29-Dec-2021

ରେଢାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର-କଟକ ୫୫ ନମ୍ବର ଜାତୀୟ ରାଜପଥ ଚାରମାଳ ଥାନା ଅନ୍ତର୍ଗତ ନୂଆପଡା ଛକ ନିକଟରେ ବୁଧବାର ପ୍ରାୟ ୫ଟା ବେଳେ କାର ସହ ଟ୍ରକ ମୁହାଁମୁହିଁ ଧକ୍କା ହେବାରୁ କାରରେ ଥିବା ୩ ଜଣ ଆହତ ହୋଇଛନ୍ତି। ଆହତ ମାନେ ହେଲେ ବିହାର ରାଜ୍ୟ ମଧୁବାଣୀ ଜିଲ୍ଲା ମୋରୋନା ଥାନା ଅନ୍ତର୍ଗତ ଭଲଭାଇ ଗ୍ରାମର ଅଶୋକ ଠାକୁର(୩୫), ଦେବେନ୍ଦ୍ର ଶର୍ମା(୪୮) ଓ ଶିବ ଶର୍ମା(୫୨)। ଆହତ ମାନେ ସମ୍ବଲପୁର ଓଡିଶୀ ମୋଟର୍ସ ରେ କାମ କରୁ ଅଛନ୍ତି। ବୁଧବାର ଦିନ ଏକ ନୂଆ ନମ୍ବର ବିହୀନ କାର ଧରି ଅନୁଗୋଳକୁ ଯାଉ ଥିବା ବେଳେ ବିପରୀତ ଦିଗରୁ ଆସୁଥିବା ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇ ଥିଲା। ଫଳରେ କାରରେ ଥିବା ୩ଜଣ ଆହତ ହୋଇ ଥିଲେ। ଆହତଙ୍କୁ  ଉଦ୍ଧାର କରି ଆମ୍ବୁଲାନ୍ସ ଯୋଗେ ରେଢାଖୋଲ ଉପଖଣ୍ଡ ଡାକ୍ତରଖାନାକୁ ଅଣା ଯାଇ ଚିକିତ୍ସା କରା ଯାଇଛି।