20-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା
ପାଟଣାଗଡ଼ ବ୍ଲକ ବାଲିପଟା ଗ୍ରା:ପ:ଅନ୍ତର୍ଗତ ଖଳିଆ ଗାଁ ର ଖେଳ ପଡ଼ିଆ ଠାରେ ବାଞ୍ଜିତଳିଏନ କ୍ରିକେଟ ଏସୋସିଏସନ ତରଫରୁ ଚାଲିଥିବା ଜିଲ୍ଲା ସ୍ତରୀୟ କ୍ରିକେଟ ପ୍ରତିଯୋଗିତା ଆଜି କ୍ବାଟର ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା। କ୍ୱାଟର ଫାଇନାଲ ଉତ୍ସବ ରେ ମୁଖ୍ୟ ଅତିଥି ଭାବରେ କଂଗ୍ରେସ ବିଧାୟକ ପ୍ରାର୍ଥୀ ଶ୍ରୀ ରମେଶ ପୁରୋହିତ ଯୋଗଦାନ କରି ସାଫଲ୍ୟ ମଣ୍ଡିତ କରିଥିବା ବେଳେ ସମ୍ମାନିତ ଅତିଥି ଭାବରେ ଶ୍ରୀ ପ୍ରମୋଦ ବେହେରା ସଭାପତି ଆଞ୍ଚଳିକ ଧନୁଯାତ୍ରା କମିଟି ଯୋଗୀମୁଣ୍ଡା , ନେତ୍ରା ସାହୁ, ସରୋଜ ରଣା ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ଆଜିର ମ୍ୟାଚ ପାଟଣାଗଡ଼ ଓ ଭାଲୁଦର୍ହ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା ପ୍ରଥମେ ପାଟଣାଗଡ଼ କ୍ରିକେଟ ଦଳ ଟସ ଜିତି ବେଟିଂ ନିଷ୍ପତ୍ତି ନେଇ ୫ ଓଭର ରେ ୫୪ ରନ  କରିଥିଲେ ପ୍ରତି ଜବାବ ରେ ଭାଲୁଦର୍ହ ଦଳ ସମସ୍ତ ଉଇକେଟ ହରେଇ ମାତ୍ର ୩୪ରନ ସଂଗ୍ରହ କରିବାରେ ସକ୍ଷମ  ହୋଇଥିଲା । ଖେଳକୁ ଓଡିଶା କ୍ୱାଲିଫାଏଡ଼ ଅମ୍ପାୟାର କିରଣ ଭୋଇ ଓ ବିପିନ ବନଛୋର ପରିଚାଳିତ  କରିଥିବା ବେଳେ ଅରୁଣ ନାଏକ  ସ୍କୋରର ଦାୟିତ୍ୱ ତୁଲାଇ ଥିଲେ ।ରହସ୍ୟ ସାହୁ ଙ୍କର ଧରାବିବରଣୀ ରେ ଦର୍ଶକ ମନ୍ତ୍ରମୁଗ୍ଧରେ ବାନ୍ଧି ରଖିଥିଲା। ଏସୋସିଏସନ ସଭାପତି ଶ୍ରୀ ମନୋଜ ଲୁହା ଉପସ୍ଥିତ ରହି ଦାୟିତ୍ୱ ତୁଲାଉଥିବା ବେଳେ ଅବିନାଶ ଲୁହା,ସୁବାସ ସିଂ, କସ୍ତୁଭ ସାହୁ, ରୀଙ୍କୁ ,ପରମେଶ୍ୱର, ନେତ୍ରମଣି ଠାକୁର,ରାଜିନ୍ଦ୍ର ବନଛୋର,ପୀତବାସ ସାହୁ, ହିମାଂଶୁ ସାହୁ ପ୍ରମୁଖ ସହଯୋଗ କରିଥିଲେ ।ଏହି ପ୍ରତିଯୋଗିତାରେ ସମୁଦାୟ ୩୨ ଗୋଟି ଦଳ ଅଂଶଗ୍ରହଣ କରିଥିବା ବେଳେ ଆଗାମୀ ୨୧ ତାରିଖ ଦିନ ଏହାର ଉଦଯାପିତ ହେବ ବୋଲି କ୍ରିକେଟ ଏସୋସିଏସନ ର ସଭାପତି ଶ୍ରୀ ମନୋଜ ଲୁହା ସୂଚନା ଦେଇଛନ୍ତି ।