28-Feb-2022

ବରଗଡ:-ବରଗଡ଼ ଜିଲ୍ଲା ସୋହେଲା ବ୍ଳକ ଅନ୍ତର୍ଗତ ସାଲେପାଲି ଗ୍ରାମପଞ୍ଚାୟତରୁ ବରଗଡ ଅଞ୍ଚଳର ସମାଜସେବୀ ତଥା ବିଜେଡି ଦଳ ର ଯୁବନେତା ଶ୍ରୀ ସୁବ୍ରତ ସିଂ ଙ୍କୁ ଏ ଅଞ୍ଚଳ ର ଜନସାଧାରଣ ସ୍ୱାଗତ କରି ସମିତି ସଭ୍ୟ ପ୍ରାର୍ଥୀ ଭାବେ ଛିଡ଼ା କରିଥିଲେ । ଏ ଅଞ୍ଚଳର ଦୁଃଖ ସୁଖ ରେ ନିଜକୁ ସମର୍ପିତ କରିଥିବା ଶ୍ରୀ ସିଂ ଜନସାଧାରଣଙ୍କ ଅନୁରୋଧକୁ ସମ୍ମାନ ଜଣାଇ ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ସାଲେପାଲି ଗ୍ରାମପଞ୍ଚାୟତରୁ ସମିତି ସଭ୍ୟ ଭାବେ ଛିଡ଼ା ହୋଇ ତାଙ୍କ ନିକଟତମ ପ୍ରତିଦ୍ବନ୍ଦୀ ପାଣ୍ଡବ ତାଣ୍ଡି ଙ୍କୁ ପରାଜିତର ବାସ୍ନା ଶୁଙ୍ଘାଇଛନ୍ତି ।ଶ୍ରୀ ସୁବ୍ରତ ସିଂ ସମୁଦାୟ ୧୯୭୯ ଭୋଟ ସାଉଁଟି ଥିବାବେଳେ ତାଙ୍କ ନିକଟତମ ପ୍ରତିଦ୍ବନ୍ଦୀ ଶ୍ରୀ ତାଣ୍ଡି ମାତ୍ର ୭୩୭ ଭୋଟ ପାଇ ସନ୍ତୋଷ୍ଟ ।ଏଇଠି ସ୍ମରଣ କରିଦେବାକୁ ଚାହୁଁ ଯେ, ଓଡ଼ିଶା ରାଜ୍ୟ ଶ୍ରମ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ଶ୍ରୀ ସୁଶାନ୍ତ ସିଂ ଙ୍କ ଭାଇ ହେଉଛନ୍ତି ଉଦୀୟମାନ ତାରକା ଭାବେ ବେଶ ପରିଚିତ ଶ୍ରୀ ସୁବ୍ରତ ସିଂ । ବରଗଡ ଜିଲ୍ଲା ସୋହେଲା ବ୍ଳକ ଟି ଅତିତ ରେ ପୂର୍ବତନ ମନ୍ତ୍ରୀ ଶ୍ରୀ ପ୍ରକାଶ ଦେବତା ଙ୍କ ସକାଶେ କଂଗ୍ରେସୀ ଗଡ଼ ରୂପେ ପରିଚିତ ଥିଲା ।ହେଲେ ମନ୍ତ୍ରୀ ଶ୍ରୀ ସୁଶାନ୍ତ ସିଂ ବିଧାୟକ ଦେବାପରେ ଦିବାରାତ୍ର କୁ ଏକାକାର କରି ଜନସେବାରେ ନିଜକୁ ନିୟୋଜିତ କରି ବେଶ ସୁନାମ ଅର୍ଜନ କରିବାସହ ବିଜୁ ଜନତାଦଳ କୁ ବିରାଟ ବଟବୃକ୍ଷ ରେ ପରିଣତ କରିସାରିଛନ୍ତି । ସୋହେଲା ବ୍ଳକ ରେ ବିଜେଡି ର ଦବଦବା କୁ ପାଥେୟ କରି ନିର୍ବାଚନ ପୂର୍ବରୁ ୧୮ ଜଣ ବିଜେଡ଼ି ସମର୍ଥିତ ସମିତି ସଭ୍ୟ/ସଭ୍ୟା ଙ୍କୁ ନିର୍ଦ୍ବନ୍ଦ୍ବରେ ନିର୍ବାଚିତ କରାଇ ସାରା ଓଡ଼ିଶା କଣ,ସାରା ଭାରତବର୍ଷରେ ବେଶ ପତିଆରା ସୃଷ୍ଟି କରିପାରିଛନ୍ତି ।ଏମିତିକି ତାଙ୍କ ନିର୍ବାଚନ ମଣ୍ଡଳୀରୁ ଜଣେ ବିଜେଡି ଜିଲ୍ଲାପରିଷଦ ପ୍ରାର୍ଥୀଙ୍କୁ ମଧ୍ୟ ନିର୍ଦ୍ବନ୍ଦ୍ବରେ ନିର୍ବାଚିତ କରିବାରେ ସଫଳତା ଲାଭ କରିପାରିଛନ୍ତି। ମନ୍ତ୍ରୀ ଶ୍ରୀ ସିଂ ଙ୍କୁ ନିର୍ବାଚନୀ ବୈତରଣୀ ପାର କରିବାର କୈାଶଳ ଭଲ ଭାବରେ ଜଣା । ଶେଷ ରେ ନିର୍ବାଚିତ ସମିତି ସଭ୍ୟ ଶ୍ରୀ ସିଂ ସାଲେପାଲି ଗ୍ରାମପଞ୍ଚାୟତର ସର୍ବସାଧାରଣ ତଥା ଅଞ୍ଚଳବାସୀ ଙ୍କୁ ଧନ୍ୟବାଦ ଜଣାଇବା ସଙ୍ଗେ ସଙ୍ଗେ ତାଙ୍କ ଠାରୁ ଆଶ୍ରିର୍ବାଦ ଭିକ୍ଷା କରିଛନ୍ତି ।