06-Nov-2020

ଭଦ୍ରକ (ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ): ଭଣ୍ଡାରିପୋଖରୀ ବ୍ଲକ ଭାଗିବିନ୍ଧାସ୍ଥିତ ଅଙ୍ଗନବାଡି କେନ୍ଦ୍ରରେ ସାମାଜିକ ସଂଗଠନ ମାରୁତି ସେନା ପକ୍ଷରୁ ବ୍ଲକ୍ ସ୍ତରୀୟ ମେଗା ବୃକ୍ଷ ରୋପଣ କାର୍ଯ୍ୟକ୍ରମ ସଙ୍ଗଠନର ସଭାପତି ଆଲୋକ ରାଉତଙ୍କ ସଞ୍ଚାଳନରେ ଅନୁଷ୍ଠିତ ହୋଇଯାଇଛି। ଏହି ଅଙ୍ଗନବାଡି ପରିସରରେ ପାଖାପାଖି ୫୦ରୁ ୬୦ ଟି ନଡ଼ିଆ ଗଛ, ବଉଳ ଗଛ, ଦେବଦାରୁ ଓ ଆକାଶି ବୃକ୍ଷ ରୋପଣ କରାଯାଇଥିଲା ।ଏହି କାର୍ଯ୍ୟକ୍ରମରେ ସଂଗଠନର ଉପଦେଷ୍ଟା ସୁକାନ୍ତି ବାରିକ, ସାବିତ୍ରୀ ରାୟ ,ପ୍ରେମାନନ୍ଦ ଜେନା ଓ ଦୀପକ ଜେନାଙ୍କ ସହ ସ୍ଥାନୀୟ ଗ୍ରାମବାସୀ ମିଳିମିଶି ବୃକ୍ଷ ରୋପଣ କରିବା ସହିତ କାର୍ଯ୍ୟକ୍ରମ ପରିଚାଳନା କରିଥିଲେ ।ଆଗାମୀ ଦିନରେ ମାରୁତି ସେନା ପକ୍ଷରୁ ବିଭିନ୍ନ ସ୍ଥାନରେ ଏହି ବୃକ୍ଷ ରୋପଣ କାର୍ଯ୍ୟକ୍ରମ ଚାଲୁ ରହିବ ବୋଲି ସଂଗଠନ ପକ୍ଷରୁ ସୂଚନା ଦିଆଯାଇଛି । ତେବେ ଏଥି ପୂର୍ବରୁ ବିଭିନ୍ନ ସ୍ଥାନରେ ଅସହାୟଙ୍କ ପେଟରେ ଦାନା ଦେବା , ଅଗ୍ନି ବିପନ୍ନଙ୍କୁ ଆର୍ଥିକ ସାହାଯ୍ୟ କରିବା ଓ ରକ୍ତଦାନ ଭଳି ମହାନ କରି ଖୁବ କମ ଦିନରେ ଜିଲ୍ଲାରେ ପ୍ରଶଂସା ସାଉଁଟିଛନ୍ତି l