10-Dec-2021

ବଲାଙ୍ଗୀର (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ଶୁଣ୍ଢିମୁଣ୍ଡା ଗାଁ ର ସରକାରୀ ପ୍ରାଥମିକ ସ୍କୁଲ ଭିତରୁ ଏକ ଅଜଣା ଗଳିତ ଶବ ଠାବ କରାଯାଇଛି ।ଶବରୁ ଦୁର୍ଗନ୍ଧ ହେଉଥିବାରୁ ଦୁଇ ତିନି ଦିନ ତଳର ଘଟଣା ବୋଲି ପୁଲିସ ସନ୍ଦେହ କରିଛି। ମୃତ୍ୟୁ ର କାରଣ ସ୍ପଷ୍ଟ ଜଣାପଡିନଥିବା ବେଳେ ହତ୍ୟା ସନ୍ଦେହ କରାଯାଉଛି  l ଘଟଣା ସ୍ଥଳକୁ ଟିଟିଲାଗଡ଼ ଏସ ଡି ପି ଓ  ସୁରେନ୍ଦ୍ର ଶତପଥୀ ଙ୍କ ନେତୃତ୍ୱରେ  ସିନ୍ଧେକେଲା ପୋଲିସ ଦଳ,ସାଇଣ୍ଟିଫିକ ଟିମ   ପହଞ୍ଚି ତଦନ୍ତ ଆରମ୍ଭ କରୁଥିବା ବେଳେ ମାଜିଷ୍ଟ୍ରେଟ ଭାବେ ଟିଟିଲାଗଡ଼ ତହସିଲଦାର କର୍ଣ୍ଣ ମଲ୍ଲିକ ଦାୟିତ୍ଵ ତୁଲାଇଛନ୍ତି  l ସ୍କୁଲ କୋଠରୀ ମଧ୍ୟରେ ଗଳିତ ଶବ ଜଣେ ଝିଅ ବୋଲି ଜଣାପଡୁଥିବା ବେଳେ କିଏ ଓ ସ୍କୁଲ ଭିତର କୁ କେମିତି ଆସିଲା ତାହା ଏବେ  ପ୍ରଶ୍ନବାଚୀ ସୃଷ୍ଟି କରୁଛି ? ଅନେକ ଦିନ ର ହୋଇଥିବାରୁ ଶବ ଫୁଲି  ଯାଇ ଥିବା ଦେଖିବାକୁ ମିଳିଛି lଏନେଇ ପ୍ରଧାନ ଶିକ୍ଷୟିତ୍ରୀ ଓ ସହକାରୀ ଶିକ୍ଷକଙ୍କ କହିବା କଥା ହେଲା ଶବ ଥିବା ସ୍କୁଲ ଗୃହ ଅନେକ ଦିନରୁ ପରିତ୍ୟକ୍ତ ଅବସ୍ଥାରେ ପଡି ରହିଥିବାରୁ ସେମାନେ ସେପଟେ ଯାଆନ୍ତି ନାହିଁ। ଘଟଣା ସମ୍ପର୍କରେ ପୋଲିସ ତରଫରୁ ବର୍ତ୍ତମାନ ପର୍ଯ୍ୟନ୍ତ କୌଣସି କୌଣସି ପ୍ରତିକ୍ରିୟା ନିଆଯାଇ ନାହିଁ ।