17-Nov-2021

ସମ୍ବଲପୁର(ସଂଜୀବ କୁମାର ପାଣିଗ୍ରାହୀ):  ଜାନୁଆରୀ  ୬ ତାରିଖ ରୁ ୧୪ ତାରିଖ ମଧ୍ୟରେ ସମ୍ବଲପୁର ପି. ଏଚ. ଡି ପଡିଆ ଅଇଁଠାପାଲ୍ଲୀ ଠାରେ ଜାତୀୟସ୍ତରୀୟ ପଲ୍ଲୀଶ୍ରୀ ମେଳା ଅନୁଷ୍ଠିତ ହେବ | ଚଳିତ ବର୍ଷ ମେଳାରେ ୧୦୦ ଷ୍ଟଲ ରହିବା  ସହିତ  କୋଭିଡ ନିୟମ ପାଳନ ପୂର୍ବକ  ମେଳା ଆୟୋଜନ କରାଯିବ | ବିଭିନ୍ନ ଜିଲ୍ଲାର ଏସ.ଏଚ ଜି ର ଗ୍ରୁପ ଏହି ମେଳାରେ ସାମିଲ ହେବେ |ସାଂସ୍କୃତିକ କାର୍ଯ୍ୟକ୍ରମକୁ ସମ୍ପୂର୍ଣ ଭାବେ ବାରଣ କରାଯାଇଛି | ଗ୍ରାମାଞ୍ଚଳରେ ଉତ୍ପାଦିତ ଦ୍ରବ୍ୟର ବିକ୍ରୟ କୁ ଅଗ୍ରାଧିକାର ଦେବା ନିମନ୍ତେ ମେଳାର ଆୟୋଜନ କରାଯାଉଛି | ଆଜି ସ୍ଥାନୀୟ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଅନୁଷ୍ଠିତ ପ୍ରସ୍ତୁତି ବୈଠକରେ ପ୍ରକଳ୍ପ ନିର୍ଦ୍ଧେଶକ ଶ୍ରୀ ଦିଲ୍ଲୀପ କୁମାର ବଳ ଅଧ୍ୟକ୍ଷତା କରିଥିଲେ | ବୈଠକରେ ଅନ୍ୟ ମାନଙ୍କ ମଧ୍ୟରେ ଡି. ଏସ. ପି ସଦର ଜୋସନ୍ନାମୟୀ ପ୍ରଧାନ, ସି. ଡି. ଏ. ଓ  ଦିଲ୍ଲୀପ ନାୟକ, ଡେପୁଟି ଡିରେକଟର ଉଦ୍ୟାନ ବିଭାଗ ରଞ୍ଜନ ଦାସ ମହାପାତ୍ର, ଡି. ଡବ୍ଲୁ. ଓ ଭାଗିରଥି ପଟେଲ, ଡିପିଡି ଆତ୍ମା ଜଗନ୍ନାଥ ଦାସ, ଅସିଷ୍ଟାଣ୍ଟ ଫାୟର ଅଫିସର ଜିତେନ୍ଦ୍ର କୁମାର ବିଶ୍ୱାଳ, ଏପିଡି ଡ. ମନୋରଞ୍ଜନ ହୋତା, ଏ. ଡି. ଭି. ଓ ଡ. ଅଞ୍ଜନ କୁମାର ଦାସ ସମେତ ଅନ୍ୟ ପ୍ରମୁଖ ଅଧିକାରୀ ଉପସ୍ଥିତ ଥିଲେ |