15-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଧୁମାଭଟା ଗ୍ରାମ ପଞ୍ଚାୟତ ଜଲିଆ ଗାଁ ର ଭୂମିହୀନ ପରିବାରକୁ ରହିବାକୁ ଜାଗା ଦେଇଛନ୍ତି କିନ୍ତୁ ଚାଲିବା ପାଇଁ ରାସ୍ତା ନ ଥିବାରୁ ଲୋକେ ବହୁ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି। ସୂଚନା ଅନୁସାରେ ବିଗତ ୫୦ ବର୍ଷ ତଳେ ସରକାର ଙ୍କ ତରଫରୁ ଗରିବ ନିରିହ ଲୋକଙ୍କୁ ରହିବା ପାଇଁ ଜଲିଆ ଗାଁ ରେ କଲୋନୀ ପଡ଼ା ଟିଏ ଗଠନ କରିଥିଲେ। ଏହି କଲୋନୀ ପଡ଼ା ରେ ୫୦ ପରିବାର ବସବାସ କରୁଥିବା ବେଳେ ସେଠାକୁ ଯିବା ପାଇଁ କୌଣସି ବ୍ୟବସ୍ଥା କରାଯାଇ ନାହିଁ। ସେଠାକୁ ଯିବା ଆସିବା ପାଇଁ ରାସ୍ତା ଅଛି କି ନାହିଁ ଯେ ଜନସାଧାରଣଙ୍କୁ ମଧ୍ୟ ଜଣାନାହିଁ। ସେଥିପାଇଁ ସେମାନେ ଅନେକ ଥର ବେଲପଡା ତହସିଲଦାର ଙ୍କୁ ଅବଗତ

କରାଇଥିଲେ ହେଲେ ଆଜି ପର୍ଯ୍ୟନ୍ତ କୌଣସି ସୁଫଳ ମିଳିନଥିଲା। ତେଣୁ କରି ଆଜି ପୁଣି ଥରେ ଜଲିଆ ଗାଁ ର ଲୋକେ ବେଲପଡା ତହସିଲଦାର ଙ୍କୁ ଲିଖିତ ଅଭିଯୋଗ କରିଛନ୍ତି। ଯଦିଓ ୧୫ ଦିନ ମଧ୍ୟରେ ଏହି ସମସ୍ୟାର ସମାଧାନ ନହୁଏ ତେବେ ଆଗାମୀ ଦିନରେ ତହସିଲ କାର୍ଯ୍ୟାଳୟ ସମ୍ମୁଖରେ ଧାରଣା ଦେବାକୁ ଗ୍ରାମବାସୀ ଚେତାବନୀ ଦେଇଛନ୍ତି। ଦାବୀପତ୍ର ଦେବା ସମୟ ରେ ଲିଙ୍ଗରାଜ ପାଣ୍ତେ,କୁମର ସାହୁ,ଅଲେଖ ଭୋଇ, ବଙ୍କ ବରିହା,ଶନ୍ତୋସିନି ବରିହା, ସୁରେଶନ ଦେହେରୀ,ମନୀରାମ ଭୋଇ ଜିତୁ ନାଏକ ରାଜପୁତ ବନମାଲୀ ନାଏକ, ପ୍ରମୁଖ ଉପସ୍ଥିତ ଥିଲେ ।