01-Mar-2022

ବରଗଡ଼(ନିରଞ୍ଜନ ତ୍ରିପାଠୀ) ବରଗଡ ଜିଲ୍ଲା ଭେଡେନ ବ୍ଲକ ସଂକ୍ରିଡା ପଞ୍ଚାୟତ ର ଝରାପାଲି ମାର୍କେଟ, ଥୁଆପାଲି ଠାରେ ମହାଶିବରାତ୍ରୀ ଅବସରରେ ପ୍ରତି ବର୍ଷ ଭଳି ଏବର୍ଷ ମଧ୍ୟ ସାମୂହିକ ବ୍ରତୋପନୟନ ଅନୁଷ୍ଠିତ ହୋଇଯାଇଛି। ଏଥିରେ ୨୧ ଜଣ ନବବଟୁ ମାନଙ୍କ ବ୍ରତୋପନୟନ ସମାପନ ହୋଇସାରିଛି ।ଏହା ୧୯୯୬ ମସିହା ରୁ ସ୍ଵର୍ଗତ ବୀରବଲ ଅଗ୍ରୱାଲ ଙ୍କ ପ୍ରଚେଷ୍ଟା ରେ ଆରମ୍ଭ ହୋଇଥିଲା ।ତାଙ୍କୁ ଅନୁସରଣ କରି ପରିବାର ମୁଖ୍ୟ କୈଳାଶ ଅଗ୍ରୱାଲ ଓ  ତାଙ୍କ ପରିବାର ସମସ୍ତ ସଦସ୍ୟ ମାନେ ପବିତ୍ର ମହାଶିବରାତ୍ରୀ ଦିବସ ରେ ବ୍ରତୋପନୟନ କାର୍ଯ୍ୟ କରି ଆସୁଛନ୍ତି। ଏଥିରେ ପୂଜକ ଭାବେ ମହାନ ପଣ୍ଡିତ ଦୁଖିଶ୍ଯାମ ମିଶ୍ର ଙ୍କ ସମେତ ସଞ୍ଚିବ କୁମାର ତ୍ରିପାଠୀ, ମାଧବାନନ୍ଦ ମହାପାତ୍ର ଓ ଭୀଷ୍ମ ଦେବ ପୂଝାରୀ ସମସ୍ତ ପୂଜାର୍ଚ୍ଚନା ଦାୟିତ୍ଵ ହାତକୁ ନେଇ ଏହି ମହାନ କାର୍ଯ୍ୟକୁ ସମାପନ କରିଥିଲେ। ଏଥିପାଇଁ ସମସ୍ତ ନବବଟୁ, ଶ୍ରଦ୍ଧାଳୁ, ଭକ୍ତ ମାନଙ୍କ ନିମନ୍ତେ ଅନ୍ନ ପ୍ରସାଦ ବ୍ୟବସ୍ଥା କରାଯାଇଥିଲା। ଏଥିରେ ଲାୟନ୍ସ କ୍ଲବର ସମସ୍ତ ସଦସ୍ୟ ଉପସ୍ଥିତ ରହି ସକ୍ରିୟ ଭାବେ ଅଂଶଗ୍ରହଣ  କରିଥିଲେ।