17-Feb-2022

ସିନ୍ଧେକେଲା /କରୋନା ସଂକ୍ରମଣ କୁ ନେଇ  କେତେବେଳେ ପୁଜାପାଠ ବନ୍ଦ ହେଉଛି । ତ କେତେବେଳେ କମ ସଂଖ୍ୟକ ଭକ୍ତ ଙ୍କୁ ନେଇ ଚାଳୁଛି ପୁଜାପାଠ। ତେବେ ବର୍ତ୍ତମାନ ତ୍ରିସ୍ତରୀୟ ନିର୍ବାଚନ ପାଇଁ ଚଳଚଞ୍ଚଳ ହୋଇ ଉଠିଛି ଗାଁ ଗଣ୍ଡା। ହେଲେ ଏ ମଧ୍ଯରେ ପାରମ୍ପରିକ ପୁଜାପାଠ ବି ଚାଳିଛି। ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ଶ୍ରୀ ଜଗନ୍ନାଥ ମନ୍ଦିର ଓ ମାଁ ଦ୍ୱାରସେହ୍ନି ମନ୍ଦିର ମଧ୍ୟସ୍ଥ ପାରମ୍ପରିକ ପ୍ରହରୀ ମଣ୍ଡପରେ ସ୍ଥାନୀୟ ସାହୁ ପଡା ଦ୍ୱାରା ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଅଷ୍ଟପ୍ରହରି ନାମଯଜ୍ଞ ଅନୁଷ୍ଠିତ ହୋଇଯାଇଅଛି । ଗତ ସୋମବାର ସନ୍ଧ୍ୟା ରେ ଅଧିବାସ ଦିନ କଳସ ଯାତ୍ରା ଅନୁଷ୍ଠିତ ହୋଇଥିବା ବେଳେ ମଙ୍ଗଳବାର ସକାଳୁ ନାମାରାମ୍ଭ ହୋଇଥିଲା । ରାଜ୍ ପରିବାରର ବିରେନ୍ଦ୍ର ନାରାୟଣ ସିଂଦେଓ ଓ ତାଙ୍କ ପତ୍ନୀ ସଂଯୁକ୍ତା ସିଂଦେଓ କର୍ତ୍ତା ଦାୟିତ୍ୱ ତୁଲାଇଥିବା ବେଳେ ପୂଜକ ଭାବରେ ଭବାନୀ ଶଙ୍କର ତ୍ରିପାଠୀ , ଜପକ ଭାବରେ ଅଭିମନ୍ୟୁ ତ୍ରିପାଠୀ , ପାଚକ ଭାବରେ ରାଜେଶ ତ୍ରିପାଠୀ ପ୍ରମୂଖ ଯୋଗଦେଇ ପୂଜା କାର୍ଯ୍ୟ ସମ୍ପାଦିତ କରିଥିଲେ

। ଆଜି ବୁଧବାର ପୂର୍ଣ୍ଣାହୁତି ହୋଇଥିଲା । କାର୍ଯ୍ୟକ୍ରମ ରେ ସମ୍ପୂର୍ଣ୍ଣ ସାହୁ ପଡାବାସୀ ଙ୍କ ବିଶେଷ ଯୋଗଦାନ ରହିଥିଲା। କମ ଲୋକଙ୍କୁ ନେଇ ସମ୍ପୁର୍ଣ୍ଣ କୋଭିଡ ଆଇନ ଅନୁଯାଇ ପ୍ରହରୀ କାର୍ଯ୍ୟ ହୋଇଥିଲେ ହେଁ ଲୋକେ ଭଗବାନ କୃଷ୍ଣ ଓ ରାମ ଙ୍କ ନାମ ଜପି ପ୍ରଭୁଙ୍କ ନାମ ସଂକୀର୍ତ୍ତନ ରେ ମତୁଆଳା ହୋଇ ଆତ୍ମ ବିଭୋର ହେବାସହ ବେଶ ଖୁସି ଅନୁଭବ କରିବାସହ ନିଜକୁ ପ୍ରଭୁଙ୍କ ଜପରେ ହଜାଇ ଦେଉଥିବା ଦେଖିବାକୁ ମିଳିଥିଲା।