16-Feb-2022

ବରଗଡ:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ବ୍ଳକ ରେଆଜି ତ୍ରୀସ୍ତରିୟ ପଞ୍ଚାୟତ ନିର୍ବାଚନ ବୁଧବାର ଶାନ୍ତିପୂର୍ଣ୍ଣଭାବେ  ମତଦାନ ଶେଷ ହୋଇଛି । ମୋଟ ୨୨ଟି ପଞ୍ଚାୟତରେ ୮୯୧୫୦ ଭୋଟର ଥିବା ବେଳେ ୩୪୯୦୧ ଜଣ ପୁରୁଷ ଓ ୩୪୧୦୭ ଜଣ ମହିଳା ସମୁଦାୟ ୬୯୦୦୮ ଭୋଟଦାନ କରିଛନ୍ତି । ୭୭.୪୧% ମତଦାନ ହୋଇଛି । ଛେତଗାଁ ପଞ୍ଚାୟତରେ ୧୧୦୮ ଜଣ ମହିଳା ଓ ୧୧୦୮ ଜଣ ପୁରୁଷ ମତଦାନ କରିଛନ୍ତି । ସରେଇକେଲା ପଞ୍ଚାୟତରେ ସର୍ବାଧିକି ୮୬.୭୭% ମତଦାନ କରିଥିବା ବେଳେ ପାଇକମାଲ  ପଞ୍ଚାୟତରେ ସବନିମ୍ନ ୬୯% ମତଦାନ କରିଛନ୍ତି । ମତଦାନରେ ବ୍ୟବହୃତ କପଡା ପତଳା ହୋଇଥିବାର ଭୋଟରମାନେ ଅଭିଯୋଗ କରିଛନ୍ତି । କିଏ କେଉଁଥିରେ ଭୋଟ ଦେଲା  ବାହରକୁ ଦେଖାଯାଉଥିବାର ଅଭିଯୋଗ ହୋଇଛି । ଏନେଇ ପାଇକମାଲ ନିର୍ବାଚନ ଦାୟିତ୍ବ ରେ ଥିବା ବି.ଡି.ଓ ଉପାଞ୍ଜଳୀ ମାଝିଙ୍କୁ ପଚାରିବାରୁ  ପତଳା କପଡା ଆସିଥିବାରୁ ଉକ୍ତ କପଡା ଉପରେ ପେପର ମାରିବାକୁ ପୁଲିଙ୍ଗ ଅଧିକାରୀମାନଙ୍କୁ କୁହାଯାଇଥିଲା ବୋଲି କହିଛନ୍ତି । ବରଗଡ ଜିଲ୍ଲାପାଳ ମନିସା ବାର୍ନାଜୀ, ପଦ୍ମପୁର ଉପଜିଲ୍ଲା ତ୍ରୀଲୋଚନ ପାତ୍ର, ପଦ୍ମପୁର ଏସ.ଡି.ପି.ଓ ବିଭୁତି ଭୁଷଣ ଭୋଇ, ପାଇକମାଲ ବି.ଡି.ଓ ଉପାଞ୍ଜଳୀ ମାଝି, ତହସିଲଦାର ମନୋଜ ମେହେର, ଏପିଡି ବିଭୁ ପ୍ରସାଦ ମିଶ୍ର, ପାଇକମାଲ ଥାନା ଆଇ.ଆଇ.ସି ବିଶ୍ବଜିତ  ମନବୋଧ ପ୍ରମୁଖ ବିଭିନ୍ନ ବୁଥ ଭ୍ରମଣ କରି ଭୋଟରଙ୍କ ସୁବିଧା ଅସୁବିଧା ବୁଝିଥିଲେ ।