03-Dec-2021

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟ ଠାରେ ଅନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳିତ ହୋଇଯାଇଛି l ଗୋଷ୍ଠୀ ଶିକ୍ଷାଧିକାରୀ  ସୁଶ୍ରୀ ରୀନାକୁମାରୀ ବେହେରା ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ l ଉଦଘାଟନୀ ଉତ୍ସବରେ ଅତିରିକ୍ତ ଶିକ୍ଷାଧିକାରୀ ଶ୍ରୀଯୁକ୍ତ ବ୍ୟାସଦେବ ରାୟ, ଶ୍ରୀମତୀ ରିସୀମତୀ ତ୍ରିପାଠୀ, ଶ୍ରୀଯୁକ୍ତ ଟଙ୍କଧର ଭୋଇ, ମୁଖ୍ୟ କିରାଣୀ ବୈଷ୍ଣବ ଷଡ଼ଙ୍ଗୀ, ବରିଷ୍ଠ କିରାଣୀ ସୋମନାଥ ବିଶ୍ୱାଳ, ସିଆରସିସି ସୁଦାମ ପଧାନ, ଯାଦବ ନାଏକ, ଗୋବିନ୍ଦ ବେହେରା, ପବିତ୍ର ପଟେଲ, କେୟମ ଖାନ, ହେମନ୍ତ କୁମାର ନାଗ, ପର୍ଶୁରାମ ସୁନା, ବିଆରଟି ବିଶ୍ୱବନ୍ଦିତା ମହାପାତ୍ର, ସେବତୀ ପଧାନ ଉପସ୍ଥିତ ଥିଲେ l ଉକ୍ତ ଉତ୍ସବରେ ବକ୍ତlମାନେ କିପରି ଭାବେ ଦିବ୍ୟାଙ୍ଗ ପିଲାମାନଙ୍କ ଉନ୍ନତି ହୋଇପାରିବ ଓ ସେମାନେ କିପରି ଭାବେ ମୁଖ୍ୟ ସ୍ରୋତରେ ସାମିଲ ହୋଇ ନିଜ ନିଜର କାର୍ଯ୍ୟଦକ୍ଷତା ପ୍ରତିପାଦନ କରିପାରିବେ ବକ୍ତବ୍ୟ ପ୍ରଦାନ କରିଥିଲେ l ଏହି ଅବସରରେ ଦିବ୍ୟାଙ୍ଗ ପିଲାମାନଙ୍କ ମଧ୍ୟରେ କନିଷ୍ଠ ଓ ବରିଷ୍ଠ ବର୍ଗର ପ୍ରତଯୋଗିତା ଆୟୋଜନ କରାଯିବା ସହ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା l ପଣ୍ଡରାଣୀ କ୍ଲଷ୍ଟର ସିଆରସିସି  ପର୍ଶୁରାମ ସୁନା ମଞ୍ଚ ପରିଚାଳନା କରିଥିବା ବେଳେ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ  ଟଙ୍କଧର  ଭୋଇ ଧନ୍ୟବାଦ ଅର୍ପଣ କରିଥିଲେ l