20-Jan-2022

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ) : ସମ୍ବଲପୁର ଜିଲ୍ଲା ବିଜୁ ଜନତା ଦଳ ପକ୍ଷରୁ ବୁଧବାର ରେଙ୍ଗାଲି ଓ କୁଚିଣ୍ଡା ନିର୍ବାଚନ ମଣ୍ଡଳୀ ଅନ୍ତର୍ଗତ ୧୧ ଟି ଜୋନର ଜିଲ୍ଲା ପରିଷଦ ପ୍ରାର୍ଥୀ ଙ୍କ ନାମ ଘୋଷଣା କରାଯାଇଛି । ପ୍ରଥମ ପର୍ଯ୍ୟାୟରେ ରେଙ୍ଗାଲି ନିର୍ବାଚନ ମଣ୍ଡଳୀର ୫ ଟି ଜିଲ୍ଲା ପରିଷଦ ଜୋନ ଏବଂ କୁଚିଣ୍ଡା ନିର୍ବାଚନ ମଣ୍ଡଳୀ ର ୬ ଟି ଜିଲ୍ଲା ପରିଷଦ ଜୋନର ପ୍ରାର୍ଥୀଙ୍କ ନାମ ଘୋଷଣା ହୋଇଛି I ଜିଲ୍ଲା ବିଜୁ ଜନତା ଦଳ ପକ୍ଷରୁ ଜିଲ୍ଲା ପରିଷଦ ଜୋନର ପ୍ରାର୍ଥୀ ମାନଙ୍କୁ ଦଳୀୟ ଟିକଟ ପ୍ରଦାନ କରିଛନ୍ତି ଦଳୀୟ ପର୍ଯ୍ୟବେକ୍ଷକ ଇଂ.ନଳିନୀ କାନ୍ତ ପ୍ରଧାନ ଏବଂ ଜ଼ିଲ୍ଲା ସଭାପତି ଇଂ. ସିଦ୍ଧାର୍ଥ ଦାସ । ଏହି ସମୟରେ କୁଚିଣ୍ଡା ବିଧାୟକ କିଶୋର ଚନ୍ଦ୍ର ନାଏକ, ଦେବେନ୍ଦ୍ର କିଶୋର ପତି, ଭୁବନେଶ୍ୱର କିସାନ,ସୁଭାଶିଷ ପଣ୍ଡା,କାଁହୁ ଚରଣ ମିଶ୍ର ଓ ଏମ.ବି ସତୟେନ,ମୋତିଲାଲ ତନ୍ତୀ, ମନୋଜ ମହାପାତ୍ର, ଧର୍ମରାଜ ମରେଈ ପ୍ରମୁଖ ଉପସ୍ଥିତ ଥିଲେ I ରେଙ୍ଗାଲି ନିର୍ବାଚନ ମଣ୍ଡଳୀ ଅନ୍ତର୍ଗତ ରେଙ୍ଗାଲି ବ୍ଲକ ଜୋନ ୧ ପାଇଁ ଚୋଳେଶ୍ୱରୀ ମହାନନ୍ଦ, ଜୋନ ୨ ପାଇଁ ଶ୍ରୀଦେବ ନାରାୟଣ ତିୱାରୀ, ଧନକଉଡ଼ା ବ୍ଲକ ଜୋନ ୧ ପାଇଁ ଗୋପାଳ ଅଗ୍ରୱାଲ, ଜୋନ ୨ ପାଇଁ ସୁଦର୍ଶନ ହରିପାଲ, ମାନେଶ୍ଵର ବ୍ଲକ ଜୋନ ୧ ପାଇଁ  ସୁରଜା ସେଠ ଙ୍କ ନାମ ଘୋଷଣା ହୋଇଛି I ଠିକ ସେହିପରି କୁଚିଣ୍ଡା ନିର୍ବାଚନ ମଣ୍ଡଳୀ ଅନ୍ତର୍ଗତ କୁଚିଣ୍ଡା ବ୍ଲକ ଜୋନ ୧ ପାଇଁ ଅଜିତ କୁମାର ମହାପାତ୍ର, ଜୋନ ୨ ପାଇଁ ପୁର୍ଣଚନ୍ଦ୍ର କିସାନ, ଜମନକିରା ବ୍ଲକ ଜୋନ ୧ ପାଇଁ ସୁଜାତା ଖୁଣ୍ଟିଆ, ଜୋନ ୨ ପାଇଁ ତନୟା ଧୁରୁଆ,    ବାମରା ବ୍ଲକ ଜୋନ ୧ ପାଇଁ କୃଷ୍ଣ ଚନ୍ଦ୍ର ଟପ୍ପୋ, ଜୋନ ୨ ପାଇଁ କୁମୁଦିନୀ ନାଏକଙ୍କ ନାମ ଘୋଷଣା ହୋଇଛି I