25-Dec-2021

ସୁବର୍ଣ୍ଣପୁର // ସୁବର୍ଣ୍ଣପୁରର ବରିଷ୍ଠ ସାମ୍ବାଦିକ ତଥା  ଓଡିଶା ସାମ୍ବାଦିକ ସଂଘ ଦ୍ୱାରା ଆଜୀବନ ପେନସନ ପାଉଥିବା ବିନୟ ରଞ୍ଜନ ପ୍ରଧାନ ଗତ ଗୁରୁବାର ସନ୍ଧ୍ୟାରେ ହଠାତ ଅସୁସ୍ଥତା ଯୋଗୁଁ ସୁବର୍ଣ୍ଣପୁର ଜିଲ୍ଲା ସଦର ହସ୍ପିଟାଲରେ ଭର୍ତ୍ତି ହୋଇଥିଲେ l କାଡିଓଲୋଜି ସମସ୍ୟା ଯୋଗୁଁ ସେ ଗୁରୁତର ଅସୁସ୍ଥ ହୋଇ ଚିକିତ୍ସାଧୀନ ଥିବାବେଳେ ତାଙ୍କର  ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ବିଳମ୍ବିତ ରାତିରେ ତାଙ୍କୁ ବୁର୍ଲା ଭୀମସାର କୁ ରେଫର କରାଯାଇଥିଲା l ସାମ୍ବାଦିକ ଶ୍ରୀ ପ୍ରଧାନଙ୍କ ସ୍ତ୍ରୀ କିଛି ବର୍ଷ ଆଗରୁ ମୃତ୍ୟୁବରଣ କରିଥିବା ବେଳେ ଏବେ କେବଳ ନିଜ ବିଧବା ଝିଅ ଓ ନାତୁଣୀ ଅଛନ୍ତି l ଓଡିଶା ସାମ୍ବାଦିକ ସଂଘ ( ଓଜେୟୁ )  ରାଜ୍ୟ ସମ୍ପାଦକ ରାଜ କିଶୋର ତ୍ରିପାଠୀ, ସୁବର୍ଣ୍ଣପୁର ଜିଲ୍ଲା ଶାଖାର ସଭାପତି ମନୋରଞ୍ଜନ ତ୍ରିପାଠୀ ଓ ସମ୍ପାଦକ ମହାଦେବ ମଲ୍ଲିକ ଓ ଡାକ୍ତରୀ ଦଳଙ୍କ ସହଯୋୋଗ ରେ ଗୁରୁବାର ବିଳମ୍ବିତ ରାତିରେ ବୁର୍ଲାକୁ ପଠାଇବାର ବ୍ୟବସ୍ଥା କରାଯାଇଥିବା ବେଳେ ତାଙ୍କ ଆଶୁ ଚିକିତ୍ସା ଓ ସମସ୍ତ ସହଯୋଗ ପାଇଁ ରାଜ୍ୟ ସଂଘ ର ସାଙ୍ଗଠନିକ ସମ୍ପାଦକ ସୁଶାନ୍ତ ମହାପାତ୍ରଙ୍କ ସମେତ ସମ୍ବଲପୁର ଓଜେୟୁ ଶାଖା ସମ୍ପାଦକ ଓ କର୍ମକର୍ତ୍ତା ପ୍ରତିଦିନ ଭୀମସାର ନିର୍ଦ୍ଧେଶକଙ୍କ ସହିତ ଯୋଗାଯୋଗ ରଖିଛନ୍ତି l  ଶ୍ରୀ ପ୍ରଧନଙ୍କ ହୃଦଜନିତ ସମସ୍ୟା ଥିବା ହେତୁ ତାଙ୍କୁ ଆଜି  ଭୀମସାର  ନିର୍ଦେଶକ ଡକ୍ଟର ସୁନୀଲ ଶର୍ମା ଙ୍କ ଉପସ୍ଥିତିରେ ମେଡ଼ିସିନ ବିଭାଗରୁ କାଡିଓଲୋଜି  ବିଭାଗର ୧୬ ନମ୍ବର ବେଡ଼କୁ ସ୍ଥାନାନ୍ତରିତ କରାଯାଇ  ଶ୍ରୀ ପଧାନଙ୍କ ସ୍ୱାସ୍ଥ୍ୟlବସ୍ଥା ଉପରେ ବୁର୍ଲା ଡାକ୍ତରୀ ଦଳ ତୀକ୍ଷ୍ଣ ନଜର ରଖିଥିବା  ଏବଂ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ବିଷୟ ବୁର୍ଲା ମେଡିକାଲରୁ ସମ୍ବଲପୁର ଶାଖା  ସମ୍ପାଦକ ସରୋଜ ସାହୁଙ୍କ ଠାରୁ ପ୍ରକାଶ କରିଛନ୍ତି । ଶ୍ରୀ ପଧାନଙ୍କ 

ଆଶୁ ଆରୋଗ୍ୟ କାମନା କରି ଓଡିଶା ସାମ୍ବାଦିକ ସଂଘର ସମସ୍ତ ସଦସ୍ୟ ନିଜ ନିଜ ଜ଼ିଲ୍ଲାରୁ ଶୁଭକାମନା  ଜଣାଇ ସବୁ ଠାରେ ପୂଜା ଅର୍ଚନା ମଧ୍ୟ କରୁଥିବା ଜଣା ଯାଇଛି l  ଭୀମସାର ନିର୍ଦ୍ଧେଶକଙ୍କ ପରିଦର୍ଶନ,  ସଂଘର  ସାହାଯ୍ୟ, ଶୁଭେଚ୍ଛା ଓ ଏକତା ପାଈଁ ଶ୍ରୀ ପଧାନଙ୍କ ଉତ୍ସାହ ଦ୍ବିଗୁଣିତ ହୋଇଥିବା ଦେଖିବାକୁ ମିଳିଛି l ପ୍ରକାଶ ଥାଉ କି ଯେ ୨୦୧୧ ଓ ୨୦୧୯ ରେ ମଧ୍ୟ ଶ୍ରୀ ପଧାନଙ୍କ ହୃଦଘାତ ସମସ୍ୟା ଓ  ଚିକିତ୍ସା ବେଳେ ବୁର୍ଲା ମେଡିକାଲ ଊଚ୍ଚ କର୍ତୃପକ୍ଷ ଓ ଡା. ଶ୍ରୀ ଶର୍ମା ସମସ୍ତ ସହାୟତା ପ୍ରଦାନ କରିଥିବା ବିଷୟ ସୁବର୍ଣ୍ଣପୁର ଶାଖା ପକ୍ଷରୁ ପ୍ରକାଶ ପାଇଛି l ଏବଂ  ଦୁସ୍ଥ ସାମ୍ବାଦିକ  ଓ  ସମସ୍ତ  ସାମ୍ବାଦିକ ଙ୍କୁ ଉତ୍ତମ ଚିକିତ୍ସା ଓ ସହାୟତା ଯୋଗୁଁ  ଓଡ଼ିଶା ସାମ୍ବାଦିକ ସଂଘ ର ରାଜ୍ୟ ନୂତନ ସଭାପତି ଶ୍ରୀ ଶଶୀ ଭୂଷଣ
 ପ୍ରହରାଜ, ସୁବର୍ଣ୍ଣପୁର,  ସମ୍ବଲପୁର ଶାଖା ସମେତ  ରାଜ୍ୟ ସଂଘ ପକ୍ଷରୁରୁ  ଭୀମସାର  ନିର୍ଦେଶକ ଓ ଡା, ଶ୍ରୀ ଶର୍ମା ଙ୍କୁ କୃତଜ୍ଞତା ଜଣାଯାଇଛି l