16-Feb-2022

ପାଟଣାଗଡ : ବର୍ତ୍ତମାନ ତ୍ରିସ୍ତରୀୟ ନିର୍ବାଚନ ଚାଲିଥିବା ବେଳେ ଆଜି ପ୍ରଥମ ପର୍ଯ୍ୟାୟ ରେ ପାଟଣାଗଡ଼ ନିର୍ବାଚନ ମଣ୍ଡଳୀ ରେ ମତଦାନ ପ୍ରକ୍ରିୟା ଆରମ୍ଭ ହୋଇଛି।ରାଜ୍ୟ ସରକାର ସକାଳ ୭:୩୦ ଟାରୁ ଅପରାହ୍ନ ୧ ଟା ପର୍ଯ୍ୟନ୍ତ ମତଦାନ ସମୟ ନିର୍ଦ୍ଧାରଣ କରିଛନ୍ତି। ଯଦିଓ ଭୋଟଦାତା ମାନେ ଲାଇନ୍ ରେ ରହି ନିର୍ଧାରିତ ସମୟ ଅତିକ୍ରମ କରିଯାଉଛି ତାହେଲେ ପ୍ରିଜେଡିଂ ଅଫିସର ଙ୍କ ଦସ୍ତଖତ କରାଇ ଚିରକୁଟ ପ୍ରଦାନ କଲେ ଅଧିକ ସମୟ ପର୍ଯ୍ୟନ୍ତ ମତଦାନ କରି ପାରିବେ। କିନ୍ତୁ ଲୋକେ ଲାଇନ୍ ରେ ଛିଡ଼ା ଥାଇ ଓ ସମୟ ଥାଇ କିଛି ଜଣ ନାଗରିକ ଭୋଟ ଦେବାରୁ ବଞ୍ଚିତ ରହିଛନ୍ତି । ଏଭଳି ଏକ ଦୁଃଖ ର ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ବେଲପଡା ବ୍ଳକ ସଲଣ୍ଡି ପଞ୍ଚାୟତ ଲଥାକେନ୍ଦ ଗାଁ ରେ। ଏଠାରେ ୩ ଟି ବୁଥ ଚାଲିଥିବା ବେଳେ ଗାଁ ରେ ସର୍ବମୋଟ ୮୦୨ ଭୋଟର ଅଛି। କିନ୍ତୁ ୬୪୭ ଭୋଟ ପୁଲିଂ ହୋଇଥିବା ବେଳେ ଆହୁରି ଏକ ଶହ ଭୋଟର ଭୋଟ ଦେବାରୁ ବଞ୍ଚିତ ଥିବା ଗ୍ରାମବାସୀମାନେ ଅଭିଯୋଗ ଆଣିଛନ୍ତି। ଲୋକ ଙ୍କ କହିବା ଅନୁଯାୟୀ ୧୨:୪୦ ରେ ପୋଲିଂ ଅଫିସର ମାନେ ବନ୍ଦ କରିବା ସହ ମାତ୍ର ୨୦ଟି ଚିରକୁଟ ଅଛି କହି ଭୋଟ ବାକ୍ସ ସିଲ୍ କରିଦେଇ ଥିଲେ।ପରେ ଗାଁ ର ସମସ୍ତ ମହିଳା ଓ ପୁରୁଷମାନେ ଭୋଟ ଦେବା ଜିଦ୍ ରେ ଅଟିବସିଥିଲେ ଓ ଭୋଟ ବାକ୍ସ ଗାଡ଼ି ଆଗରେ ଧାରଣା ଦେଇଥିଲେ । ପୋଲିସ ଓ ଜନତା ଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା ଏହାର ଖବର ପାଇ ତହସିଲଦାର ପ୍ରଶାନ୍ତି ପ୍ରଧାନ ଘଟଣା ସ୍ଥଳକୁ ପହଞ୍ଚି ଲୋକଙ୍କୁ ବୁଝାଇ ତମ ଭୋଟ ଦେବାକୁ ବ୍ୟବସ୍ଥା କରିବା ବୋଲି ପ୍ରତିଶ୍ରୁତି ଦେଇ ଭୋଟ ପୋଲିସ ଓ ବାଟାଲିୟନ ଜବାନ ଙ୍କ ସାହାଯ୍ୟରେ ଭୋଟ ବାକ୍ସ ଆଣିଥିଲେ। ସରକାର ଙ୍କ ଏଭଳି ନିଷ୍ପତ୍ତି ପାଇଁ ଅନେକ ଲୋକ ଭୋଟ ଦେବା ରୁ ବଞ୍ଚିତ ରହୁଥିବା ଯୋଗୁଁ ଜନସାଧାରଣ ରେ ଅସନ୍ତୋଷ ଦେଖାଦେଇଛି। ଏଥିପାଇଁ ପ୍ରାର୍ଥୀ ଙ୍କ ପ୍ରତିକ୍ରିୟା ନିଆଯାଇଥିବା ବେଳେ ପ୍ରାର୍ଥୀ ମାନେ ମଧ୍ୟ ଦୃଢ଼ ନିନ୍ଦା କରିଛନ୍ତି।ଏବେ ସତରେ କ'ଣ ଲଥାକେନ୍ଦ ଗାଁ ର ଲୋକଙ୍କୁ ନ୍ୟାୟ ମିଳିବ ନାଁ ପ୍ରତିଶ୍ରୁତି ରେ ରହିଯିବ ।