29-Nov-2021

ବଲାଙ୍ଗିର (ପ୍ରେରଣା ଖବର): ସାମ୍ବାଦିକ ଜଗତର ଗୋଟିଏ ଯୁଗର ଅବସାନ ଘଟିଲା l ଚାଲିଗଲେ ଜଣେ ଦରଦୀ, ସଚ୍ଚୋଟ, ନିର୍ଭୀକ ତଥା ଜଣେ ସ୍ନେହୀ ମଣିଷ ସତ୍ୟ ବାବା ା ସାମ୍ବାଦିକତା ଜଗତର ଭୀଷ୍ମ ପିତାମହ ସତ୍ୟନାରାୟଣ ବେହେରା ଙ୍କ ଆଜି ଦିନ ୨  ଟା ମିନିଟ୍ ସମୟରେ ନିଜ କଂସାରି ପଡା ସ୍ଥିତ ବାସଭବନରେ ୮୪ ବର୍ଷ ବୟସରେ ପରଲୋକ ହୋଇଯାଇଛି l ବାର୍ଦ୍ଧକ୍ୟ ଜନିତ ଅସୁସ୍ଥତା ଯୋଗୁଁ ପ୍ରଥମେ ସେ ଭୁବନେଶ୍ବର ର ଏକ ଘରୋଇ ହସ୍ପିଟାଲରେ ଚିକିତ୍ସା ହେଉଥିବା ବେଳେ ମୃତ୍ୟୁ ର କିଛି ଦିନ ପୂର୍ବରୁ ବଲାଙ୍ଗିର ଭୀମ ଭୋଇ ମେଡିକାଲରେ ଚିକିତ୍ସିତ ହେଉଥିଲେ l ତେବେ ଡାକ୍ତର ଙ୍କ ସମସ୍ତ ଚେଷ୍ଟା ସତ୍ତ୍ୱେ ତାଙ୍କ ଆଜି ପ୍ରାଣବାୟୁ ଉଡିଯାଇଥିଲା l ମୃତ୍ଯ ଖବର ପ୍ରଚାରିତ ହେବା ପରେ ସାରା ଜିଲ୍ଲାରେ ଶୋକର ଛାୟା ଖେଳିଯାଇଛି ଲ ସତ୍ୟ ଦାଦା ଙ୍କୁ ଝୁରି ହେଉଛି ବଲାଙ୍ଗିର lଶ୍ରୀ ବେହେରାଙ୍କ ୪ ଟି ପୁଅ ଓ ୩ ଟି ଝିଅ ରହିଛନ୍ତି l କିଛି ବର୍ଷ ପୂର୍ବରୁ ଶ୍ରୀ ବେହେରାଙ୍କ ସ୍ତ୍ରୀ ଙ୍କ ପରଲୋକ ହୋଇଥିଲା l ଦୈନିକ ପ୍ରଜାତନ୍ତ୍ର ଖବରକାଗଜରୁ ନିଜର ସାମ୍ବାଦିକତା ବୃତ୍ତି ଆରମ୍ଭ କରିଥିବା ଶ୍ରୀ ବେହେରା ମୃତ୍ୟୁ ପର୍ଯ୍ୟନ୍ତ ସାମ୍ବାଦିକତା ବୃତ୍ତିରେ ସକ୍ରିୟ ଥିଲେ l ଦୈନିକ ପ୍ରତିଦିନ ଖବରକାଗଜର ବଲାଙ୍ଗିର ଜିଲା ପ୍ରତିନିଧି ଭବରେ ସେ ମୃତ୍ୟୁ ପର୍ଯ୍ୟନ୍ତ କାମ କରି ଆସୁଥିଲେ l ଜଣେ ନିଷ୍ଠାବାନ ସାମ୍ବାଦିକତା ଭlବରେ ଶ୍ରୀ ବେହେରାଙ୍କ ସାରା ଓଡିଶାରେ ସୁନାମ ରହିଥିଲା l ବଲାଙ୍ଗିର ଜିଲ୍ଲା ସାମ୍ବାଦିକ ସଂଘ ର ପ୍ରତିଷ୍ଠାତା ସଭାପତି ଭବରେ ଶ୍ରୀ ବେହେରା ସାମ୍ବାଦିକ ମାନଙ୍କ ନେତୃତ୍ୱ ନେଇ ସେମାନଙ୍କ ଅଧିକାର ପାଇଁ ସବୁବେଳେ ଲଢେଇ କରି ଆସୁଥିଲେ l ଜଣେ ଲେଖକ ଓ ମଞ୍ଚ  ଅଭିନେତା ଭବରେ ଶ୍ରୀ ବେହେରାଙ୍କ ଏକ ସ୍ଵତନ୍ତ୍ର ପରିଚୟ ଥିଲା l ଶ୍ରୀ ବେହେରାଙ୍କ ବିୟୋଗରେ ଜିଲ୍ଲା ସାମ୍ବାଦିକ ସଂଘ ଓ ବଲାଙ୍ଗିର ପ୍ରେସ କ୍ଲବ ପକ୍ଷରୁ ଗଭୀର ଶୋକ ପ୍ରକାଶ ପାଇଛି l

ବରିଷ୍ଠ ସାମ୍ବାଦିକ ସତ୍ୟ ଦାଦା ଙ୍କ ବିୟୋଗରେ ପ୍ରେରଣା ପରିବାର ପକ୍ଷରୁ ଗଭୀର ଶୋକ ପ୍ରକାଶ କରିବା ସହିତ ଅମର ଆତ୍ମାର ସଦ୍ ଗତି ପାଇଁ ଭଗବାନଙ୍କ ଠାରେ ପ୍ରାର୍ଥନା କରୁଛି l