13-Nov-2021

ବଲାଙ୍ଗୀର  ବଲାଙ୍ଗୀର ବିଜାଖମନ ସ୍ଥିତ ଷ୍ଟେଟ ଇନଷ୍ଟିଚ୍ୟୁଟ ଅଫ ହୋଟେଲ ମ୍ୟାନେଜମେଣ୍ଟ (ଏସଆଇଏଚଏମ) କଲେଜରେ ଆଜି ଅପରାହ୍ନରେ ୪ ଟାରେ ଆଣ୍ଟିରାଗିଂ କମିଟି ବୈଠକ ଅନୁଷ୍ଠିତ ହୋଇଯାଇଛି । କଲେଜର ଅଧ୍ୟକ୍ଷ ସୁରେଶ ଏକନାଥଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ କଲେଜରେ ବିଗତ ୧୬ ବର୍ଷ ମଧ୍ୟରେ କେବେବି କୌଣସି ଛାତ୍ରଛାତ୍ରୀଙ୍କୁ ର‌୍ୟାଗିଂ ହୋଇନଥିବା  ସୂଚନା ଦିଆଯାଇଥିବା ବେଳେ  ଆଗକୁ ଏହି ପରମ୍ପରା ବଜାୟ ରଖିବାକୁ  ଛାତ୍ରଛାତ୍ରୀଙ୍କୁ ଅନୁରୋଧ କରାଯାଇଛି । ଅଧ୍ୟକ୍ଷ ଶ୍ରୀ ଏକନାଥ ସରକାର ର‌୍ୟାଗିଂକୁ ନେଇ କଡା ଆଇନ କରି ଆଭିମୁଖ୍ୟ ସ୍ପଷ୍ଠ କରିଛନ୍ତି ଏବଂ ଏକ ସ୍ୱତନ୍ତ୍ର ଗାଇଡ ଲାଇନ ଦେଇଛନ୍ତି । ଅନୁଷ୍ଠାନରେ କୌଣସି ବି ଛାତ୍ର କିମ୍ବା ଛାତ୍ରୀଙ୍କୁ ଅପ୍ରିତିକର ମନ୍ତବ୍ୟ ତଥା ମାନସିକ ସମ୍ମାନ ହାନି ହେଲା ଭଲି  ପରିସ୍ଥିତି ସୃଷ୍ଟି ହେଲେ ତାକୁ ର‌୍ୟାଗିଂ କୁହାଯିବ ଓ ସେଥିପାଇଁ କଠୋର ପଦକ୍ଷେପ ନିଆଯିବ ବୋଲି କହିଥିଲେ । ସମସ୍ତେ ମିଳିମିଶି ସହଯୋଗ ଭିତିରେ ଅନୁଷ୍ଠାନରେ ରହିବାକୁ ପରାମର୍ଶ ଦେଇଥିଲେ । ଯଦି କାହାକୁ କାହାରି ବ୍ୟବହାର ଅସନ୍ତୋଷ ଲାଗେ । ତେବେ ତୁରନ୍ତ ଅନଲାଇନ କିମ୍ବା ହେଲପ ଲାଇନ ନମ୍ବରେ ଅଭିଯୋଗ କରିପାରିବେ ବୋଲି କହିଥିଲେ । ଏହି ବୈଠକରେ କମିଟିର ସଦସ୍ୟ ତଥା ବରିଷ୍ଠ ସମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଯୋଗଦେଇ ତାଙ୍କ ଛାତ୍ର ଜୀବନର ଅନୁଭୁତି ବିଷୟରେ କହିବା ସହିତ ବର୍ତ୍ତମାନର ସରକାରୀ ଆଇନ ବିଷୟରେ ଆଲୋକପାତ କରିଥିଲେ । ଛାତ୍ରଛାତ୍ରୀ ମାନେ କ୍ୟାରିୟର ଗଢିବାକୁ ଯତ୍ନବାନ ହୋଇ ହଷ୍ଟେଲ ଜୀବନକୁ ଉପଭୋଗ କରିବାକୁ ପରାମର୍ଶ ଦେଇଥିଲେ । ବୈଠକରେ ଅନ୍ୟମାନଙ୍କ ମଧ୍ୟରେ କମିଟି ସଦସ୍ୟ ସ୍ୱେଚ୍ଛାସେବୀ ଧିରେନ୍ଦ୍ର ବନଛୋର , ଅବିଭାବକ ପ୍ରତିନିଧି ପଙ୍କଜିନୀ ପଟ୍ଟନାୟକ,ହଷ୍ଟେଲ ସୁପରିଟେଣ୍ଡେଟ କଳ୍ପନା ଜେନା,କଲେଜର ଅଧ୍ୟାପକ କେ ରବିକୁମାର ,ଦିନେଶ କୁମାର ଗୋଡସରା, ଜୟକିଷ୍ଣା ଭୋଇ,ଛାତ୍ର ପ୍ରତିନିଧି ହିମାଂସି ଚୌହାନ ,ଶେଖର ସୁମନ ଦାଶ ପ୍ରମୁଖ ଯୋଗ ଦେଇଥିଲେ ।