21-Feb-2022

ସୁବର୍ଣ୍ଣପୁର - ଆଜି ସୁବର୍ଣ୍ଣପୁର ତହସିଲ ଅଫିସ ର ପ୍ରାକ୍ତନ କର୍ମଚାରୀ ତଥା  ମଝିପଡ଼ା ନିବାସୀ ପ୍ରମୋଦ କୁମାର ବେହେରା୭୭ ଙ୍କ ଆଜି ସକାଳ ୮ଘଣ୍ଟା ବେଳେ ପରଲୋକ ଘଟିଥିବାରୁ ମଝିପଡ଼ା ସମେତ ସୋନପୁର ସହର ରେ ଶୋକ ଖେଳି ଯାଇଛି l ସ୍ବର୍ଗତ ବେହେରା ଜଣେ ସରଳ ଅମାୟିକ ବ୍ୟକ୍ତିତ୍ୱ ଥିବା ବେଳେ ଆଜି  ବରିଷ୍ଠ କଂଗ୍ରେସ ନେତା ଇସ୍ମାଇଲ ଖାଁ, ବିଶିଷ୍ଠ ସମାଜସେବୀ  ଶ୍ରୀବତ୍ସ ମଲ୍ଲିକ,  ଲଡ଼ୁ କିଶୋର ମଲ୍ଲିକ, ଚକ୍ରାୟୁଧ ନାଏକ, ଶେଖର ନାଏକ, ସାମ୍ବାଦିକ ମନୋରଞ୍ଜନ ତ୍ରିପାଠୀ, ସ୍ୱଚ୍ଛ ଭାରତ  ର ଉପଦେଷ୍ଟା ବିନୋଦ ମେହେର ପ୍ରମୁଖ  ବହୁ ବିଶିଷ୍ଟ ବ୍ୟକ୍ତି ତାଙ୍କ ବାସ ଭବନ କୁ ଓ  ଶ୍ରୀ  ରାମେଶ୍ୱର ସ୍ମଶାନ ଘାଟ କୁ ପହଂଚି ସ୍ବର୍ଗୀୟ ବେହେରା ଙ୍କୁ ଅନ୍ତିମ ଦର୍ଶନ କରି ଶ୍ରଦ୍ଧାଞ୍ଜଳି ଜଣାଇଥିଲେ l ଏ ଖବର ପାଇ  ସ୍ୱଚ୍ଛ ଭାରତ ସଭାପତି ଲଷ୍ମୀ ନାରାୟଣ ମେହେର, ପ୍ରତିଷ୍ଠାତା ସଭ୍ୟ ସୟଦ ଅଲିମୁଲ ଇସଲାମ,  ଗରିବ ଲୋଇ, ଇନ୍ଦୁମତି ପୁରୋହିତ, ପ୍ରମୋଦ ସାହୁ ପ୍ରମୁଖ ସମସ୍ତ ସଭ୍ୟ ସ୍ବର୍ଗୀୟ ବେହେରା ଙ୍କ ଦେହାନ୍ତ ରେ ଗଭୀର ଶୋକ ପ୍ରକାଶ କରିଛନ୍ତି l ସମାଜସେବୀ ଶ୍ରୀବତ୍ସ ମଲ୍ଲିକ ଶବ ସଂସ୍କାର ଲାଗି  କାଠ ସରଞ୍ଜାମ ର  ସୁ -ବ୍ୟବସ୍ଥା କରିଥିବା ବେଳେ  ପୁଅ ଜଗ, ଜୟନ୍ତ, ଜୟ. ଝିଅ ତପସ୍ୱିନୀ, ବିନୋଦିନୀ, ଦୁଇ ଜ୍ୱାଇଁ, ତିନି ବୋହୁ, ନାତି, ନାତୁଣୀ, ମର ଶରୀର ପାଖରେ ଘରେ ଉପସ୍ଥିତ ଥିଲେ l ବଡ଼ ପୁଅ ଜଗନ୍ନାଥ ପିତା ଙ୍କୁ ମୁଖାଗ୍ନି ଦେଇଥିଲେ l ପ୍ରକାଶ ଥାଉ କି ଯେ ଶ୍ରୀ ବେହେରା ଙ୍କ ପରିବାର  ଅତି ସରଳ ଓ ସଂସ୍କାରିତ ସହିତ ବିଭିନ୍ନ ମହଲ ରେ ସୁ -ସମ୍ପର୍କ ସ୍ଥାପନ ରହି ଆସିଥିବା ଯୋଗୁଁ ମଝିଆ ପୁଅ ଜୟନ୍ତ ର ଆଦର୍ଶ ବାହାଘର ରେ  ସୁବର୍ଣ୍ଣପୁର ର ପ୍ରାକ୍ତନ ଜ଼ିଲ୍ଲାପାଳ ଶ୍ରୀ ଦାଶରଥୀ ଶତପଥି (ଆଇ ଏ ଏସ ), ଏସ ଡି ପି ଓ  ଭବାନୀ ଶଙ୍କର ଉଦଗତା, ପଶ୍ଚିମ ଓଡିଶା ର ବିଶିଷ୍ଟ ସମାଜସେବୀ ସ୍ବର୍ଗତ ଲଳିତ ନାଏକ ଙ୍କ ସମେତ ବିଭିନ୍ନ ସ୍ବେଛାସେବୀ ଅନୁଷ୍ଠାନ ଯୋଗଦାନ କରି ନବ ଦମ୍ପତି ଙ୍କୁ ଆଶୀର୍ବାଦ କରିଥିଲେ l