01-Dec-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ଗତକାଲି ସୁବର୍ଣ୍ଣପୁର ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ  ବିନିକା ସହରର ବଷ୍ଟାଣ୍ଡ ଓ ବିଭିନ୍ନ ଅଂଚଳର ଦୋକାନ ମାନକଂରେ ତମାଖୁ ସିଗାରେଟ୍ ଓ ଗୁଟଖା ବିକ୍ରୟ ନିଷେଧ ପାଇଁ ଏକ ଏନ୍ଫୋର୍ସମେଣ୍ଟ ଟିମ  ଚଢାଉ କରି ୪୨୮୦ ଟଙ୍କା ଜୋରିମାନା ଆଦାୟ  କରାଯାଇଛି । ଏହି  କୋଟପା  ଏନ୍ଫୋର୍ସମେଣ୍ଟ ଟିମରେ ଖାଦ୍ଯ ନିରାପତ୍ତା ଅଧିକାରୀ ସସ୍ମିତା ନାଏକ, ଡ୍ରଗ୍ସ ଇନ୍ସପେକ୍ଟର  ଉମାଶଂକର ମେହେର, ରୋଗ ସର୍ବେକ୍ଷଣ ଅଧିକାରୀ ବିଷ୍ଣୁ ଚରଣ ମାଝୀ, ସ୍ୱାସ୍ଥ୍ୟ ପରିଦର୍ଶକ ପ୍ରମାେଦ କୁମାର ସାହୁ ଓ ଅବକାରୀ ସବ ଇନ୍ସପେକ୍ଟର କେଶବ ଧରୁଆ ଓ ତାଙ୍କ ଟିମ,  ପୋଲିସ ସବ ଇନ୍ସପେକଟର ପୁଷ୍ପଲତା ଲେଙ୍କା ଓ ତାଙ୍କ ପୋଲିସ ଟିମ, ପ୍ରମୁଖ ଏ ଅଭିଯାନ ରେ ସାମିଲ ଥିଲେ ।  ବିନିକା ଥାନା ଅଧିକାରୀ  ପି କେ ସାହୁ  ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ ସାହୁଙ୍କ  ତତ୍ୱାବଧାନରେ ଏହି ଏ ଅଭିଯାନ ଚାଲିଥିଲା l ସେହିପରି  ଗତ ସପ୍ତାହରେ ଡୁଙ୍ଗୁରିପାଲି ବ୍ଲକ ହେଡ଼ କ୍ଵାଟରରେ ମଧ୍ୟ  ଜ଼ିଲ୍ଲା ସ୍ୱାସ୍ଥ୍ୟ ପରିଦର୍ଶକ  ପ୍ରମୋଦ ସାହୁ ଓ ସଦର   ଥାନା ଅଧିକାରୀ  ଶ୍ରୀ ଭାନୁଶଙ୍କର  ୟାଦବଙ୍କ ପ୍ରତ୍ୟକ୍ଷ ତତ୍ୱାବଧାନରେ  ସହରର ୫୮ ଟି ଦୋକାନ ଉପରେ କୋଟପା ଏନ୍ଫୋର୍ସ ମେଣ୍ଟ  ଟିମ ଚଢ଼ାଉ କରି ୯୮୮୦ ଟଙ୍କା ଜରିମାନା କରାଯାଇଥିଲା l  ଏହାର ବ୍ୟବହାରକୁ ନିଷେଧ ପାଇଁ ଓ ଏହାର ବ୍ୟବହାର କଲେ କଣ କ୍ଷତି ହେଉଛି ତା ଉପରେ  ଜନସଚେତନତା କରାଯାଇଛି l