17-Nov-2021

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ପଂଚାୟତ ସମିତି ଡିଗ୍ରୀ କଲେଜରେ ବ୍ଲକ ସ୍ତରୀୟ ବକୃତା ପ୍ରତିଯୋଗୀତା ସୋନପୁର ନେହେରୁ ଯୁବକେନ୍ଦ୍ର ପକ୍ଷରୁ ଅନୁଷ୍ଠିତ ହୋଇଯାଇଛି । ଅଧ୍ୟାପକ ଦୁର୍ଗା ପ୍ରସାଦ ସାହୁଙ୍କ ଅଧ୍ୟକ୍ଷତାରେ ହୋଇଥିବା ଏହି ପ୍ରତିଯୋଗୀତାରେ ବହୁ ଛାତ୍ରଛାତ୍ରୀ ଯୋଗଦେଇଥିଲେ । ବିଚାରକ ଭାବରେ ଅଧ୍ୟାପିକା ତେଜଶ୍ରୀ ମିଶ୍ର, ରଶ୍ମିରାଣୀ ବଡପଣ୍ଡା, ଅଧ୍ୟାପକ ବିଶ୍ୱ ନାଗ ଯୋଗଦେଇଥିଲେ । ଏଥିରେ ଦିପ୍ତିମୟୀ ଚିରଗୁନ ପ୍ରଥମ, ଆରାୟା ସୁନା ଦ୍ୱିତୀୟ, ମାଧୁରୀ ଭୋଇ ତୃତୀୟ ସ୍ଥାନ ଅଧିକାରୀ କରି ଜିଲ୍ଲା ସ୍ତରୀୟ  ପ୍ରତୀଯୋଗିତାରେ ଭାଗ ନେବା ପାଇଁ ମନୋନୀତ ହୋଇଛନ୍ତି । ଶମ୍ଭୂରାଜ କର୍ଣ୍ଣ କାର୍ଯ୍ୟକ୍ରମ ପରିଚାଲନା କରିଥିଲେ । ଧବଲେଶ୍ୱର ଭୁକ୍ତା ସହେଯାଗ କରିଥିବା ବେଳେ ହୃଷିକେଶ ଦେହେରୀ ଧନ୍ୟବାଦ ଦେଇଥିଲେ ।