01-Dec-2021

ଭୁବନେଶ୍ୱର(ଶୁଭାଶିଷ ନାୟକ ): ପୁଲିସ ଅଧିକାରୀ କିମ୍ବା କର୍ମଚାରୀଙ୍କୁ ଘର ପାଇଁ ଆଉ ଚିନ୍ତା କରିବାକୁ ପଡ଼ିବନି । ପୂର୍ବରୁ ଉଭୟ ଗ୍ରାମାଂଚଳ ଏବଂ ସହରାଂଚଳରେ ସରକାରୀ ଘର ଅଭାବରୁ ଘର ଭଡ଼ା ପାଇଁ ନୟାନ୍ତ ହେଉଥିଲେ ପୁଲିସ ଅଧିକାରୀ ଓ କର୍ମଚାରୀ ମାନେ, କିନ୍ତୁ ସେ ଚିନ୍ତା ଏବେ ଦୂର କରିଛନ୍ତି ରାଜ୍ୟ ସରକାର । ଏବେ ନିଜ ଥାନା ଅଞ୍ଚଳରେ ଘର ଯୋଗାଇ ଦିଆଯିବ। ମଙ୍ଗଳବାର ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନ୍‌ଫରେନ୍ସିଂ ଜରିଆରେ ୫୦୪ ପୁଲିସ କ୍ବାର୍ଟର୍‌ର ଭିତ୍ତିପ୍ରସ୍ଥର ସ୍ଥାପନ କରି ଏଭଳି ବାର୍ତ୍ତା ଦେଇଛନ୍ତି। ସେ କହିଛନ୍ତି ଯେ, ପ୍ରଥମ ପର୍ଯ୍ୟାୟରେ ଭୁବନେଶ୍ବରରେ ପୁଲିସ ଅଧିକାରୀଙ୍କୁ କ୍ବାର୍ଟର୍ସ ଯୋଗାଇ ଦିଆଯିବ । ଯେଉଁଥିରେ ମୋଟ୍‌ ପ୍ରକଳ୍ପର ଏକ-ତୃତୀୟାଂଶ କନଷ୍ଟେବଳ ଏବଂ ହେଡ୍‌-କନଷ୍ଟେବଳଙ୍କୁ ଦିଆଯିବ ।