13-Nov-2021

ସୁବର୍ଣ୍ଣପୁର,(ମନୋରଞ୍ଜନ ତ୍ରିପାଠୀ) : ଶିଳ୍ପ ନିର୍ଦ୍ଦେଶକ ମହମ୍ମଦ ସାଦିକ ଆଲମ , ଆଇଏଏସ  ଙ୍କ ଏକ ସମୀକ୍ଷା ବୈଠକ ସ୍ଥାନୀୟ ଜିଲ୍ଲାପାଳଙ୍କ ସମ୍ମିଳନୀ କକ୍ଷ ରେ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ସୁବର୍ଣ୍ଣପୁର ଜିଲ୍ଲାପାଳ ଶ୍ରୀମତୀ ଆବୋଲି ସୁନୀଲ ନରୱାଣେ ଉପସ୍ଥିତ ରହି ଆଲୋଚନା ରେ ଅଂଶଗ୍ରହଣ କରି ସମସ୍ତ ବିଭାଗୀୟ ଅଧିକାରୀ ଯତ୍ନବାନ ସହ ସମୟ ଅବଧିରେ ଲୋକଙ୍କୁ ସୁବିଧା

ଯୋଗାଇବା ଉପରେ ଗୁରୁତ୍ୱ ପ୍ରଦାନ କରିଥିଲେ l ସମୀକ୍ଷା ବୈଠକରେ  ସୁବର୍ଣ୍ଣପୁର ଜିଲ୍ଲାରେ ଅଣୁ , କ୍ଷୁଦ୍ର ଓ ମଧ୍ୟମ ଶିଳ୍ପ ର ବିକାଶ ରେ ସମସ୍ତଙ୍କ ସହଯୋଗ ରେ କିଭଳି ସ୍ଥାନୀୟ ନିଯୁକ୍ତି ର ଅଭିବୃଦ୍ଧି ହେବା ସହିତ ବେରୋଜଗାରୀ ଯୁବକଙ୍କୁ ଆତ୍ମନିର୍ଭରଶୀଳ କରାଯାଇପାରିବ ସେଉପରେ ପୁଙ୍ଖାନୁପୁଙ୍ଖ ଭାବରେ ଆଲୋଚନା କରାଯାଇଥିଲା l ଏହା ସହିତ ପି ଏମ ଜି ପି, ପି ଏମ ଏଫ ଏମ ଇ  ଯୋଜନା ର ସମୀକ୍ଷା କରାଯାଇଥିଲା l ସୁବର୍ଣ୍ଣପୁର ଜିଲ୍ଲାରେ ଏମ ଏସ ଏମ ଇ ପାର୍କ ଗଠନ ପାଇଁ ଇଡ଼କୋ ତରଫରୁ ନିଆଯାଇଥିବା ଯୋଜନା ସମ୍ପର୍କରେ ବିଷଦ ଭାବରେ ଆଲୋଚନା କରାଯାଇଥିଲା l ଉକ୍ତ ବୈଠକରେ ଏଲ ଡି ଏମ, ବିଭିନ୍ନ ଜିଲ୍ଲା ସ୍ତରୀୟ ଅଧିକାରୀ, ବ୍ୟାଙ୍କ ର ଅଧିକାରୀ, ଇଡକୋ, ପ୍ରଦୂଷଣ ବୋର୍ଡ ର ଅଧିକାରୀପ୍ରମୁଖ ଯୋଗ ଦେଇଥିଲେ l ଉଦ୍ୟୋଗୀ ମାନଙ୍କୁ ସରକାରଙ୍କ ଯୋଜନା କିଭଳି ଭାବରେ ଠିକ ସମୟରେ ଉପଲବ୍ଧ ହୋଇପାରିବ ତଥା ବିଭିନ୍ନ ଯୋଜନା ର ସୁଫଳ ଉଦ୍ୟୋଗୀ ମାନେ କିଭଳି ପାଇପାରିବେ ସେ ଉପରେ ଯତ୍ନବାନ ହେବାକୁ ନିର୍ଦ୍ଦେଶ ଦେଇଥିଲେ ଶିଳ୍ପ  ନିର୍ଦେଶକ  l ଉକ୍ତ ବୈଠକକୁ ହସ୍ତଶିଳ୍ପ ବିକାଶ ଅଧିକାରୀ ଶ୍ରୀ ଦେବାଶିଷ ମିଶ୍ର ପରିଚାଳନା କରିଥିବା ବେଳେ ଜିଲ୍ଲା ଶିଳ୍ପ କେନ୍ଦ୍ରର ସାଧାରଣ ପରିଚାଳକ ଶ୍ରୀ ବଳଭଦ୍ର ନାୟକ ପ୍ରାରମ୍ଭିକ ଅତିଥି ପରିଚୟ ପ୍ରଦାନ କରିଥିଲେ l