29-Dec-2021

ରେଢାଖୋଲ,( ଅନିଲ କୁମାର ପୃଷ୍ଟି ) ଓଡିଶା ସରକାରଙ୍କ ଦକ୍ଷତା ବିକାଶ ପ୍ରାଧିକରଣ(ଓଏସଡିଏ) ତଥା ଜିଲ୍ଲା ପ୍ରଶାସନ ତରଫରୁ ତା୩୦.୧୨.୨୧ ଓ ୩୧.୧୨.୨୧ରିଖ ୨ ଦିନ ରେଢାଖୋଲ ସ୍ଥିତ ଭୀମ ଭୋଇ କଲେଜଠାରେ ଜିଲ୍ଲା ସ୍ତରୀୟ ନିଯୁକ୍ତି ମେଳାର ଆୟୋଜନ କରା ଯାଇ ଅଛି। ଏହି ନିଯୁକ୍ତି ମେଳାରେ ରାଜ୍ୟ ଓ ରାଜ୍ୟ ବାହାରୁ ବିଭିନ୍ନ ବେସରକାରୀ  ସଂସ୍ଥା ଯୋଗ ଦେବେ।କେତେକ ସଂସ୍ଥାରେ ସିଧା ସଳଖ ନିଯୁକ୍ତିର ବ୍ୟବସ୍ଥା ଥିବା ବେଳେ କେତେକ ସଂସ୍ଥା ସ୍ୱଳ୍ପ ତାଲିମ ପରେ ନିଯୁକ୍ତି ପ୍ରଦାନ ପାଇଁ ଅଙ୍ଗୀକାରବବ୍ଦ। ଏଥି ନିମନ୍ତେ ପ୍ରାର୍ଥୀଙ୍କର ଶିକ୍ଷା ଗତ ଯୋଗ୍ୟତା ୫ମ ଶ୍ରେଣୀ ପାସରୁ ସ୍ନାତକ/ଡିପ୍ଲୋମା/ଆର.ଟି.ଆଇ ପର୍ଯ୍ୟନ୍ତ ଓ ବୟସ ସୀମା ୧୮ରୁ ୩୫ବର୍ଷ ହେବା ଆବଶ୍ୟକ।
ସମ୍ବଲପୁର ଜିଲ୍ଲାର ଚାକିରୀ ଅନେଶ୍ବଣରେ ଥିବା ବେରୋଜଗାରୀ ଯୁବକ ଓ ଯୁବତୀମାନେ ନିଯୁକ୍ତି ମେଳାରେ ମିଳୁଥିବା ଦରଖାସ୍ତ ଫର୍ମ ଓ ନିଜର ଶିକ୍ଷା ଗତ ଯୋଗ୍ୟତାର ପ୍ରମାଣପତ୍ର, ଆଧାରକାର୍ଡର କପି ଓ ୨ ଟି ପାସପୋର୍ଟ ଫୋଟ ସହିତ ଉକ୍ତ ନିଯୁକ୍ତି ମେଳାରେ ଯୋଗ ଦେବାକୁ ଜିଲ୍ଲା ପ୍ରଶାସନ ତରଫରୁ ଅନୁରୋଧ କରାଯାଇଛି। ଏହି ପରିପ୍ରେକ୍ଷୀରେ ରେଢାଖୋଲ ଉପଜିଲ୍ଲାପାଳ ପବିତ୍ର ବେହେରା ଗଣମାଧ୍ୟମରେ ସୂଚନା ପ୍ରଦାନ କରିଛନ୍ତି।