19-Jan-2022

ବଲାଙ୍ଗିର, (ପ୍ରେରଣା ଖବର)- ଆଗାମୀ ପଞ୍ଚାୟତ ନିର୍ବାଚନ ପାଇଁ ଜିଲ୍ଲା କଂଗ୍ରେସ ବଲାଙ୍ଗିର ତରଫରୁ ଆଜି ଜିଲ୍ଲାର ସମସ୍ତ ୩୪ଟି ଜୋନରେ କଂଗ୍ରେସ ତାର ପ୍ରାର୍ଥୀ ତାଲିକା ଘୋଷଣା କରିଛି । ଜିଲ୍ଲା ସଭାପତି ଦିଲିପ ବେହେରାଙ୍କ ଅନୁମୋଦନ କ୍ରମେ ଏଆଇସିସି ସଭ୍ୟ ତଥା ପିସିସି ସାଧାରଣ ସଂପାଦକ ସମରେନ୍ଦ୍ର ମିଶ୍ର ଆଜି ବଲାଙ୍ଗିର ବିଧାୟକ ନରସିଂହ ମିଶ୍ରଙ୍କ ଆବାସିକ କାର୍ଯ୍ୟାଳୟରେ ସମସ୍ତ ପ୍ରାର୍ଥିଙ୍କ ନାମ ତାଲିକା ଘୋଷଣା କରିଛନ୍ତି । ଘୋଷଣା ବେଳେ ସମରେନ୍ଦ୍ର ମିଶ୍ର କହିଛନ୍ତି ଯେ ପଞ୍ଚାୟତ ନିର୍ବାଚନ ପାଇଁ କଂଗ୍ରେସ ଦଳ ସମ୍ପୁର୍ଣ୍ଣ ଭାବେ ପ୍ରସ୍ତୁତ ଅଛି । ଆମେ ସରକାରର ବିଫଳତା, ନାରୀ ନିର୍ଯ୍ୟାତନାରେ ସରକାରୀ ଦଳର ନେତାଙ୍କ ସଂପୃକ୍ତି ଓ ଆମର ବିକାଶ କାର୍ଯ୍ୟକ୍ରମକୁ ଲୋକଙ୍କ ପାଖକୁ ନେଇ ନିର୍ବାଚନ ଲଢିବୁ । ପ୍ରାର୍ଥୀ ଚୟନ ବେଳେ ପ୍ରାର୍ଥୀଙ୍କ କଂଗ୍ରେସ ଦଳ ପ୍ରତି ଆନୁଗତ୍ୟ, ଲୋକଙ୍କ ଦ୍ୱାରା ଗ୍ରହଣୀୟତା ଏବଂ ବିଜୟ ସମ୍ଭାବନାକୁ ଗୁରୁତ୍ୱ ଦିଆଯାଇଛି । ଆମ ଦଳ ନିଶ୍ଚିତ ଯେ ଆମ ପ୍ରାର୍ଥୀମାନେ ଲୋକଙ୍କ ଦ୍ୱାରା ନିଶ୍ଚୟ ଆଦୃତ ହେବେ । ଏଠାରେ ସୂଚନାଯୋଗ୍ୟ ଯେ ଜିଲ୍ଲାରେ କଂଗ୍ରେସ ଦଳ ନିଜର ଜିଲ୍ଲା ପରିଷଦ ପ୍ରାର୍ଥୀ ତାଲିକା ପ୍ରଥମେ ପ୍ରକାଶ କରିଛି । ଜିଲ୍ଲାର ୩୪ଟି ଜୋନର ନାମ ତାଲିକା ହେଲା ଜୋନ ୧ ଗଣେଷ କୁମାର ସାହୁ, ଜୋନ ନଂ.୨ ଧନଞ୍ଜୟ ପଟେଲ, ଜୋନ ୩ ସୁଷମା ବାରିକ, ଜୋନ ୪ ଶୁଶିଲ ମାଝି, ଜୋନ ୫ ମୋହନ ନାଗ, ଜୋନ ୬ ଗଦିରାମ ସୁନା, ଜୋନ ୭ ଯୋଗେଶ୍ୱରୀ ସୁନା, ଜୋନ ୮ ପ୍ରଦୀପ କୁମାର ନାଗ, ଜୋନ ୯ ଚମ୍ପା ବଗର୍ତ୍ତି, ଜୋନ ୧୦ ରଜନୀ ଶବର, ଜୋନ ୧୧ କୌଶିକ ମେହେର, ଜୋନ ୧୨ କବିତା ଭୋଇ, ଜୋନ ୧୩ ମୁକ୍ତାଦେଇ ତାଣ୍ଡି, ଜୋନ ୧୪ ହେମଲତା ଭୁଏ, ଜୋନ ୧୫ ପଦ୍ମିନୀ ସୁନା, ଜୋନ ୧୬ ଚନ୍ଦ୍ରମଣି ବାଗ, ଜୋନ ୧୭ ଶୁଭ୍ରାଂଶୁ ଶେଖର ପଣ୍ଡା, ଜୋନ ୧୮ ବିନୋଦ ତାଣ୍ଡି, ଜୋନ ୧୯ ଉମାକାନ୍ତି ମହାନନ୍ଦ, ଜୋନ ୨୦ ଓମ୍ କୁମ୍ଭାର, ଜୋନ ୨୧ ସନ୍ତୋଷ ନାଏକ, ଜୋନ ୨୨ ଯଶୋବନ୍ତି ବଘାର, ଜୋନ ୨୩ ନିଳାଦ୍ରୀ ସେଠ, ଜୋନ ୨୪ ମହେନ୍ଦ୍ର ବରିହା, ଜୋନ ୨୫ ମଙ୍ଗଳା ଧରୁଆ, ଜୋନ ୨୬ ନିଳାବତୀ ତାଣ୍ଡି, ଜୋନ ୨୭ ସପ୍ନେଶ୍ୱର ଭୋଇ, ଜୋନ ୨୮ କେତକି ବେହେରା, ଜୋନ ୨୯ ଗୋପି ପାଣିଗ୍ରାହୀ, ଜୋନ ୩୦ ନିତ୍ୟାନନ୍ଦ ଯୋଷୀ, ଜୋନ ୩୧ ଦ୍ରୋପଦୀ ବେହେରା, ଜୋନ ୩୨ ପ୍ରମୋଦ କୁମାର ଭୋଇ, ଜୋନ ୩୩ ତନୟା ବେହେରା, ଜୋନ ୩୪ ସବିତା କାଲସାଏ । ଏ ସମସ୍ତ ପ୍ରାର୍ଥୀ ଚୟନ ଜିଲ୍ଲା କଂଗ୍ରେସ ଦ୍ୱାରା ନିୟୋଜିତ ହୋଇଥିବା ପ୍ରଭାରିମାନଙ୍କ ଦ୍ୱାରା ସବିଶେଷ ରିପୋର୍ଟ ପ୍ରଦାନ ପରେ ଜିଲ୍ଲା କଂଗ୍ରେସ  ସଭାପତି ଦିଲିପ ବେହେରା  ପ୍ରାର୍ଥୀ ତାଲିକା ଚୁଡାନ୍ତ କରାଯାଇଥିଲା ବୋଲି କହିଛନ୍ତି ।