20-Nov-2021

 ବିନିକା(ହିମାଂଶୁ ଶେଖର ପୁଟେଲ) କେନ୍ଦ୍ରର ମୋଦି ସରକାର ଚାଷୀଙ୍କ ପାଇଁ ଲାଗୁ ଜରିଥିବl ତିନି କୃଷି କଳା ଆଇନକୁ ଆଜି ପ୍ରତ୍ୟାହାର କରିବା ପରେ ଚାଷୀଙ୍କ ଐତିହାସିକ ବିଜୟ ଘଟିଛି । ସୂଚନାଯୋଗ୍ୟ ଯେ, କେନ୍ଦ୍ର ଲାଗୁ କରିଥିବା ଏହି ଆଇନକୁ ପ୍ରତ୍ୟାହାର ପାଇଁ ୧୧ ମାସ ଧରି ଆନ୍ଦୋଳନ ଚାଲିବା ଓ ୭୦୦ ଜଣ କୃଷକ ସହିଦ ହେବା ପରେ ଯାଇ ଅହଂକାରୀ ମୋଦି ସରକାରଙ୍କ ମୁଣ୍ଡ ଚାଷୀଙ୍କ ଠାରେ ନତମସ୍ତକ ହୋଇଛନ୍ତି l ଶେଷରେ ତିନି କଳା କୃଷି ଆଇନକୁ ସରକାର ପ୍ରତ୍ୟାହାର ପାଇଁ ଘୋଷଣା କରିବାରୁ ଚାଷୀ ତାର ଦୀର୍ଘ ଦିନର ପରିଶ୍ରମ ଓ ଏକାଗ୍ରତାର ବିଜୟ ହୋଇଛି l ଏହି ଖୁସିରେ ଆଜି ବିନିକା ନଗର ଓ ବ୍ଲକ କଂଗ୍ରେସ ତରଫରୁ ସ୍ଥାନୀୟ ତହସିଲ ଅଫିସ ଛକ ଠାରେ ସାଧାରଣ

ଲୋକ ଓ ଚାଷୀଙ୍କୁ ମିଠା ବଣ୍ଟନ କରାଯାଇଥିଲା । ଏହି ପରିପ୍ରେକ୍ଷୀରେ ବ୍ଲକ କଂଗ୍ରେସ କମିଟି ସଭାପତି ରବୀନ୍ଦ୍ର କୁମାର ହୋତାଙ୍କ ନେତୃତ୍ୱରେ ଅନୁଷ୍ଠିତ ଏହି ମିଠା ବଣ୍ଟନ କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରଦୀପ ସେଠୀ, ବରିଷ୍ଠ କଂଗ୍ରେସ ନେତା ନରେନ୍ଦ୍ର ସାହୁ,ରାଘବ ଦାସ, ସୁଧାଂଶୁ ପଣ୍ଡା, ନରେନ୍ଦ୍ର ପଣ୍ଡା, ସପନେଶ୍ୱର୍ ପୃଷ୍ଟି,ବିଜୟ ଭୋଇ, ଶିବ ପ୍ରସାଦ ଖମାରୀ,ସୁମନ୍ତ ସାହୁ, ଗୋବିନ୍ଦା ଝାଙ୍କର,ତିତୁନା ମହାଲିଂ,ରବି ଭାଇନା,ଘୁଣ୍ଡୁ ଭୋଇ,ବିମ୍ବାଧର ମେହେର,ବିପିନ ମେହେର ପ୍ରମୁଖଙ୍କ ସମେତ ବହୁ କଂଗ୍ରେସ ନେତା ସାମିଲ ହୋଇଥିଲେ ।