11-Mar-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ପରାସରା ଠାରୁ ଅଳଣ୍ଡା ଯାଇଥିବା ରାସ୍ତାର ମହଗାଁ ଛକ ଠାରେ ଟ୍ରାକ୍ଟର ଦୁର୍ଘଟଣାରେ ଚାଳକଙ୍କ ମୃତ୍ୟୁ ହୋଇଛି । ଘଟଣାନୁଯାଇ ବୁଧବାର ଅପରାହ୍ନ ୩ ଟା ସମୟରେ ସୁର୍ଡା ଗାଁରୁ ମହଗାଁ କୁ ଚାଷ ଜମିକୁ ନଙ୍ଗଲ କରିବାକୁ ଯାଉଥିବା ସମୟରେ ଟ୍ରାକ୍ଟର ନମ୍ବର ଓଡି୦୩ ଭି ୦୬୬୮ ର ହଠାତ ଏକ୍ସେଲ ଛିଣ୍ଡିଜିବାରୁ ଝଟକା ହେବା ଯୋଗୁଁ ଚାଳକ ସିନ୍ଧେକେଲା ଗ୍ରାମର ଶିଶୁପାଳ ଝାଙ୍କର (୨୬) ଟ୍ରାକ୍ଟର ରୁ  ଜୋରରେ ଛିଟିକି ପଡିଥିବା ରାସ୍ତାରେ ଯିବା ଆସିବା ଲୋକେ ଦେଖିଥିଲେ। ଦୁର୍ଘଟଣା ସ୍ଥଳରୁ ଲୋକଙ୍କ ଠାରୁ ଖବରପାଇ ଆମ୍ବୁଲାନ୍ସ ପହଞ୍ଚି ସିନ୍ଧେକେଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର କୁ ଚିକିତ୍ସା ପାଇଁ

ଆଣିଥିଲେ। ଡ୍ୟୁଟି ରେ ଥିବା ଡକ୍ଟର ତାଙ୍କୁ ଅଧିକ ଚିକିତ୍ସା ପାଇଁ ଟିଟିଲାଗଡ ସ୍ଥାନାନ୍ତରିତ କରିଥିଲେ। ଟିଟିଲାଗଡ ରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ସିନ୍ଧେକେଲା ପୋଲିସ ଥାନା କେସ ନମ୍ବର ୪୫ ରୁଜୁ କରିବାସହ ଶବ ଜବତ କରି ଗୁରୁବାର ଶବ ବ୍ୟବଚ୍ଛେଦ ପରେ ପରିବାର କୁ ହସ୍ତାନ୍ତର କରିଥିବା ସିନ୍ଧେକେଲା ଥାନା ଏସଆଇ ତରସିଲା ବାର୍ଲା ସୁଚନା ଦେଇଛନ୍ତି। ଶିଶୁପାଳ ତାଙ୍କ ପରିବାରର ଚାରି ଭାଇ ଭଉଣୀଙ୍କ ମଧ୍ଯରେ ସବାସାନ ପୁଅ ଏବଂ ସେ ଅବିବାହିତ ଥିଲେ ବୋଲି ଜଣାପଡିଛି ।