17-Nov-2021

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କାଦୋଦର ମାଁ ଉମଦେବୀ ଆଂଚଲିକ କଲେଜରେ ଯୁକ୍ତ ଦୁଇ ଛାତ୍ରଛାତ୍ରୀଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି । ଅଧ୍ୟକ୍ଷ ବହ୍ଲଭ ପୁରୋହିତଙ୍କ ସଭାପତିତ୍ୱରେ ଆୟୋଜିତ ସମ୍ବର୍ଦ୍ଧନା ସଭାରେ ଅଧ୍ୟାପକ ନିତ୍ୟାନନ୍ଦ ମିଶ୍ର ବକ୍ତା ଭାବରେ ଯୋଗଦେଇ ଶୃଙ୍ଖଳିତ ଆଚରଣ ଓ ସଂସ୍କାରୀତ ଜୀବନ ଯାପନକୁ ପାଥେୟ କରି ଜୀବନକୁ ସରଶ ସୁନ୍ଦର କରିବାକୁ ଛାତ୍ରଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ । ସମ୍ମାନୀତ ଅତିଥି ଭାବରେ ଯୋଗଦେଇ ଅଧ୍ୟାପକଜ ସୁଶାନ୍ତ ଦେହୁରୀ, ବାଲମୁକୁନ୍ଦ ବାରିକ, ଉଦ୍ଧବ ପଧାନ, ଅଧ୍ୟାପିକା ସାଧନା ମେଲ୍ଲୀ, ରଂଜିତା ମିଶ୍ର ପ୍ରମୁଖ ମଂଚାସୀନ ହୋଇଥିଲେ । ଯୁକ୍ତ ଦୁଇ ଦ୍ୱିତୀୟ ବର୍ଷର ଛାତ୍ରୀ ଅନିଷା ବେହେରା ମାଲି, ସ୍ୱାଗତିକା ବଡମାଲି, ଜଶୋଦା ବେହେରା ସ୍ୱାଗତ ସଂଗୀତ ଗାନ କରିଥିଲେ ।  ଶମ୍ଭୂ ପ୍ରସାଦ ଭୋଇ, ନରୋତମ କର୍ମୀ, ଯୋଗିନ୍ଦ୍ର ପଧାନ, ସଂଜୀବ ଦନ୍ତା, ସୁଶାନ୍ତ ମିଶ୍ର ପ୍ରମୁଖ ସହେଯାଗ କରିଥିଲେ ।