10-Dec-2021

ସୋନପୁର(ମନୋରଞ୍ଜନ ତ୍ରିପାଠୀ)- ସୋନପୁର ଟାଉନ୍ ମଝିପଡା ର ୧୩ ବର୍ଷ ବୟସର ଝିଅ "ଦିବ୍ୟାଶା ପ୍ରୀୟଦର୍ଶିନୀ ଚୋପଦାର" ଜାତୀୟ ସ୍ତରରେ ନିଜ ସୁଟିଂ ର କମାଲ ଦେଖାଇଛନ୍ତି। ସୁଚନାଯୋଗ୍ୟ ଯେ, ନୂଆଦିଲ୍ଲୀ ସ୍ଥିତ ଡାଃ. କରନୀ ସିଂ ଶୁଟିଂ ରେଞ୍ଜ ରେ ୧୮ ନଭେମ୍ବର ରୁ ୬ ଡିସେମ୍ବର ୨୦୨୧ ପର୍ଯ୍ୟନ୍ତ ଜାତୀୟ ସ୍ତରୀୟ ପିସ୍ତଲ ଶୁଟିଂ ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗୀତା ରେ ଓଡିଶା ରାଜ୍ୟ ର ପ୍ରତିନିଧିତ୍ବ କରି ୧୦ ମିଟର ଏୟାର ପିସ୍ତୋଲ (ସବ୍ ୟୁଥ) ରେ ୫୨୮ ଅଙ୍କ ହାସଲ କରି  ଜାତୀୟ ସ୍ତରୀୟ ରିନାଉନ୍ ଶୁଟର 

ଯୋଗ୍ୟତା ହାସଲ କରିଛନ୍ତି। ପ୍ରକାଶଯୋଗ୍ୟ ଯେ ରିନାଉନ୍ ଶୁଟର ପାଇଁ ୫୦୩ ଅଙ୍କ ଯୋଗ୍ୟତା ମାପକାଠୀ ଥିବାବେଳେ "ଦିବ୍ୟାଶା" ୫୨୮ ଅଙ୍କ ହାସଲ କରି ଟ୍ରାଏଲ ସ୍କୋର୍ କରିଛନ୍ତି। ଫଳରେ ଖୁବ୍ କମ ଦିନ ରେ "ଦିବ୍ୟାଶା" ଭାରତୀୟ ଦଳରେ ଯୋଗ ଦେବାର ଆଶା ଉଜ୍ଜ୍ବଳ ହୋଇଛି।ଦିବ୍ୟାଶା ରିନାଉନ୍ ଶୁଟର ଯୋଗ୍ୟତା ହାସଲ ପରେ, ଖେଳିବାପାଇଁ ବିଦେଶରୁ ବନ୍ଧୁକ/ପିସ୍ତଲ ଆମଦାନୀ ରେ GST ଛାଡ ପାଇବେ। ଏବଂ ସିଧାସଳଖ ୨ ବର୍ଷ ପର୍ଯ୍ୟନ୍ତ ଜାତୀୟ ପ୍ରତିଯୋଗୀତା ରେ ଅଂଶଗ୍ରହଣ କରି ପାରିବେ। ଦିବ୍ୟାଶା ଙ୍କ କହିବା କଥାଯେ ଓଡିଶା ରାଇଫଲ୍ ଆସୋସିଏସନ୍ ର ସହଯୋଗ ଫଳରେ ଏହା ସମ୍ଭବ ହୋଇପାରିଛି। ମୋତେ ଆହୁରି ପରିଶ୍ରମ କରିବାକୁ ପଡିବ। କାରଣ ଜାତୀୟ ପ୍ରତିଯୋଗୀତାରେ ମୁଁ ମୋର ସିନିୟର କାଟାଗୋରୀ ରେ ଅଂଶଗ୍ରହଣ ପାଇଁ ଲକ୍ଷ୍ୟ ରଖିଛି। ଏବେ ସବ୍ ୟୁଥ କାଟାଗୋରୀ ରେ ଖେଳୁଛି ଦୁଇ ବର୍ଷପରେ ୟୁଥ କାଟାଗୋରୀ ରେ ଖେଳିବି ତାପରେ ଜୁନିୟର ଏବଂ ୨୧ ବର୍ଷ ବୟସ ପରେ ସିନିୟର କାଟାଗୋରୀ ରେ ଖେଳିବାକୁ ହେବ। ତେଣୁ ଏହାକୁ ଚ୍ୟାଲେଞ୍ଜ ଭାବରେ ଗ୍ରହଣ କରି ଆସନ୍ତା ଜାତୀୟ ପ୍ରତିଯୋଗୀତାରେ ମୁଁ ସମସ୍ତ

କାଟାଗୋରୀ ରେ ଅଂଶଗ୍ରହଣ କରିବାର ଲକ୍ଷ୍ୟ ରଖିଛି। ତା'ପରେ ଏହା ଏକ ବ୍ୟୟବହୁଳ ଖେଳ ହୋଇଥିବା ଯୋଗୁଁ ବହୁ ଅସୁବିଧାର ସମ୍ମୁଖିନ ହେବାକୁ ପଡୁଛି। ବର୍ତ୍ତମାନ ପର୍ଯ୍ୟନ୍ତ କୌଣସି ସରକାରୀ ସାହାଯ୍ୟ ମିଳି ନାହିଁ। ଏଣୁ ସ୍ପୋନସରଶିପ୍ ପାଇଁ ସରକାରୀ/ବେସରକାରୀ ସଂସ୍ଥାକୁ ଅନୁରୋଧ ।ଦିବ୍ୟାଶା ହେଉଛନ୍ତି ସୋନପୁର ମଝିପଡା ନିବାସୀ ଶୁଷୁଶ୍ରୀ ଚୋପଦାର ଏବଂ ଦିଲୀପ ଚୋପଦାର ଙ୍କ ସୁପୁତ୍ରୀ। ତାଙ୍କର ଏହି ସଫଳତାରେ  ଅଞ୍ଚଳ ବାସୀ ଙ୍କ ମଧ୍ୟରେ ଆନନ୍ଦର ଲହରୀ ଖେଳି ଯାଇଛି ଏବଂ ବିଭିନ୍ନ ବର୍ଗର ଲୋକେ ଶୁଭେଚ୍ଛା ଜଣାଇଛନ୍ତି।