । ତାଙ୍କର ସମାଜସେବା ପାଇଁ ପିଲାଦିନରୁ ରୁଚି ଥିବାରୁ ସେ ରାଜନୀତିର ମଇଦାନକୁ ଓଲ୍ହାଇଥିବା କହିଛନ୍ତି ‌।ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜୀବନର ଆଦର୍ଶ ରୂପେ ମାନୁଥିବା ଶ୍ରୀମତୀ ସବିତା ସାହୁ କଥାରେ ନୁହେଁ କାମରେ ବିଶ୍ୱାସ କରନ୍ତି ବୋଲି ଆମ ପ୍ରତିନିଧିଙ୍କୁ ଜଣେଇବା ସହ ଆଗାମୀ ଦିନରେ ନିଜ କାମ ଦ୍ୱାରା ବିରୋଧୀ ମାନଙ୍କ ନକରାତ୍ମକ ବିଚାରଧାରାରେ ପରିବର୍ତ୍ତନ ଆଣି ଗ୍ରାମ ପଞ୍ଚାୟତ ର ସର୍ବାଙ୍ଗୀନ ଉନ୍ନତି ପାଇଁ କାମ କରିବେ ବୋଲି ଦୃଢ଼ ସଂକଳ୍ପ ନେଇଛନ୍ତି । ଶ୍ରୀମତୀ ସାହୁଙ୍କ ଏହି କାର୍ଯ୍ୟ ଗୁଡ଼ିକୁ ଭୁୟସୀ ପ୍ରଶଂସା କରିଛନ୍ତି ।