29-Nov-2021

ବଲାଙ୍ଗିର (ପ୍ରେରଣା ଖବର) ସ୍ବର୍ଗତ ସତ୍ଯନାରାୟଣ ବେହେରା ଅର୍ଧଶତାବ୍ଦି ରୁ ଉର୍ଦ୍ଧ୍ବ ଧରି ସାମ୍ବାଦିକ ଭାବରେ ସାରା ରାଜ୍ୟରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟିକରି ପାରିଥିଲେ । ଏହି ବର୍ଷିୟାନ ସାମ୍ବାଦିକ ଏକ ବିରଳ ବ୍ଯକ୍ତିତ୍ବ ତଥା ବହୁମୁଖୀ ପ୍ରତିଭାର ଅଧିକାରୀ ଥିଲେ ସେ ଏକା ଧାରରେ ଜଣେ ସାମ୍ବାଦିକ , ସ୍ତମ୍ବକାର ,  ଲେଖକ , ଗବେଷକ, ନାଟ୍ଯକାର ,  ଚଳଚ୍ଚିତ୍ର ଅଭିନେତା ଭାବରେ ନିଜକୁ ପ୍ରତିଷ୍ଠିତ କରି ପାରିଥିଲେ । ନିର୍ଭିକ , ସ୍ପଷ୍ଟବାଦୀ , ସ୍ୱାଧୀନଚେତା ସାମ୍ବାଦିକ ଭାବରେ ସାରା ରାଜ୍ୟରେ ସୁନାମ ଅର୍ଜନ କରିଥିଲେ । ସ୍ବର୍ଗତ ମହାରାଜ ରାଜେନ୍ଦ୍ର ନାରାୟଣ ସିଂହଦେଓ ଙ୍କ ସହିତ ତାଙ୍କର ବ୍ଯକ୍ତିଗତ ଭାବରେ ଘନିଷ୍ଠ ତଥା ମଧୁର ସମ୍ପର୍କ ଥିଲା । ସ୍ବର୍ଗତ ବେହେରା ମୋର ଜଣେ ଶୁଭାକାଂକ୍ଷୀ ତଥା ଶୁଭଚିନ୍ତକ ଥିଲେ । ସେ ସଦାସର୍ବଦା ପାଟଣା ଇତିହାସ ର ଗବେଷକ ଭାବରେ ନୂଆଁ ନୁଆଁ ତଥ୍ଯ ଲୋକଲୋଚନ କୁ ଆଣିବାରେ ଅନବରତ ଚେଷ୍ଟିତ ଥିଲେ । ତାଙ୍କର ମୃତ୍ଯୁ ଖବର ପାଇ ମୁଁ ଗଭୀର ଭାବରେ ମର୍ମାହତ। ତାଙ୍କର ଅମର ଆତ୍ମାର ସଦଗତି ନିମନ୍ତେ ମୁଁ ଇଶ୍ବରଙ୍କ ପାଖରେ ପ୍ରାର୍ଥନା କରି ଦିବଙ୍ଗତ ସ୍ବର୍ଗତ ବେହେରା ଙ୍କ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ସହିତ ତାଙ୍କ ପ୍ରତି ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରୁଛି ।