09-Mar-2022

ସମ୍ବଲପୁର,(ସଞ୍ଜୀବ ପାଣିଗ୍ରାହୀଙ୍କ ରିପୋର୍ଟ ): ସମ୍ବଲପୁରର ଅଧିଷ୍ଠାତ୍ରୀ ଦେଵୀ ମାଁ ସମଲେଶ୍ବରୀ ଦେଵୀ ଙ୍କ ମନ୍ଦିର ର ମୁଖ୍ୟଦ୍ୱାର ଆଜି ଖୋଲିଛି I ଦୀର୍ଘ ୨ ବର୍ଷ ର ବ୍ୟବଧାନ ପରେ ଏଣିକି ଭକ୍ତ କରିପାରିବେ ମନ୍ଦିରର ମୁଖ୍ୟ ଦ୍ୱାର ରେ ଯାଇ ମାଁ ଙ୍କ ଦର୍ଶନ । ସମ୍ବଲପୁର ଜିଲ୍ଲାରେ କୋଭିଡ ସଂକ୍ରମଣ ହ୍ରାସ ପାଇବା ପରେ ଆଜି ଠାରୁ ମନ୍ଦିରର ମୁଖ୍ୟ ଦ୍ୱାର ଦେଇ ଭକ୍ତଙ୍କ ମନ୍ଦିର ପ୍ରବେଶକୁ ଅନୁମତି ଦେଇଛନ୍ତି ସମଲେଶ୍ବରୀ ଟ୍ରଷ୍ଟ ବୋର୍ଡ I ଅନ୍ୟପଟେ ଗ୍ରୀଷ୍ମପ୍ରବାହ ଧିରେ ଧିରେ ବଢୁଥିବା ସହ କୋଭିଡ କଟକଣା ଉଠିବା ପରେ  ଜିଲ୍ଲା ପ୍ରଶାସନ ର ଅନୁମତି ତଥା ଟ୍ରଷ୍ଟ ବୋର୍ଡ଼ ର ନିଷ୍ପତ୍ତି ଅନୁଯାଇ ଆଜି ଠାରୁ  ମା' ସମଲେଶ୍ବରୀ ମନ୍ଦିର ରେ ଭକ୍ତ ମାନଙ୍କର ଦର୍ଶନ ସମ୍ମୁଖ ଦ୍ୱାର ଗେଟ ପ୍ରବେଶ କରୁଛନ୍ତି । ଏହା ସହିତ  ସମ୍ମୁଖ ଦ୍ୱାର ୨ ନମ୍ବର ଗେଟ ଦେଇ ପ୍ରସ୍ଥାନ କରୁଥିବା ଦେଖିବାକୁ ମିଳିଛି I ତେବେ ପୂର୍ବ ଭଳି ମାସ୍କ ପରିଧାନ , ହାତ ସେନିଟାଇଜେସନ ଓ ସାମାଜିକ ଦୂରତ୍ୱ  ମାନି ଭକ୍ତ ମାଙ୍କର ଦର୍ଶନ କରିବେ ବୋଲି ମନ୍ଦିର ଟ୍ରଷ୍ଟ ବୋର୍ଡ ତରଫରୁ ଆଜି ଦିଆଯାଇଛି ସୁଚନା । ତେବେ ପ୍ରତ୍ୟେକ ଗୁରୁବାର ଦିନ  ସେନିଟାଇଜେସନ କାର୍ଯ୍ୟ ପାଇଁ   ମାଙ୍କର ଦର୍ଶନ ବନ୍ଦ ରହିବା ସହ ଅନ୍ୟଦିନ ମାନଙ୍କରେ  ମନ୍ଦିର ସକାଳ ୬ ଘଟିକା ରୁ ପୂର୍ବାହ୍ନ ୧୧. ୩୦ ଘଟିକା ଓ ଅପରାହ୍ନ ୧ ଘଟିକା ରୁ ସନ୍ଧ୍ୟା ୭. ୩୦ ଘଟିକା ପର୍ଯ୍ୟନ୍ତ ଭକ୍ତ ମାନଙ୍କ ଦର୍ଶନ ପାଇଁ ଖୋଲା ରହିବ ବୋଲି ସୂଚନା ମିଲିଛି ।