14-Feb-2022

ସୁବର୍ଣ୍ଣପୁର:  ସହରର ଅଗ୍ରଣୀ ସାମାଜିକ ଅନୁଷ୍ଠାନ ବୁଢାରଜା ୟୁଥ ଏ ସୋସିଏସନ  ପକ୍ଷରୁ ଆଜିର ପ୍ରେମ ଦିବସକୁ  ନାରୀ ସୁରକ୍ଷା ଓ ସମ୍ମାନ ଦିବସ  ଵା  ସେବା ଦିବସ ଭାବେ ଉତ୍ସଵ ପାଳନ କରିଛନ୍ତି l ଏହି  ଅବସରରେ ଦୀର୍ଘ ଦଶ ବର୍ଷ ଧରି ଏହି ଅନୁଷ୍ଠାନ ଏହି ଦିବସ କୁ  ନାରୀ ସମ୍ମାନ ଓ ସେବା ଦିବସ ଭାବେ ପାଳନକରି ଏକ ମେଗା ରକ୍ତଦାନ ଶିବିର ଆୟୋଜନ କରିଆସୁଛି l ବୁଢାରଜା କ୍ଲବ ଦ୍ୱାରା ଆୟୋଜିତ ଆଜିର ଏହି ଉତ୍ସବରେ ବୁର୍ଲା ଭୀମସାରର ସହଯୋଗୀ ପ୍ରଫେସର ଡଃ ଶଙ୍କର ରାମ ଚନ୍ଦାନୀ ମୁଖ୍ୟ ଅତିଥି, ବିଶିଷ୍ଟ ସମାଜସେବୀ ଶ୍ରୀବତ୍ସ ମଲ୍ଲିକ, ଉପ ନଗରପାଳ ପ୍ରକାଶ ସାହୁ ସମ୍ମାନିତ ଅତିଥି ଭାବେ ଯୋଗ ଦେଇ ରକ୍ତ ଦାନ ଶିବିର ଉଦଘାଟନ ଓ ସଂଗଠନ ର ଏକ ଆମ୍ବୁଲାନ୍ସ ସେବା କୁ ଲୋକାର୍ପଣ କରିଛନ୍ତି l ଯେଉଁଥିରେ କି ଖୁବ ସ୍ୱଳ୍ପ ମୂଲ୍ୟ ରେ ଗରିବ ଶ୍ରେଣୀ ର ଲୋକେ ଏହି  ସେବା ପାଇ ପାରିବେ l ଏବଂ କିଛି ଅଘଟଣ ବେଳେ ଏଇ ଆମ୍ବୁଲାନ୍ସ ମାଗଣା ସେବା ଯୋଗାଇ ଦେବ l ଏହି ସ୍ବେଛାସେବୀ ସଂଗଠନ ଓ କିଛି ବଦାନ୍ୟ ବ୍ୟକ୍ତିଙ୍କ ସହଯୋଗରେ ଆଜିଠାରୁ ଏହି ଆମ୍ବୁଲାନ୍ସ ସେବl କୁ ଆରମ୍ଭ କରାଯାଇଛି l ଆଜି  ସୁବର୍ଣ୍ଣପୁର ରେ ୬୦ ଜଣ ଓ ବୀରମହାରାଜପୁର  ବ୍ରାଞ୍ଚ ରେ ୨୮ ଜଣ ଯୁବକ ଯୁବତୀ ସ୍ୱଇଚ୍ଛା ରେ ଆସି ଉଭୟ ଶିବିର ରେ ରକ୍ତଦାନ କରିଛନ୍ତି l ଦୀର୍ଘ ଦଶ ବର୍ଷ ଧରି ବୁଢାରଜା ସ୍ବେଛାସେବୀ ଅନୁଷ୍ଠାନ  ସ୍ୱଚ୍ଛତା, ପରିବେଶ ସୁରକ୍ଷା, ଗୋ ସୁରକ୍ଷା, ସଡ଼କ ସୁରକ୍ଷା, ଭୋକିଲା, ଦୁଃଖୀ ଦରିଦ୍ର ଙ୍କ ସେବା, ରକ୍ତ ଦାନ ଓ ରକ୍ତ ଦାନ ଶିବିର ଆୟୋଜନ ଭଳି ବିଭିନ୍ନ ସମାଜ ସେବା କ୍ଷେତ୍ରରେ କାର୍ଯ୍ୟ କରି ଆସୁଥିବା ବେଳେ କରୋନା ଭଳି ସଙ୍କଟ ସମୟରେ ମଧ୍ୟ ଏହି ସଂଗଠନର  ଉସ୍ସର୍ଗୀକୃତ ସେବା କାର୍ଯ୍ୟକୁ ସହରବାସୀ ଊଚ୍ଚ ପ୍ରଶଂସା କରିଛନ୍ତି l ଜିଲ୍ଲା ପ୍ରଶାସନ ଓ  ଅନେକ ସଂଗଠନ ପକ୍ଷରୁ ଏହି ସଂଘ ଅନେକ ଥର ସମ୍ବର୍ଦ୍ଧିତ ବି ହୋଇଛି l ଆଜି ର ଏହି ଉତ୍ସବରେ ଡଃ ଚନ୍ଦାନୀଙ୍କ ସମେତ ସହର ତଥା ଜ଼ିଲ୍ଲା ର ବହୁ  ବୁଦ୍ଧିଜୀବୀ, ସ୍ବେଛାସେବୀ, ସାମ୍ବାଦିକ ଯୋଗ ଦେଇ ଆୟୋଜକ  ସଂଗଠନ ର ସ୍ବେଛାସେବୀ ଓ ରକ୍ତଦାତା ମାନଙ୍କୁ ଉତ୍ସାହିତ କରିଛନ୍ତି l ରେଗୁଲାର ଭାବେ ରକ୍ତ ଦାନ କରିଆସୁଥିବା  ଯୁବକ  ରାଧେଶ୍ୟାମ ପୁରୋହିତ ଙ୍କୁ ଅତିଥି ଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଛି l  ତାପସ ବେଉରା, ଅରୁଣ ମେହେର, ଚିତ୍ତରଞ୍ଜନ ଭୋଇ, ଜଗା ସେଠି, ସ୍ୱାଧୀନ ନାୟକ,

ପ୍ରମୁଖ ସମସ୍ତ ସଭ୍ୟ ଏ ଅବସରରେ ରେ ସହଯୋଗ କରିଥିଲେ l ପ୍ରକାଶ ଥାଉ କି ଯେ ପ୍ରତି ଗରିବ ଲୋକଙ୍କ ଅସମୟରେ ଦେବଦୂତ ଭଳି ଛିଡା ହୋଇ ସହଯୋଗ ର ହାତ ବଢ଼ାଉଥିବା ସହର ର ବିଶିଷ୍ଠ ସମାଜସେବୀ ତଥା ଏହି ସଂଗଠନ ର ଉପଦେଷ୍ଟା ଶ୍ରୀବତ୍ସ ମଲ୍ଲିକ ଏ ଅବସରରେ ଆଉଏକ ମାଗଣା ଭାଇକିଲ ସେବା 'ମହାପ୍ରୟାଣ 'ପାଇଁ ଏକ ବୋଲେରୋ ଗାଡି ଦାନ କରି ସ୍ବେଛାସେବୀ ଙ୍କୁ ଆହୁରି ଉତ୍ସାହିତ କରିଛନ୍ତି । ଶ୍ରୀ ମଲ୍ଲିକ ଙ୍କ ଏପରି ମହାନତା କୁ ଉପସ୍ଥିତ ଅତିଥି ତଥା ସମସ୍ତ ଜନସାଧାରଣ ଉଚ୍ଚ ପ୍ରଶଂସା କରିଛନ୍ତି।