20-Nov-2021

ନୟାଗଡ଼, (ପ୍ରଦୀପ କୁମାର ପଣ୍ଡା) ରନ୍ଧନ ଗ୍ୟାସ ଦର ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଅଛେ ଦିନର କଥା କହୁଥିବା କେନ୍ଦ୍ର ସରକାର ମନମୁଖି ଭାବେ ରନ୍ଧନ ଗ୍ୟାସ ଦରବୃଦ୍ଧି କରୁଛନ୍ତି । ଯାହାଦ୍ୱାରାକି ସାଧାରଣ ପରିବାରରେ ଅଶାନ୍ତି ସୃଷ୍ଟି ହୋଇଛି । "ଦାଢିଆ କଲେ ଯୋଜନା ଉଜାଲା, ସ୍ୱାମୀ ସ୍ତ୍ରୀ ରେ ଏବେ ନିଈତି ପାଲା " ଏଭଳି ରୂଢି ଏବେ ଗ୍ରାମାଞ୍ଚଳ ରେ ଶୁଣିବାକୁ ମିଳୁଛି |  ଏହାର ପ୍ରତିବାଦରେ ନୟାଗଡ଼ ନିର୍ବାଚନ ମଣ୍ଡଳୀର ପ୍ରତ୍ୟେକ ବ୍ଲକ ଓ ଏନଏସି ଓ ପୌର କାର୍ଯ୍ୟାଳୟ ନିକଟରେ ପ୍ରତିବାଦ କରାଯିବ । ଆଜି ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ଶସକ୍ତି କରଣ, ମତ୍ସ୍ୟ, ପ୍ରାଣୀ ସମ୍ପଦ ଓ ଉଚ୍ଚ ଶିକ୍ଷା ମନ୍ତ୍ରୀ ଡ଼ଃ. ଅରୁଣ କୁମାର ସାହୁ ଭର୍ଚ୍ଚୁଆଲ ମାଧ୍ୟମରେ ପ୍ରମୁଖ କର୍ମକର୍ତ୍ତାଙ୍କୁ ସୁଚନା ଦେଇଛନ୍ତି । ଛାତ୍ର ବିଜେଡି, ଯୁବ ବିଜେଡି, ବିଜୁ ମହିଳା କର୍ମୀମାନେ ଏହି ଆନ୍ଦୋଳନରେ ସାମିଲ ହେବେ । କେନ୍ଦ୍ର ସରକାର ନିର୍ବାଚନ ଆସିଲେ ଦରଦାମ କମେଇ ଦିଅନ୍ତି । ପୁଣି ପରମୁହୁର୍ତ୍ତରେ ଦରଦାମ ବୃଦ୍ଧି କରନ୍ତି ବୋଲି ସମାଲୋଚିତ ର ଶିକାର ହେଉଛନ୍ତି କେନ୍ଦ୍ର ସରକାର । ଗ୍ୟାସ ଦର ବୃଦ୍ଧି ପ୍ରତିବାଦରେ ବିଜେଡି ପକ୍ଷରୁ ଯୋରଦାର ପ୍ରତିବାଦ କରାଯିବ ବୋଲି ଜଣା ପଡ଼ିଛି । ଏହି ଭର୍ଚୁଆଲ ମାଧ୍ୟମରେ ୫୦୦ ରୁ ଉର୍ଦ୍ଧ କର୍ମକର୍ତ୍ତା ସାମିଲ ହୋଇଥିଲେ ।