26-Dec-2021

ନର୍ଲା (ସଞ୍ଜୀବ ଦାସ) ନର୍ଲା ସରସ୍ଵତୀ ଶିଶୁ ମନ୍ଦିର ଛକଠାରେ ନର୍ଲା ବିକାଶ କାମରେ ନର୍ଲା ପ୍ରଶସ୍ତିକରଣର ଭୂମିପୂଜନ ହୋଇଯାଇଛି।  ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ ସୁଜିତ କୁମାର, ନର୍ଲା ବିଧାୟକ ଭୂପିନ୍ଦର ସିଂ, ପଶ୍ଚିମ ଓଡ଼ିଶା ବିକାଶ ପରିଷଦ ସଦସ୍ୟ ପୁଷ୍ପେନ୍ଦ୍ର ସିଂହଦେଓ ଓ ପୂର୍ତ୍ତି ବିଭାଗର ଅଜିତ କୁମାର ବାବୁଙ୍କ ଉପସ୍ଥିତିରେ  ଭୂମିପୂଜନ  ହୋଇଥିଲା। ଏହି ରାସ୍ତା ପ୍ରଶସ୍ତିକରଣ ଯୋଗୁଁ ନର୍ଲା ମୁଖ୍ୟ ରାସ୍ତାଟି ଦୁଇ ଥାକିଆ ଓ ଚାରି ଥାକିଆ ହୋଇ ଭିଡ଼ କମିବ। ନର୍ଲା ସହରାଞ୍ଚଳ ବିକାଶ କାମରେ ମୋଟ ୬ କୋଟି ୬୦ ଲକ୍ଷ ଟଙ୍କା ଖର୍ଚ୍ଚ ହେବ। ଏହି ଅବସରରେ  ନର୍ଲା ଅଞ୍ଚଳବାସୀ ମୁଖ୍ୟମନ୍ତ୍ରୀଙ୍କୁ ସାଧୁବାଦ ଜଣାଇଛନ୍ତି। ନର୍ଲା ଠାରେ ହେବାକୁ ଥିବା କଲ୍ୟାଣ ମଣ୍ଡପ,ରେଳୱ ଓଭର ବ୍ରିଜ,ରେଞ୍ଜ ଅଫିସ, ଜେଏମଏଫସି କୋର୍ଟ ସ୍ଥାପନ, ନର୍ଲା ରାଣୀବନ୍ଧର  ଉନ୍ନତି କରଣ, ମିନି ଷ୍ଟାଡିୟମ, ଛତିକୁଡା ଛକ ସୁନ୍ଦର୍ଯ୍ୟ କରଣ, ନର୍ଲା- ରୁପ୍ରା-ପଲମ ରାସ୍ତାର ସାନ୍ଦୁଲ ସେତୁ ନିର୍ମାଣ, ରେଳୱ।ଗନ ମରାମତି କାରଖାନା ଆଦି କାର୍ଯ୍ୟକୁ ନେଇ ନର୍ଲା ବିଧାୟକ ଭୂପିନ୍ଦର ସିଂ କହିଛନ୍ତି ଯେ ନର୍ଲା ଆଜି ବିକାଶର ନୂଆ ପରିଚୟ ନେଇ ଆଗକୁ ବଢୁଛି। ଏହି କାର୍ଯ୍ୟକ୍ରମରେ ନର୍ଲା ବ୍ଳକ ବିଜେଡ଼ି ସଭାପତି ପରେଶ ପଧାନ, ନର୍ଲା ସରପଂଚ ଚିରଞ୍ଜିବୀ ଗୈାଡିଆ, ରୁପ୍ରାରୋଡ ସରପଞ୍ଚ ଚିତ୍ତରଞ୍ଜନ ରଣା, ସର୍ଗିଗୁଡା ପୂର୍ବତନ ସରପଂଚ ହମେଶ ଜୈନ, କୁମୁଦ ନାଏକ, କିଶୋର ମାଝୀ, ଚକ୍ରଧର ଗଉଡ, ଟଙ୍କଧର ମେହେର, ସମେତ ଶତାଧିକ ବିଜେଡ଼ି କର୍ମୀ ଓ ଜନସାଧାରଣ ଉପସ୍ଥିତ ଥିଲେ। ସଭାରେ ମଞ୍ଚ ପରିଚାଳନା ହରିଶଙ୍କର ମାଝୀ ଓ ବାର୍ ଆସୋସିଏସନର ସଭାପତି ଚନ୍ଦ୍ର ଶେଖର ଚାନ୍ଦ ଧନ୍ୟବାଦ ଅର୍ପଣ କରିଥିଲେ।