03-Dec-2021

ବରଗଡ:-ବରଗଡ ଚଳିତ ଖରିଫ ଋତୁରେ ବରଗଡଜିଲ୍ଲାରେ ପର୍ଯ୍ୟାଯକ୍ରମେ ଆରମ୍ଭ ହୋଇଥିବା ଧାନସଂଗ୍ରହ ପକ୍ରିୟାକୁ ତଦାରଖ କରିବା ଉଦ୍ଦେଶ୍ଯରେ ଆଜି ବରଗଡ଼ ଜିଲ୍ଲାପାଳ ମନିଷା ବାର୍ନାଜୀ ବରଗଡ ନିଯନ୍ତ୍ରଣ ବଜାର କମିଟି ଅଧୀନସ୍ଥ ବିଭିନ୍ନ ମଣ୍ଡି  ପରିଦର୍ଶନ କରିଥିଲେ।ପ୍ରଥମେ ଗୁଡେଶିରା ମଣ୍ଡି ପରିଦର୍ଶନ ବେଳେ କାଗଜପତ୍ର ଓ ଗୋଦାମ ଗୃହରେ ଗଚ୍ଛିତ ଧାନ ବ୍ୟବସ୍ଥିତ ଭାବେ ଥିବାରୁ ଜିଲ୍ଲାପାଳ ସନ୍ତୋଷ ବ୍ଯକ୍ତ କରିବା ସହ ଯଥାଶୀଘ୍ର ମଣ୍ଡିର ଧାନ ଉଠାଣ ପାଇ ମିଲର୍ସ ମାନଙ୍କୁ ପରାମର୍ଶ ଦେଇଥିଲେ ।ଦ୍ବିତୀୟ ମଣ୍ଡି ପରିଦର୍ଶନ କରି ଚାଷୀ ଙ୍କ ଦ୍ବାରା ବହୁ କଷ୍ଟରେ ଉପାର୍ଜିତ ଧାନ କିଭଳି ସୁରୁଖୁରୁ ବିକ୍ରି ହୋଇପାରିବ ଉପସ୍ଥିତ ପେକସ ଆର ଏମ ସି କର୍ମଚାରୀ ଙ୍କୁ ନିଜ ନିଜ ଦାୟିତ୍ବ ଓ କର୍ତ୍ତବ୍ଯ କୁ ସୁଚାରୁ ରୂପେ ସଂପାଦନ କରିବା ପାଇ ଗୁରୁତ୍ୱାରୋପ କରିଥିଲେ ।ସେଠାରେ ଉପସ୍ଥିତ ବିଭିନ୍ନ ଚାଷୀ ଓ ଦୈନିକ ବଜାର ବ୍ଯକ୍ତି ବିଶେଷଙ୍କ ସହ

ବଜାର ବ୍ଯବସ୍ଥା ଓ ଉପଲବ୍ଧ ସୁବିଧାସୁଯୋଗ ଉପରେ ଆଲୋଚନା କରିଥିଲେ ।ପରେ ବରପାଲି ମଣ୍ଡିକୁ ପରିଦର୍ଶନ କରି କାଗଜପତ୍ର ଓ ଶୃଙ୍ଖଳିତ ଏବଂ ବ୍ୟବସ୍ଥିତ ଭାବେ ଧାନ ଗଚ୍ଛିତ ଥିବାରୁ ସେଠାରେ ମଧ୍ଯ ସନ୍ତୋଷ ପ୍ରକାଶ କରି କର୍ମଚାରୀଙ୍କୁ ଉତ୍ସାହିତ କରିଥିଲେ।ଶେଷରେ ବରପାଲି ନିକଟସ୍ଥ ରେମତା କ୍ରୟ କେନ୍ଦ୍ରକୁ ମଧ୍ଯ ପରିଦର୍ଶନ କରିଥିଲେ । ମାଁ ବୀଣାପାଣି ମହିଳା ସ୍ବୟଂ ସହାୟିକା ଗୋଷ୍ଠି ଦ୍ବାରା ପରିଚାଳିତ ହେଉଥିବା ଏହି ଧାନ କ୍ରୟ କେନ୍ଦ୍ର ମାଧ୍ଯମରେ ସ୍ଥାନୀୟ ଚାଷୀ ଯେଭଳି ସୁବିଧା ରେ ସୁରୁଖୁରୁ ରେ ନିଜର ଧାନକୁ ବିକ୍ରି କରିପାରିବେ ସେ ଦିଗରେ ମହିଳା ସ୍ବୟଂ ସହାୟିକା ଗୋଷ୍ଠୀ ଗଭୀର ଆତ୍ମବିଶ୍ୱାସ ନିଷ୍ଠା ଓ ପରିଶ୍ରମ ସହ ପରିଚାଳିତ କରି ଅନ୍ଯମାନଙ୍କ ପାଇ ଆଦର୍ଶ ସୃଷ୍ଠି କରିବା ପାଇ ପରାମର୍ଶ ଦେଇଥିଲେ।