30-Dec-2021

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବିଧାୟକ ଡ. ମୁକେଶ ମହାଳିଙ୍ଗଙ୍କ ଦ୍ଵାରା ବିଭିନ୍ନ ସ୍ଥାନରେ ବିଭିନ୍ନ ପ୍ରକଳ୍ପମାନ ଉଦଘାଟିତ ହୋଇ ଯାଇଅଛି l ପ୍ରଥମେ କୁଶମେଲ ଗ୍ରାମର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ପରିଦର୍ଶନ କରି ଟୀକାକରଣ କାର୍ଯ୍ୟକ୍ରମ ଓ ଚିକିତ୍ସାଧିନ ରୋଗୀ ମାନଙ୍କୁ ଭେଟି ସେମାନଙ୍କର ଚିକିତ୍ସା ବିଷୟରେ ପଚାରି ବୁଝିଥିଲେ ଓ କର୍ମରତ ଡାକ୍ତର ଓ ନର୍ସଙ୍କୁ ଭେଟି ସେମାନଙ୍କର ସେବା ପାଇଁ ସାଧୁବାଦ ଓ କୃତଜ୍ଞତା ଜଣାଇଵା ସହ କୁଶମେଲ ଗ୍ରାମରେ ଥିବା ନୂତନ ଭାବେ ନିର୍ମିତ ମିଶନଶକ୍ତି ଗୃହର ଶୁଭ ଉଦଘାଟନ କରିଥିଲେ,

ତା ସଙ୍ଗେ ସଙ୍ଗେ କୁସମେଲ ହାଇସ୍କୁଲ ପରିଦର୍ଶନ କରି ଛାତ୍ରଛାତ୍ରୀ ମାନଙ୍କ ବସିବା ପାଇଁ ବିଧାୟକ ପାଣ୍ଠିରୁ ନିର୍ମିତ ବେଞ୍ଚ୍ ଓ ଡେସ୍କ ର ମଧ୍ୟ ଉଦଘାଟନ କରିଥିଲେ l ଏହାପରେ ତଳିଉଡ଼ାର ପଞ୍ଚାୟତ ଅନ୍ତର୍ଗତ ବୁରୋମୁଣ୍ଡା ଓ ଜଟିପାଲିର ଗୋଷ୍ଟିକେନ୍ଦ୍ରର ଶୁଭ ଉଦଘାଟନ କରିଥିଲେ l ବାଗଡିଆ ଠାରେ ଜନସମ୍ପର୍କ ପଦଯାତ୍ରାରେ ଲୋକ ମାନଙ୍କର ସୁଖଦୁଃଖ ପଚାରି ବୁଝିଥିଲେ ଏବଂ ସେଠାରେ ନୂତନ ଭାବେ ନିର୍ମିତ ମିଶନ ଶକ୍ତି

ଗୃହ ର ଶୁଭ ଉଦଘାଟନ କରିଥିଲେ l ସେଠୁ ବାହାରି ପହଞ୍ଚିଥିଲେ ସରଗାଡକୁ ସେଠାରେ ମଧ୍ୟ ମିଶନଶକ୍ତି ଗୃହର ଶୁଭ ଉଦଘାଟନ କରିବା ସହ ସରଗାଡ ଧାନ ମଣ୍ଡିକୁ ଯାଇ କିଭଳି କାର୍ଯ୍ୟ ଚାଲିଛି ତାହାର ତଦାରଖ କରିଥିଲେ l ଏହାପରେ ପହଞ୍ଚି ଯାଇଥିଲେ ଝାରମୁଣ୍ଡା ଠାରେ ସେଠାରେ ମିଶନଶକ୍ତି ଗୃହର ଶୁଭ ଉଦଘାଟନ କରିଥିଲେ l ବିଧାୟକଙ୍କ ସହ ଲେକୃ ତ୍ରିପାଠୀ, କିଶୋର ପଟେଲ, ଜମିଦାର ପାତ୍ର, ଟଙ୍କ ଗଡତିଆ, ରଘୁ ସାହୁ, ମଣ୍ଟୁ ସାହୁ, ନୀଳାଚଳ ପାତ୍ର, ରାଜୁ ସାହୁ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ l