-+91-9937148622 |
prerana_bgr@rediffmail.com |
Thursday 30th April 2026 |
R.N.I. Regd No. ODIODI/2010/46693
Breaking News
03-Dec-2021
ଭୁବନେଶ୍ବର : ବାତ୍ୟା ଜଓ୍ବାଦ୍ ଆସନ୍ତା ୫ ତାରିଖ ମଧ୍ୟାହ୍ନରେ ପୁରୀ ଉପକୂଳରେ ପହଞ୍ଚିବ, କିନ୍ତ ସ୍ଥଳଭାଗ ଛୁଇଁବ କି ନା ତାହା ଏପର୍ୟ୍ୟନ୍ତ ଜଣାପଡ଼ିନାହିଁ ବୋଲି ରାଜ୍ୟ ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା କହିଛନ୍ତି ।
ସେ କହିଛନ୍ତି ଯେ ଜିରୋ କାଜୁଆଲିଟି ମିଶନକୁ ସଫଳ କରିବାକୁ ସମସ୍ତଙ୍କୁ ନିର୍ଦେଶ ଦିଆଯାଇଛି । ବାତ୍ୟା ପ୍ରଭାବିତ ଜିଲା ଗୁଡ଼ିକରେ ସରକାରୀ ଚାକିରିଆଙ୍କ ଛୁଟି ବାତିଲ କରାଯାଇଛି । ଆନ୍ଧ୍ର ପ୍ରଦେଶର ବୋଟ / ମତ୍ସ୍ୟଜୀବୀ ଆନ୍ଧ୍ରପ୍ରଦେଶକୁ ନ ଫେରିପାରିବାରୁ ସମାନଙ୍କୁ ଗୋପାଳପୁର ରେ ଆଶ୍ରୟ ଦେବାକୁ କୁହାଯାଇଛି । ପାନୀୟ ଜଳ ବ୍ୟବସ୍ଥା ପାଇଁ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।
ସେ କହିଛନ୍ତି ଯେ, ୫ ତାରିଖ ମଧ୍ୟାହ୍ନରେ ପୁରୀ ନିକଟବର୍ତ୍ତୀ ହେବ ବାତ୍ୟା । ବାତ୍ୟା ଏବେ ଗୋପାଳପୁରରୁ ଦକ୍ଷିଣ ପୂର୍ବରେ ୪୭୦ କିମି ଏବଂ ପୁରୀରୁ ଦକ୍ଷିଣ ପଶ୍ଚିମ ଦିଗରେ ୫୩୦ କିମି, ପାରାଦ୍ୱୀପଠାରୁ ୬୦୦ରୁ କିମି ଦୂରରେ ରହିଛି । ଏହା କାଲି ସକାଳ ସୁଦ୍ଧା ଆନ୍ଧ୍ରପ୍ରଦେଶ ଓଡିଶା ଉପକୂଳରେ ପହଞ୍ଚିବା ସମ୍ଭାବନା ରହିଛି । ବର୍ଷାର ପରିମାଣ ଆସନ୍ତାକାଲିଠାରୁ ବଢିବ । ପବନର ବେଗ ୮୦ ରୁ ୯୦ ଏବଂ ଝଟକା ପବନ ୧୦୦ କିମି ରହିବ । ପୁରୀ,ଗଂଜାମ, ଜଗତସିଂହପୁର ,ଗଜପତି ରେ ଏହାର ପ୍ରଭାବ ଅଧିକ ରହିବ । ଘଣ୍ଟାପ୍ରତି ୨୨ କିମି ବେଗରେ ଗତି କରୁଛି । କଚାଘର ଏବଂ ବିଦ୍ୟୁତ ଖୁଣ୍ଟ ଭାଙ୍ଗିବାର ସମ୍ଭାବନା ରହିଛି । (ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ)