12-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ତେତେଲମୁଣ୍ଡା ପଞ୍ଚାୟତ ବାଘଉଡାର ଗାଁ ର ତଳପଡା ଅଙ୍ଗନବାଡ଼ି ଗୃହ ନିର୍ମାଣ କରୁଥିବାରୁ ଗ୍ରାମବାସୀ ବିରୋଧ କରି ବିଡ଼ିଓ ଙ୍କ ଜରିଆରେ ଜିଲ୍ଲାପାଳ ଙ୍କୁ ଦାବିପତ୍ର ଦେଇଛନ୍ତି। ସୂଚନା ଅନୁଯାୟୀ

ବର୍ତ୍ତମାନ ଯେଉଁ ସ୍ଥାନରେ ଅଙ୍ଗନବାଡ଼ି କେନ୍ଦ୍ର ନିର୍ମାଣ ହେଉଛି ସେହି ଠାରେ ପୂର୍ବରୁ ଅଙ୍ଗନବାଡ଼ି କେନ୍ଦ୍ର ନିର୍ମାଣ ହୋଇସାରିଛି। ଏବେ ବାଘଉଡାର ଗାଁ ର ଉପର ପଡ଼ାରେ ଅଙ୍ଗନବାଡ଼ି କେନ୍ଦ୍ର ନ ଥିବାରୁ ସେଠାରେ ଏକ ଅଙ୍ଗନବାଡ଼ି କେନ୍ଦ୍ର ନିର୍ମାଣ କରିବାକୁ ଗ୍ରାମବାସୀ ଦାବି କରିଥିଲେ। ସେଥିପାଇଁ ଏହି ଗ୍ରାମରେ ଆମ ଗାଁ ଆମ ବିକାଶ ଯୋଜନା ରେ ଏକ ଅଙ୍ଗନବାଡ଼ି କେନ୍ଦ୍ରର ସୁବ୍ୟବସ୍ଥା କରାଯାଇଥିବା ବେଳେ ଉପରପଡାରେ  ନକରି  ତଲପଡାରେ କରୁଥିବା ଯୋଗୁଁ ଗ୍ରାମବାସୀ ମାନଙ୍କ ମନରେ ଅସନ୍ତୋଷ ଦେଖାଦେଇଛି। ତାଙ୍କ ଲିଖିତ ଅଭିଯୋଗ ମୁତାବକ ଉପର ପଡ଼ାରୁ ଅଙ୍ଗନବାଡ଼ି କେନ୍ଦ୍ର ୧ କିଲୋମିଟର ଦୂର ଯିବାକୁ ପଡ଼ୁଥିବାରୁ ଛୋଟ ଛୋଟ ଛୁଆ ମାନଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡୁଛି। କନିଷ୍ଠ

ଯନ୍ତ୍ରୀ ଙ୍କୁ ଗ୍ରାମବାସୀ ବାରମ୍ବାର ଅଭିଯୋଗ କଲେ ସୁଦ୍ଧା ସେହି ସ୍ଥାନରେ କାର୍ଯ୍ୟ ହେଉଥିବା ବେଳେ ସେହି ଗ୍ରାମର ଲୋକମାନେ ବିଡ଼ିଓ ଙ୍କ ଜରିଆରେ ଜିଲ୍ଲାପାଳ ଙ୍କୁ ଦାବିପତ୍ର ଦେବା ସଙ୍ଗେ ସଙ୍ଗେ ତହସିଲଦାର କୁ ସରକାରୀ ଜମି ଚିହ୍ନଟ ପାଇଁ ଲିଖିତ ଅଭିଯୋଗ କରିଥିଲେ। ଏଥିପ୍ରତି ଜିଲ୍ଲାପାଳ ସ୍ବତନ୍ତ୍ର ଦୃଷ୍ଟି ଦେଇ ଉଚିତ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।