10-Mar-2022

ପଦ୍ମପୁର:-ଆମ ରାଜ୍ୟ ରେ ଅନୁଷ୍ଠିତ ହୋଇଥିବା ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ରେ ବରଗଡ ଜିଲ୍ଲା ପାଇକମାଳ ବ୍ଳକ ଅନ୍ତର୍ଗତ ଲଖମରା ଗ୍ରାମପଞ୍ଚାୟତ ରେ ବିଜୟୀ ସରପଞ୍ଚ ଶ୍ରୀ ସୁବାଷ ଝଗରା ଆଜି ଦାୟିତ୍ଵ ଗ୍ରହଣ କରିଛନ୍ତି ।ଏହି ପଞ୍ଚାୟତରେ କାର୍ଯ୍ୟ ତୁଲାଇ ଆସୁଥିବା ପୂର୍ବତନ ସରପଞ୍ଚ ଶ୍ରୀମାନ ଭିଷ୍ମଦେବ ଡନସନା ଙ୍କ ଠାରୁ ନବ ନିର୍ବାଚିତ ଯୁବ ସରପଞ୍ଚ ଶ୍ରୀ ଝଗରା ଦାୟିତ୍ଵ ନେବାକୁ ଆସିବା ସମୟରେ ଲଖମରା ଗ୍ରାମପଞ୍ଚାୟତ ର ବହୁ ମାନ୍ୟଗଣ୍ୟ ବ୍ୟକ୍ତି ସମେତ ଶତାଧିକ ମା ମାଉସୀ ତାଙ୍କୁ ଆଶ୍ରିର୍ବାଦ ଦେବାର ପରିଲକ୍ଷିତ ହୋଇଥିଲା ।ନବ ନିର୍ବାଚିତ ଯୁବ ସରପଞ୍ଚ ଶ୍ରୀ ସୁବାଷ ଝଗରା ଙ୍କୁ ଆମ ପ୍ରତିନିଧି ଭେଟି ତାଙ୍କ କର୍ତ୍ତବ୍ୟ ବିଷୟରେ ପଚାରିବାରୁ

ସେ କହିଲେ ମୁଁ ସବୁବେଳେ ମୋ ଗ୍ରାମପଞ୍ଚାୟତ ର ଲୋକଙ୍କ ଅସୁବିଧା କୁ ପ୍ରାଧାନ୍ୟ ଦେଇ, ତାଙ୍କ ସମସ୍ୟା କିଭଳି ଭାବେ ସମାଧାନ ହୋଇ ପାରିବ ସେଥିପାଇଁ ଚେଷ୍ଟା କରିବି। ଦ୍ୱିତୀୟତଃ ଶିକ୍ଷା, ସ୍ୱାସ୍ଥ୍ୟ, ଗମନାଗମନ, ପାନୀୟ ଜଳ ର ବ୍ୟବସ୍ଥା ସମେତ ଲଖମରା ଗ୍ରାମପଞ୍ଚାୟତ କୁ ଆଦର୍ଶ ପଞ୍ଚାୟତ ଭାବେ ଗଢିତୋଳିବା ହେବ ମୋର ପାଞ୍ଚ ବର୍ଷ ର ଲକ୍ଷ୍ୟ । ଦାୟିତ୍ଵ ଗ୍ରହଣ ଅବସରରେ ଲଖମରା ଗ୍ରାମପଞ୍ଚାୟତ ର ନିର୍ବାହୀ ଅଧିକାରୀ ଶ୍ରୀମାନ ବିବେକାନନ୍ଦ ବହିଦାର ମଧ୍ୟ ଉପସ୍ଥିତ ଥିଲେ ।