26-Dec-2021

ସିନ୍ଧେକେଲା, ଭାରତୀୟ ଜନତା ପାର୍ଟି ସିନ୍ଧେକେଲା ମଣ୍ଡଳ ପକ୍ଷରୁ ଭାରତର ଜନନାୟକ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ତଥା ଶୁସାସନ ଦିବସ ସ୍ଥାନୀୟ ପାତାଳେଶ୍ବର ମହାଦେବ ମନ୍ଦିର ପ୍ରାଙ୍ଗଣରେ ପାଳିତ ହୋଇ ଯାଇଅଛି । ସିନ୍ଧେକେଲା ମଣ୍ଡଳ ସଭାପତି ମୁନିରାମ ନାଗଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମ ରେ କୃଷକ ମୋର୍ଚ୍ଚା ରାଜ୍ୟ ସାଧାରଣ ସମ୍ପାଦକ ଲକ୍ଷ୍ମଣ ବାଗ ମୁଖ୍ୟ ଅତିଥି ଭାବରେ ଯୋଗଦେଇ ସ୍ବର୍ଗତ ବାଜପେୟୀଙ୍କ ଛବିରେ ମାଲ୍ୟାର୍ପଣ କରି ଦୀପ ପ୍ରଜ୍ବଳନ କରିଥିଲେ । ସମ୍ମାନିତ ଅତିଥି ଭାବରେ ବିଜେପି ଜିଲ୍ଲା ସମ୍ପାଦକ ଅନିଲ ନାଏକ , ବରିଷ୍ଠ ବିଜେପି ନେତା ପ୍ରକାଶ ସିଂ ବାଦଳ , ମଣ୍ଡଳ ସାଧାରଣ ସମ୍ପାଦକ ଅଲେଖ ବାଗ , ଯୁବ ମୋର୍ଚ୍ଚା ସଭାପତି ନୌରାଜ ରଣା , ଉପ ସଭାପତି ହେମନ୍ତ

ସାହୁ , ଜିଲ୍ଲା ଯୁବ ମୋର୍ଚ୍ଚା କୋଷାଧ୍ୟକ୍ଷ ନିଲାଞ୍ଚଳ ଷଡ଼ଙ୍ଗୀ , ଜିଲ୍ଲା କାର୍ଯ୍ୟକାରିଣୀ ସଦସ୍ୟ କ୍ଷେତ୍ର ବେହେରା , ଓବିସି ମୋର୍ଚ୍ଚା ସଭାପତି ଭୋଳା ବେହେରା , ଲଳିତ ସାହୁ , ହରିଜନ ମୋର୍ଚ୍ଚା ସଭାପତି କିଶୋର ନାଗ ପ୍ରମୁଖ ଉପସ୍ଥିତ ରହି ବାଜପେୟୀଙ୍କ ଜୀବନି ସମ୍ପର୍କରେ ମତବ୍ୟକ୍ତ କରିଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଶଙ୍କର ବେହେରା , ନିରାକାର ରଣା , ଦାମ ସୁନା , ମୋତି ତ୍ରିପାଠୀ , ବେଣୁଧର ମଲିକ ପ୍ରମୁଖ ସହଯୋଗ କରିଥିଲେ ।