16-Nov-2021

ରେଢାଖୋଲ ( ଅନିଲ କୁମାର ପୃଷ୍ଟି ) ଲୁକାୟିତ ହୋଇ ରହି ଯାଉ ଥିବା ଖବରକୁ ସାମନାକୁ ଆଣିବା ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ହେବା  ଜରୁରୀ ବୋଲି  ମଙ୍ଗଳବାର ସମ୍ବଲପୁର ଜିଲ୍ଲା ରେଢାଖୋଲ ଓଡିଶା ୟୁନିଅନ ଅଫ ଜର୍ଣ୍ଣାଲିଷ୍ଟ (ଓୟୁଜେ) ପକ୍ଷରୁ ସ୍ଥାନୀୟ ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ଜାତୀୟ ପ୍ରେସ ଦିବସ ସମାରୋହରେ  ଅତିଥିମାନେ ମତ ପ୍ରକାଶ କରିଛନ୍ତି। ଓୟୁଜେ ରେଢାଖୋଲ ସାମ୍ବାଦିକ ସଂଘର ସଭାପତି ରମାକାନ୍ତ ମହାନନ୍ଦଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ରେଢାଖୋଲ ବିଡ଼ିଓ ପରୀକ୍ଷିତ ସାହୁ ମୁଖ୍ୟ ଅତିଥି , ପ୍ରଜାପିତା ବ୍ରହ୍ମା କୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ ରେଢାଖୋଲ ଉପ ସେବା କେନ୍ଦ୍ର ସଞ୍ଚାଳିକା  ବ୍ରହ୍ମା କୁମାରୀ ମଞ୍ଜୁ ଭଉଣୀ ସମ୍ମାନୀତ ଅତିଥି ଓ ଓୟୁଜେ ଜିଲ୍ଲା ଉପ ସଭାପତି ଜୟନ୍ତ କୁମାର ଖଡ଼ିରତ୍ନ ପ୍ରମୁଖ ଯୋଗ ଦେଇ ସାଧାରଣ ଲୋକଙ୍କ ଶାଣୀତ୍ୱ ସ୍ୱରକୁ ଗଣମାଧ୍ୟମ ଆଣିବା ପାଇଁ ସବୁ ପରିସ୍ଥିତିରେ ଜାଗ୍ରତ ରହିବା ଜରୁରୀ। ସାଧାରଣ ଲୋକଙ୍କ ଗଣମାଧ୍ୟମ ପ୍ରତି ଅତୁଟ ଭରସା ରହିଛି। ସାମ୍ବାଦିକତା କ୍ଷେତ୍ରରେ ଆଧ୍ୟାତ୍ମିକ ଦୃଷ୍ଟି, ବୃତ୍ତି ସମ୍ପର୍କ ରହିଲେ ଖବର ସାକାରତ୍ମକ , ନିରପେକ୍ଷ ଓ ସ୍ଵଛ ରହିବ। ନିରପେକ୍ଷ ଖବର ପ୍ରସାରଣ ଓ ସାମ୍ବାଦିକତାର  ଜନ ସମାଜ ପ୍ରତି କଣ ଭୂମିକା ରହିଛି  ଏହା ଉପରେ ଅତିଥି ଓ  ଗଣମାଧ୍ୟମର ପ୍ରତିନିଧି ମାନେ ମତ ପ୍ରକାଶ କରିଥିଲେ। ଏହି କାର୍ଯ୍ୟକ୍ରମରେ  ସାମ୍ବାଦିକ ରୋହିତ ଭୋଇ, ପ୍ରସନ୍ନ କୁମାର ପ୍ରଧାନ, ମମତା ପାତ୍ର, ଶଙ୍କର ପୃଷ୍ଟି, ସୁଶାନ୍ତ ନାଗ,ତପନ କୁମାର ବିଶ୍ବାଳ,ଅନିଲ କୁମାର ପୃଷ୍ଟି, ସରୋଜ କୁମାର ସାହୁ, ସରତ ପ୍ରଧାନଙ୍କ ସମେତ ଡ. ଭାଗିରଥି ବିଶ୍ୱାଳ, ସମାଜସେବୀ ତଥା ସମ୍ବଲପୁର ସାଂସଦଙ୍କ ରେଢାଖୋଲ ପ୍ରତିନିଧି ଶିବ ରାମ ସାହୁ , ଜ୍ୟୋତୀ  ଭଉଣୀ ପ୍ରମୁଖ ଯୋଗ ଦେଇଥିଲେ।