13-Nov-2021

ଅତାବିରା/ବରଗଡ଼(ନିରଞ୍ଜନ ତ୍ରିପାଠୀ) : ବରଗଡ଼ ଜିଲ୍ଲା ଅତାବିରା ବ୍ଲକ ଏନ୍ ଏ ସି ସ୍ଥିତ ୱାର୍ଡ ନଂ ୧୨ କାଣ୍ଡପାଲି ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବ୍ଲକ ସ୍ତରୀୟ ସୁରଭି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି କାର୍ଯ୍ୟକ୍ରମର ଉଦଘାଟନୀ ଉତ୍ସବରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଜ୍ୟୋତିକାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଶୁଭାରମ୍ଭ କରିଥିଲେ।ଏହି କାର୍ଯ୍ୟକ୍ରମକୁ ବ୍ଲକ ଶିକ୍ଷା ଅଧିକାରୀ ମଛିନ୍ଦ୍ର

ମଲ୍ଲିକ ସଭାପତିତ୍ବ କରିଥିବା ବେଳେ ସଂପାଦନ ଦାୟିତ୍ଵ ରେ ଅତିରିକ୍ତ ବ୍ଲକ ଶିକ୍ଷା ଅଧିକାରୀ କାର୍ତ୍ତିକ ବାଗ ରହିଥିଲେ।ଶିକ୍ଷୟିତ୍ରୀ ରଶ୍ମି ରାଣୀ ନନ୍ଦ ଅତିଥି ପରିଚୟ ପ୍ରଦାନ କରିଥିଲେ।କାର୍ଯ୍ୟକ୍ରମରେ ବ୍ଲକ ର ୧୪ଟି କ୍ଲଷ୍ଟର ରୁ ଗୀତ,ରଚନା,ଚିତ୍ରାଙ୍କନ,ନରୁ ଓ ବିତର୍କ ପ୍ରତିଯୋଗିତା ର ପ୍ରଥମ ସ୍ଥାନ ଅଧିକାର କରିଥିବା ୧୨୬ ପ୍ରତିଯୋଗୀ ମାନେ ବ୍ଲକ ସୁରଭି କାର୍ଯ୍ୟକ୍ରମ ରେ ଯୋଗଦେଇ ଥିଲେ।ଏମାନଙ୍କ ମଧ୍ୟରୁ ୯ଜଣ ପ୍ରତି ଯୋଗୀ ଜିଲ୍ଲାସ୍ତରକୁ ଆସନ୍ତା ୧୪ତାରିଖ ଦିନ ଯିବା ପାଇଁ ମନୋନୀତ ହୋଇଛନ୍ତି।ସେହିପରି ଉଦଯାପନୀ ଉତ୍ସବ ରେ ଜିଲ୍ଲା ଭାରପ୍ରାପ୍ତ ଶିକ୍ଷା ଅଧିକାରୀ ରାଧାକାନ୍ତ  ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ, ଜିଲ୍ଲା ବିଜ୍ଞାନ ନିରୀକ୍ଷକ ମନୋଜ ସାହୁ,ବରଗଡ଼ କଂସ ଅଭିନେତା ଭୁବନ ପ୍ରଧାନ,ନୃତ୍ୟ ନିର୍ଦ୍ଦେଶକ ତପସ୍ଵିନୀ ଗୁରୁ,ଜିଲ୍ଲା ଶାରୀରିକ ନିରୀକ୍ଷକ ଆଶୁତୋଷ ଦେ,ସ୍କୁଲ ପରିଚାଳନା କମିଟି ର ସଭାପତି ଲୋଚନ ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ।ସୁରଭି କାର୍ଯ୍ୟକ୍ରମରେ ଆୟୋଜକ କମିଟି ର ଶିକ୍ଷକ ସନ୍ତୋଷ କର ବିବରଣୀ ପଠନ କରିଥିବା ବେଳେ ମଞ୍ଚ ପରିଚାଳନା ଓ ପୁରସ୍କାର ବିତରଣ କାର୍ଯ୍ୟକ୍ରମରେ ଶିକ୍ଷକ ବଳରାମ ସାହୁ

ସହଯୋଗ କରିଥିଲେ।ସୁରଭି ଆୟୋଜକ ସଂଯୋଜକ ଅତାବିରା ପ୍ରାଥମିକ ସଂଘର ସଂପାଦକ ରଶ୍ମି ରଞ୍ଜନ ସାହୁ ଅତିଥି ସ୍ଵାଗତ ଜଣାଇଥିଲେ।ସ୍କୁଲ ର ଛାତ୍ରଛାତ୍ରୀ ମାନଙ୍କ ଦ୍ଵାରା ଉଦଯାପନୀ ସଙ୍ଗୀତ ସହ ଅତିଥି ମାନଙ୍କୁ ଫୁଲତୋଡ଼ା ଦେଇ ସମ୍ମାନିତ କରିଥିଲେ।ସକାଳ ୯ଟା ରୁ କାର୍ଯ୍ୟକ୍ରମ ଶେଷ ପର୍ଯ୍ୟନ୍ତ ସୁରଭି କାର୍ଯ୍ୟକ୍ରମ କୁ ନିମନ୍ତ୍ରିତ ଅତିଥି ମାନଙ୍କୁ ଖଇରପାଲି ଉଚ୍ଚ ପ୍ରାଥମିକ ବିଦ୍ୟାଳୟ ର ଛାତ୍ର ମାନଙ୍କ ଦ୍ଵାରା ଦୁଲୁଦୁଲି ବାଦ୍ୟ ର ତାଳେ ତାଳେ ସ୍ଵାଗତ ଜଣାଇଥିଲେ।କାର୍ଯ୍ୟକ୍ରମ ପାଇଁ ସ୍ବତନ୍ତ୍ର ଭାବେ ଗ୍ରାମବାସୀ ଙ୍କ ପକ୍ଷରୁ ଝୋଟି ସହ ପୂର୍ଣ୍ଣ କୁମ୍ଭ କଳସ ବସାଇ ଜନ ମାନସରେ ଶୋଭାବର୍ଦ୍ଧନ ହୋଇଥିଲା।ବିଭିନ୍ନ ସ୍କୁଲ ର କୁନି କୁନି ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ରେ ଝୁମି ଉଠିଥିଲା ଗାଁ ପରିସର।କାର୍ଯ୍ୟକ୍ରମରେ ସମସ୍ତ ସି .ଆର୍. ସି.ସି,ଶିକ୍ଷକ ଶିକ୍ଷୟିତ୍ରୀ,ଗ୍ରାମବାସୀ ଦେବାନନ୍ଦ ପ୍ରଧାନ,ଅର୍ଜୁନ ପରିଡ଼ା, ପଞ୍ଚାନନ ନାଥ,ସୁଶାନ୍ତ ତ୍ରିପାଠୀ,ପୁଷ୍ପଲତା ନାଏକ,ଅନୂସୟା ଦେବତା,ଗୋକୁଳି ମଲ୍ଲିକ ପ୍ରମୁଖ ସକ୍ରିୟ ସହଯୋଗୀ ରହିଥିବା ବେଳେ ସି.ଆର.ସି.ସି ମନୋ ରଞ୍ଜନ ମିଶ୍ର ଧନ୍ୟବାଦ ଅର୍ପଣ କରିଥିଲେ।