09-Mar-2022

ବରଗଡ/ଅତାବିରା(ନିରଞ୍ଜନ ତ୍ରିପାଠୀ)ମହିଳା ମାନଙ୍କ ପ୍ରତି  ସମ୍ମାନ ଓ ଶ୍ରଦ୍ଧାର ନିଦର୍ଶନ  ସୃଷ୍ଟି କରୁଥିବା ଆନ୍ତର୍ଜାତୀୟ ମହିଳା ଦିବସରେ ନିଶିଗନ୍ଧା ସଶକ୍ତିକରଣ ପକ୍ଷରୁ ପ୍ରତିଷ୍ଠାତା ବଳରାମ ତରାଇ ଙ୍କ ଅହ୍ୱାନକ୍ରମେ ଆଭାଷୀ ମାଧ୍ୟମରେ ରାଜ୍ୟ ସ୍ତରୀୟ ମହିଳା ଦିବସ ପାଳିତ ହୋଇଯାଇଛି ।ନାରୀ ସଶକ୍ତିକରଣ ର ସଭାନେତ୍ରୀ କୌଶଲ୍ୟା ବେଉରିଆ ଙ୍କ  ସଭାପତିତ୍ବରେ ଆୟୋଜିତ ଏହି ଆଭାସି କାର୍ଯ୍ୟକ୍ରମକୁ ଉପସ୍ଥାପନା ଓ ସଂଯୋଜନା କରିଥିଲେ  ଉପ ସଭାନେତ୍ରୀ ଶ୍ରୀମତୀ ଅନୁସୂୟା ଦେବତା ନାରୀ ସଶକ୍ତିକରଣ ନିଶିଗନ୍ଦ୍ଧା। ପ୍ରାରମ୍ଭରେ   ସମଷ୍ଟିକୁ ବିଶେଷ ଧ୍ୟାନ ଦେଇ ସୁଲଳିତ ସ୍ଵରରେ ଭଜନ ପରିବେଷଣ କରିଥଲେ- ଗୀତିକାର ତଥା ଆକାଶବାଣୀ ର  ବିଶିଷ୍ଟ କଣ୍ଠଶିଳ୍ପୀ ଶ୍ରୀ ଗଗନ ବିହାରୀ ସ୍ୱାଇଁ। ଏହି କାର୍ଯ୍ୟକ୍ରମରେ
  ତ୍ରିଭାଷୀୟ କବୟିତ୍ରୀ, ଗାଳ୍ପିକା, ଔପନ୍ୟାସିକା, ସମାଲୋଚିକା, ପ୍ରାବନ୍ଧିକା, 
ଶ୍ରୀମତୀ ସଂଘମିତ୍ରା ରାଏଗୁରୁ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ବରେଣ୍ୟ ଅତିଥି  ଭାବରେ ଶ୍ରୀମତୀ କମଳିନୀ ଦେବୀ ଯୋଗ ଦେଇଥିଲେ। ମୁଖ୍ୟ ଅଲୋଚିକା  ଭାବରେ "ଅନୁରାଗ " ର ସମ୍ପାଦିକା ,ଗାଳ୍ପିକା, ପ୍ରବନ୍ଧକାର,ନାଟ୍ୟକାର ତଥା ଔପନ୍ୟାସିକା ଶ୍ରୀମତୀ ମନୋରମା  ମିଶ୍ର,ସମ୍ମାନିତ ଅତିଥି  ଭାବରେ ଶ୍ରୀମତୀ ଜ୍ୟୋତ୍ସ୍ନା ରାଣୀ ରାଉତ ,ଶ୍ରୀମତୀ ମଧୁଲିତା ପରିଡ଼ା,ଶ୍ରୀମତୀ ରିତା ସାମଲ ଓ ଶ୍ରୀମତୀ ଆରତୀ ସାହୁ ଯୋଗ ଦେଇଥିଲେ।
ଅତୀତରେ ନାରୀ ଓ ବର୍ତ୍ତମାନ ର ନାରୀ ଉପରେ   ଅତିଥି ମାନେ ବହୁତ୍ ସୁନ୍ଦର  ଭାବରେ ବିଶ୍ଳେଷଣlତ୍ମକ ଆଲୋଚନା କରିଥିଲେ । ଏହାପରେ ଏକ କବିତା ଆସର ମଧ୍ୟ ଅନୁଷ୍ଠିତ ହୋଇଥିଲା।ପ୍ରାୟତଃ ତିରିଶ ଜଣ କବି କବୟିତ୍ରୀ ମାନେ  ନାରୀ ଉପରେ ଆଧାରିତ ନିଜ ନିଜର ସ୍ବରଚିତ କବିତା ଆବୃତ୍ତି  କରିଥିଲେ।  ଏହି କାର୍ଯ୍ୟ କ୍ରମରେ ଅରୁଣୀ ତ୍ରିପାଠୀ,ନୀଳାଦ୍ରି ଜଗଦେବ,ବିଜୟଶ୍ରୀ ନାଥ, ନୀରଦ ଚନ୍ଦ୍ର ଜେନା, ନିତ୍ୟାନନ୍ଦ ଖମାରୀ,ଗୋଦାବରୀ ଦାଶ,ସୁଲୋଚନା ବେହେରା, ରତିରଞ୍ଜନ  ସାର୍ ପ୍ରମୁଖଙ୍କ ସହ ନିଶିଗନ୍ଧା ର ବହୁ ସଂଖ୍ୟକ କବି, କବୟିତ୍ରୀ ଓ ସାହିତ୍ୟ ସ୍ରଷ୍ଟା ମାନେ ଯୋଗ ଦେଇଥିଲେ। ପରିଶେଷରେ  କବି ସୌରଭ ଶ୍ରୀ କୈଳାଶ ଚନ୍ଦ୍ର ବେହେରା ଧନ୍ୟବାଦ୍ ଅର୍ପଣ କରିଥିଲେ।