17-Jan-2022

ବଲାଙ୍ଗିର,(ପ୍ରେରଣା ଖବର): ପୁଷ ପୁନି ପଶ୍ଚିମ ଓଡିଶାର ଗାଁ ରୁ ସହର ପର୍ଯ୍ୟନ୍ତ ପାଳନ କରାଯାଉଥିବା ଏକ ଗଣପର୍ବ । ପ୍ରାୟତଃ ଦେଖା ଯାଏ ଅଂଚଳର କୃଷକ ତାର ବହୁ କଷ୍ଟ ଲବ୍ଧ ଫସଲ ଅମଳ ସଲକୁ ଘରକୁ ନିଏ ତାର ଖୁସିରେ ପ୍ରତ୍େୟକ ଚାଷୀ ପରିବାର ଘରେ ଘରେ ପିଠା ମଣ୍ଡା କରି ଏହି ପର୍ବ ପାଳନ କରିଥାନ୍ତି । ଏପରି ଏକ ନିଆରା ପର୍ବ ପୁଷପୁନିରେ ଆଜି ସାମିଲ ହୋଇଛନ୍ତି ମାନ୍ୟବର ବଲାଙ୍ଗିର ବିଧାୟକ ନରସିଂହ ମିଶ୍ର । ପରମ୍ପରାଗତ ଭାବେ ପ୍ରତ୍େୟକ ବର୍ଷ ନିଜର ପ୍ରଥମ ନିାର୍ବଚନ ମଣ୍ଡଳି ଲୋଇସିଂହା ଠାରେ ପୂବ ବର୍ଷ ଭଳି ଶ୍ରୀ ମିଶ୍ର ଏବର୍ଷ ମଧ୍ୟ ସାମିଲ ହୋଇ ଗାଁର ପ୍ରାୟତଃ ଅଂଚଳ ବୁଲି

ଛୋଟରୁ ବଡ ସମସ୍ତଙ୍କୁ ପିଠା ବାଣ୍ଟି ଥିଲେ । ଅପରାହ୍ନରେ  ଶ୍ରୀ ମିଶ୍ରଙ୍କୁ ଲୋଇସିଂହା ଷ୍ଟାଡିଅମ ପାଖରେ ସ୍ଥାନୀୟ ଲୋକମାନେ ସ୍ୱାଗତ କରିବା ସହ ଗାଁର ଯୁବକମାନେ ପଞ୍ଚବାଦ୍ୟ ଦୁଲଦୁଲିର ତାଳେ ତାଳେ ବିଧାୟକ ଶ୍ରୀ ମିଶ୍ରଙ୍କ ସହ ଗାଁର ପ୍ରତ୍େୟକ ଘରକୁ ଯାଇ ପୁଷପୁନି ଜୁହାର ଜଣାଇଥିଲେ । ଆଜିର ଦିନ ଲୋଇସିଂହାରେ ଲୋଇସିଂହା ଉତ୍ସବ ପାଳନ କରାଯିବା ସହିତ ପୁଷପୁନି ଉପଲକ୍ଷେ କବାଡି, ଝୋଟି ତଥା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ କରାଯାଇଥାଏ । କିନ୍ତୁ ଏବର୍ଷ କରୋନା କଟକଣା ଯୋଗୁଁ ଏଠାରେ ହେଉଥିବା ସାଂସ୍କୃତିକ କାର୍ଯ୍ୟକ୍ରମ ସହିତ ଅନ୍ୟ ପାରମ୍ପାରିକ ପ୍ରତିଯୋଗିତା ଗୁଡିକୁ ସ୍ଥଗିତ କରାଯାଇଥିଲା ।